482.36
-0.38
568.99
-1.66
8.19
-0.05
+3
Եղանակը Երևանում
Հայ
Ղարաբաղյան հակամարտությունը կարող է լուծվել բացառապես քաղաքական-դիվանագիտական ճանապարհով. ՀՀ ԱԳ նախարար
11:28
29 Հոկտեմբերի 2008

Ղարաբաղյան հակամարտության լուծման միակ ճանապարհը քաղաքական-դիվանագիտականն է, հայտարարել է ՀՀ ԱԳ նախարար Էդվարդ Նալբանդյանը BBC-ի ռուսական ծառայությանը տված հարցազրույցում։

«Ոչ մի ռազմական ճանապարհ չի կարող լուծում հանդիսանալ, քանի որ յուրաքանչյուր պատերազմից հետո, յուրաքանչյուր ռազմական լուծումից հետո, այսպես-կոչված լուծումից հետո, դիվանագետներն ամեն դեպքում պետք է բանակցություններ սկսեն, սակայն արդեն ավելի վատ պայմաններում», - ասել է նա։

Նալբանդյանի խոսքերով, Հարավային Օսեթիայի իրադարձությունները ցույց տվեցին, որ ուժային մոտեցումը ոչ միայն չի լուծում խնդիրը, այլ հակառակը՝ ստեղծում է բազմաթիվ այլ խնդիրներ, որոնց լուծումները գտնելն ավելի դժվար է։

«Ադրբեջանը վերջին հինգ տարվա ընթացքում ավելացրել է ռազմական բյուջեն գրեթե 10 անգամ։ Հարավային Օսեթիայի իրադարձությունները սառը ցնցուղ էին ադրբեջանական առաջնորդների համար, և նրանք դադարեցրեցին իրենց ռազմական հռետորությունն ու հայտարարություններն այն մասին, որ ղարաբաղյան խնդիրը կարելի է լուծել ուժային ճանապարհով», - ասել է նա։

Միաժամանակ Նալբանդյանն ավելացրել է, որ «եթե չլինեին Հարավային Օսեթիայի իրադարձությունները, ապա Ադրբեջանը, որը գրեթե բացեիբաց պատրաստվում էր պատերազմի, կարող էր փորձել լուծել Լեռնային Ղարաբաղի հարցը ուժային ճանապարհով»։

Խոսելով ԵԱՀԿ Մինսկի խմբի գործունեության մասին՝ ՀՀ ԱԳ նախարարը կարծիք է հայտնել, որ այս կառույցի ձևաչափն արդարացրել է իրեն, «և մենք մտադիր ենք շարունակել բանակցությունները հենց ԵԱՀԿ ՄԽ շրջանակներում և համանախագահների օգնությամբ»։

«Այլ ձևաչափեր մտածելու կարիք չկա, քանի որ, ինչպես ես ասացի, Մինսկի խմբի ձևաչափը գործուն է և արդյունավետ», - ընդգծել է նա։

Նալբանդյանը նաև նշել է, որ ԱՄՆ-ն պետք է ուշադիր լինի Վաշինգտոնում արվող հայտարարությունների նկատմամբ, ընդ որում, նրա խոսքերով, խոսվում է հիմնականում այն մասին, որ կա տարածքային ամբողջականության սկզբունք, որն անհրաժեշտ է հարգել։

«Իսկ արվել են նաև հայտարարություններ, մասնավորապես, Հայաստանում ԱՄՆ դեսպանի և պաշտոնական Վաշինգտոնի այլ ներկայացուցիչների կողմից, այն մասին, որ գոյություն ունի երեք սկզբունք՝ ուժի չկիրառման սկզբունքը, տարածքային ամբողջականության և ինքնորոշման սկզբունքները։ Սրանք, փաստորեն, երեք սկզբունքներն են, որոնք ընկած են Հելսինկյան Եզրափակիչ ակտի հիմքում։ Եվ նրանք ընկած են նաև Ղարաբաղյան հակամարտության կարգավորման Մադրիդյան սկզբունքների հիմքում», - ասել է նա։

Պատասխանելով այն հարցին, թե ինչու Հայաստանը չի ճանաչել Աբխազիայի և Հարավային Օսեթիայի անկախությունը՝ Նալբանդյանը նշել է, որ «Հայաստանը մինչ այժմ չի ճանաչել Լեռնային Ղարաբաղը, չնայած նման պահեր եղել են»։

Նալբանդյանըբ նշել է, որ «մենք գտնվում ենք ղարաբաղյան հակամարտության կարգավորմանն ուղղված լուրջ բանակցությունների փուլում և հուսով ենք, որ այդ բանակցությունները կհանգեցնեն փոխզիջումային լուծման»։

«Գլխավոր հարցը Լեռնային Ղարաբաղի կարգավիճակն է, Լեռնային Ղարաբաղի ժողովրդի  ինքնորոշման իրավունքի ճանաչման հարցը։ Եվ մենք կարծում ենք, որ երկկողմ քաղաքական կամքի դեպքում մենք կկարողանանք լուծել խնդիրը»,- ընդգծել է ԱԳՆ նախարարը։

Ղարաբաղյան հակամարտությունը սկսվել է 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը, կողմ քվեարկեց Ադրբեջանից ամբողջովին անկախ լինելուն։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ. մայիսի 12-ին, զինադադարի մասին համաձայնագրի ուժի մեջ մտնելուց հետո, հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազար մարդ, և մոտ մեկ միլիոնը ստիպված եղավ լքել բնակավայրերը։

Զինադադարի ռեժիմի մասին համաձայնությունը պահպանվում է մինչև այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։