ՌԴ նախագահ Դմիտրի Մեդվեդևի այցը Հայաստան կարող է օգտակար լինել հայ-ռուսական փոխհարաբերությունների շարունակման, ընդլայնման և խորացման առումով, կարծում է Կովկասի ինստիտուտի տնօրեն Ալեքսանդր Իսկանդարյանը։
«Այդ այցի շարունակությունը կարող է թեկուզ ոչ թե հենց այցը դառնալ, այլ հայ-ռուսական փոխհարաբերությունների մշակման փորձը Հարավային Կովկասի նոր տարածաշրջանում»,- ասաց նա հինգշաբթի Երևանի «Նովոստի» միջազգային մամուլի կենտրոնում «ՌԴ նախագահ Դմիտրի Մեդվեդևի Հայաստան կատարած այցի արդյունքները» թեմայով Երևան-Մոսկվա տեսակամրջի ընթացքում։
Այդ համատեքստում նա կարևորեց, որ աշխարհն ու Ռուսաստանը, մասնավորապես, գործ ունեն նոր Հարավային Կովկասի հետ, քանի որ «հնգօրյա պատերազմից հետո հին Հարավային Կովկասն անհետացավ»։
«Ամեն դեպքում, ռուս- հարավկովկասյան հարաբերությունների մասին խոսելիս չի կարելի է ասել, որ ռուս-վրացական քաղաքականություն գոյություն չունի, սակայն այժմ այն գոյություն ունի միանգամայն այլ ձևաչափերում և միանգամայն այլ հարթություններում... Երբ մենք հիմա խոսում ենք Հարավային Կովկասի մասին, ապա նկատի ունենք Հայաստանն ու Ադրբեջանը»,- ասաց Իսկանդարյանը։
«Եթե այդպես է, ուրեմն այս տարածաշրջանում, որը ձևավորվում է մեր աչքի առաջ ու դեռ չի ձևավորվել, պետք է 5-6 ամիս անցնի, որպեսզի վերաձևափոխվի ու քաղաքական քարտեզի վրա նոր տարածաշրջան հայտնվի, և Ռուսաստանը պետք է սկսի այդ տարածաշրջանի հետ փոխգործակցել նոր ձևաչափում»- ավելացրեց նա։
Այդ համատեքստում փորձագետը նշեց, որ Մեդվեդևի այցը Բաքու և Երևան ուղղված էր այդ խնդրի լուծմանը։
Ընդ որում Իսկանդարյանը բնական է համարում այս առնչությամբ ղարաբաղյան խնդրի քննարկումը։ «Պարզ է, որ երբ գործ ունես Հայաստանի ու Ադրբեջանի հետ, անհնար է չքննարկել Ղարաբաղի հարցը, այսինքն՝ այն հաշվի չառնել։ Սիամական երկվորյակները՝ ի դեմս Հայաստանի ու Ադրբեջանի, ամուր կապված են այդ խնդրով»,- ասաց նա։
Փորձագետի խոսքերով Երևանում հանդիպման ժամանակ, համապատասխանաբար, քննարկվել է նաև Ռուսաստան-Հայաստան քաղաքական ու տնտեսական փոխգործակցության հարցը։ --0--