487.29
-0.01
568.08
+2.76
8.23
+0.01
+10
Եղանակը Երևանում
Հայ
Ղարաբաղյան խնդիրը պետք է լուծվի բանակցությունների միջոցով. Սերժ Սարգսյան
14:47
21 Հոկտեմբերի 2008

Ղարաբաղյան հարցը կարող է լուծվել փոխզիջումների հիման վրա և բանակցությունների ճանապարհով, երեքշաբթի Երևանում հայտարարեց ՀՀ նախագահ Սերժ Սարգսյանը՝ իր ռուս գործընկեր Դմիտրի Մեդվեդևի հետ համատեղ մամուլի ասուլիսի ժամանակ։

«Ղարաբաղը ինձ համար բնորոշվում է «քնքուշ» բառով։ Խնդիրն առկա է, և մենք պետք է այն լուծենք», - հայտարարեց Սարգսյանն՝ ավելացնելով, որ ղարաբաղյան խնդիրը քննարկվել է այսօր Մեդվեդևի հետ իր ունեցած բանակցությունների ընթացքում։

«Հայաստանը պատրաստ է շարունակել բանակցությունները մադրիդյան սկզբունքների հիման վրա», - ասաց ՀՀ նախագահը՝ ավելացնելով, որ այդ փաստաթղթին կարելի է ծանոթանալ Ինտերնետում, քանի որ «այն գրանցված է ԵԱՀԿ Մինսկի խմբի համանախագահների կողմից՝ կոնկրետ կազմակերպության դեպոզիտարիայում»։

Միաժամանակ ՀՀ նախագահն ավելացրեց, որ «որևէ գաղտնի բան այնտեղ չկա»։ Դա հիմք է, որը թույլ է տալիս ճանաչել ԼՂՀ ժողովրդի ինքնորոշման իրավունքը և մի քանի այլ՝ մեզ համար սկզբունքային պահեր», - ընդգծեց Սարգսյանը։

Մեդվեդևն իր հերթին, համաձայնելով Սարգսյանի հետ, ասաց, որ Կովկասում տեղի ունեցած օգոստոսյան իրադարձությունները ցույց տվեցին, որ ցանկացած բարդ հարց պետք է լուծվի՝ ելնելով միջազգային սկզբունքներից և բանակցությունների հիման վրա։

«Դրական արդյունքներ բերող որևէ այլ բան գոյություն չունի. սա տարածաշրջանի օգոստոսյան ճգնաժամի գլխավոր դասերից է», - ասաց Մեդվեդևը։

Նրա խոսքերով, «այսօրվա դրությամբ ձեռք բերված պայմանավորվածությունների մակարդակը բարդ բան է»։ «Հուսով եմ, որ մենք գտնվում ենք առաջխաղացման փուլում, ամեն դեպքում, երկու կողմերն էլ պատրաստ են լուծումներ փնտրել», - ընդգծեց ռուս նախագահը։

Նա նշեց, որ այս հարցը բավականին մանրամասն քննարկվել է այսօր իր հայ գործընկերոջ հետ։ «Ես չեմ մեկնաբանի նրբությունները հենց այն պատճառով, որ դրանք բանակցային նրբություններն և դրանում է նրանց արժեքը», - ասաց նա՝ հույս հայտնելով, որ ամենամոտ ժամանակներս տեղի կունենա երեք նախագահների հանդիպումը՝ այդ թեմայի քննարկումը շարունակելու համար։ «Հուսով եմ, որ այդ հանդիպումը տեղի կունենա Ռուսաստանում», - ասաց Մեդվեդևը։

ՌԴ նախագահ Դմիտրի Մեդվեդևը երկօրյա այցով ժամանել է Երևան նախօրեին երեկոյան։ Սա ՌԴ նախագահի պաշտոնում նրա առաջին պաշտոնական այցն է Հայաստան։ Օրակարգում ներառված են համագործակցությունը առևտրատնտեսական բնագավառում և միջազգային օրակարգի հրատապ հարցեր, այդ թվում նաև՝ Անդրկովկասի իրավիճակը։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։