478.57
+0.37
561.79
+1.96
8.05
+0.02
+23
Եղանակը Երևանում
Հայ
Սերժ Սարգսյանը և Դմիտրի Մեդվեդևը մասնակցեցին Երևանում Ռուսաստանի հրապարակի բացմանը
12:12
21 Հոկտեմբերի 2008

Հայաստանի և Ռուսաստանի նախագահներ Սերժ Սարգսյանը և Դմիտրի Մեդվեդևը երեքշաբթի մասնակցեցին Երևանի կենտրոնում Ռուսաստանի հրապարակի բացման հանդիսավոր արարողությանը։

«Անկեղծորեն ուրախ եմ կրկին գտնվել Հայաստանում և այսօր ձեզ հետ միասին Երևանում բացել նոր հրապարակ՝ Ռուսաստանի հրապարակը։ Այս իրադարձությունը մեզ համար ոչ միայն ուրախալի է, այն իսկապես նշանակալի է և  հաստատում է մեր եղբայրական զգացմունքների բացարձակ անկեղծությունն ու իսկությունը և խոսում է երկու պետությունների հարաբերությունների բաց ու խորը բնույթի  մասին», - ասաց ՌԴ նախագահը արարողության ժամանակ։

Նա երախտագիտությամբ ընդունեց Հայաստանի մայրաքաղաքում Ռուսաստանի պատվին անվանակոչված հրապարակի բացման փաստը։ «Երախտագիտությամբ ընդունում ենք այս փաստը՝ որպես ժամանակակից ժողովրդավարական Ռուսաստանի և նրա ժողովրդի նկատմամբ հարգանքի նշան, սակայն սա նաև մեր ընդհանուր պատմությանն է մեծարանքի նշան, բազմադարյա բարեկամության վիթխարի արժեքի և փորձի ճանաչումն է», - ասաց Մեդվեդևը։

Նրա խոսքերով, Հայաստանի նկատմամբ նման լիարժեք վստահության զգացում է ապրում նաև ռուս քաղաքացիների սրտերում։ «Մեզ համար թանկ են նման բարիդրացիական հարաբերությունները, և մենք կանենք ամեն բան, որպեսզի մեր ռազմավարական գործընկերությունը ամրապնդվի և զարգանա, որպեսզի մշակույթների փոխհարստացման ավանդույթները բազմապատկվեն նոր նախագծերով և մարդկային առավել սերտ ուղիղ կապերով», - նշեց նա։

Ռուս առաջնորդը կարծում է, որ Հայաստանի և Ռուսաստանի միջև կապերի հետագա ամրապնդմանը նպաստում է բազմակողմանի, բազմապլան համագործակցությունը, ինչպես նաև ակնհայտ առավելությունների գիտակցումը՝ ժամանակակից գլոբալ և տեղական մարտահրավերներին համատեղ պատասխաններ փնտրելիս։

Մեդվեդևը համոզված է, որ միջազգային ասպարեզում երկու երկրների մոտեցումների համակարգումը «և կովկասյան տարածաշրջանում, և աշխարհում մեր դիրքերի ամրապնդման անվտանգության լուրջ գործոն է»։

«Թանկ բարեկամները, լավ և բարի հարևանները միշտ ուրախանում են միմյանց հաջողություններով, և մենք տեսնում ենք, թե ինչպես բառացիորեն մեր աչքի առջև աճում են ժամանակակից Հայաստանի ձեռքբերումները։ Վերջին տարիներին դա դառնում է հատկապես տեսանելի և, ասեմ անկեղծ, մենք ուղղակիորեն շահագրգռված ենք, որպեսզի հայ ժողովուրդն ապրի բարգավաճ, տնտեսապես հզոր և կայուն պետությունում», - հայտարարեց նա։

Ռուսաստանի նախագահը վստահություն հայտնեց, որ Հայաստանը ևս Ռուսաստանին խաղաղություն, հզորություն և բարիք է ցանկանում։ «Մեր հաջողություններն անհրաժեշտ պայման են ժողովուրդների արդյունավետ գործընկերության համար։ Գլխավորը՝ մենք դրա համար ունենք քաղաքական կամք և սեփական բիզնեսը, համատեղ հումանիտար նախագծերը զարգացնելու և պարզապես շփվելու՝ մարդկանց ձգտումն ու շահագրգռվածությունը, ինչպես դա անում են ամենամտերիմ և միմյանց օգնող ժողովուրդները», - նշեց նա։

Մեդվեդևը կրկին ընդգծեց, որ շատ ուրախ է այս լուսավոր աշնանային օրերին գտնվել բարեհամբույր Հայաստանում։ «Եվ, իհարկե, հետագայում ևս փայփայել մեր բարեկամությունը, որի վառ խորհրդանիշն այսօր դարձավ Երևանում Ռուսաստանի հրապարակը։ Շնորհակալություն ձեր սրտերի ջերմության համար», - եզրափակեց նա։

Ռուսաստանի նախագահն առաջին անգամ է երկօրյա պաշտոնական այցով գտնվում  Երևանում։ Նա Հայաստան է ժամանել նախօրեին երեկոյան։-0- 

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: