487.19
+0.52
519.34
-1.15
8.11
-0.11
-7
Եղանակը Երևանում
Հայ
Հայաստանում ավագ դպրոցի ներդրումը մարտահրավեր կդառնա մանկավարժական համակարգին. փոխնախարար
15:02
17 Հոկտեմբերի 2008

Ավագ դպրոցի ստեղծման ծրագրի ներդրումը Հայաստանում մարտահրավեր կդառնա մանկավարժական համակարգին, կարծում է ՀՀ կրթության և գիտության նախարարի տեղակալ Բագրատ Եսայանը։

«Ավագ դպրոցի փորձնական ծրագրի գործարկումը դպրոցն ավարտելուց հետո ուսումը շարունակելու նպատակով ֆակուլտատիվ պարապմունքների դեմ պայքարի գլխավոր միջոցներից մեկը կդառնա»,- ուրբաթ լրագրողներին հայտնեց Եսայանը։

Նախարարի տեղակալի խոսքերով, տվյալ համակարգը լուծում է նաև կրթության ոլորտի մի շարք արդիական խնդիրներ։ «Մեր կրթական ոլորտում մեծ բաց է առաջացել։ Բուհերում ուսումը շարունակել ցանկացող շրջանավարտների տոկոսը մայրաքաղաքում կազմում է 40 տոկոս, իսկ մարզերում՝ 20 տոկոս»,- ասաց նա՝ անհանգստություն հայտնելով այս իրավիճակի վերաբերյալ։

Եսայանը նկատեց, որ ավագ դպրոցի ներդրումն առաջին հերթին ուղղված է այս խնդրի լուծմանը, իսկ նախարարությունը պետք է ապահովի հավասար հնարավորություններ ինչպես մայրաքաղաքի, այնպես էլ մարզերի շրջանավարտների ուսումը շարունակելու համար։

Նախարարի տեղակալն անդրադարձավ նաև նոր ուսումնական պլանի մշակման հարցին։ «Ուսումնական հին պլանը գիտելիքները խորացնելու համար լրացուցիչ առարկաների ընտրության հնարավորություն չի ընձեռում։  Մենք պետք է գիտելիքների բարձր մակարդակ ապահովենք, ավելի բարձր, քան ստանում է աշակերտը դպրոցի պատերի ներսում»,- ասաց նա։

Նախատեսվում է, որ 37-ժամանոց ուսումնական ծրագրից 14 ժամը աշակերտները կուսումնասիրեն այն առարկաները, որոնք իրենք են ընտրել։

Բացի այդ, նախարարի տեղակալը հայտնեց, որ հատուկ ուշադրություն է դարձվում նաև աշակերտների ֆինանսավորման խնդրին։ «Անհրաժեշտ է տարբերություն սահմանել այն գումարների միջև, որոնք նախատեսվում են առաջին և տասնմեկերորդ դասարանների աշակերտների համար։ Չէ՞ որ որքան մեծ է աշակերտը, այնքան մեծանում է նրա ուսման համար անհրաժեշտ գումարը»,- ավելացրեց Եսայանը։

Նա նկատեց նաև, որ եթե աշակերտը դեռևս չի կողմնորոշվել ապագա մասնագիտության ընտրության հարցում, նա կարող է շարունակել ուսումը ընդհանուր հոսքային ուսուցման հատուկ դասարաններում կամ որոշակի ժամկետի ընթացքում փոխադրվել մի հոսքից մյուսը։ 

2008-2009թթ. ուսումնական տարում ավագ դպրոցի փորձնական ծրագիրը գործարկվել է Երևանի, Շիրակի, Գեղարքունիքի, Արագածոտնի մարզերի տասը դպրոցներում։ Փորձնական դպրոցների ընդհանուր բյուջեն կազմում է 2 միլիարդ 617 միլիոն դրամ (մոտ 8,6 միլիոն ԱՄՆ դոլար)։

Հայաստանի կառավարությունն ավագ դպրոցի ստեղծման ռազմավարական ծրագրին հավանություն է տվել 2008 թվականի մարտի 27-ին:

Ավագ դպրոցի քաղաքականության բարեփոխման վերջնական տարբերակը նախատեսվում է գործադիր մարմնին ներկայացնել 2009թ. մարտին։

Ամբողջ ռազմավարական ծրագրով նախատեսվում է հանրապետությունում ստեղծել 200 ավագ դպրոց՝ 11 ուղղություններով, մասնավորապես, ֆիզիկամաթեմատիկական, բնագիտական, հումանիտար, արհեստագործական։

Հայաստանի 1450 հանրակրթական դպրոցներում 2008-2009թթ. ուսումնական տարում սովորում է շուրջ 435,5 հազար աշակերտ։ -0-

Loading...
Թեմատիկ նյութեր
Բաժնի այլ նյութեր
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին: