482.36
-0.38
568.99
-1.66
8.19
-0.05
+1
Եղանակը Երևանում
Հայ
HighFest թատերական փառատոնը նպաստում է Երևանի մշակութային կյանքի զարգացմանը
18:43
14 Հոկտեմբերի 2008

ԵՐԵՎԱՆ, 14 հոկտեմբերի. /Նովոստի-Արմենիա/.  HighFest միջազգային թատերական փառատոնը նպաստում է Երևանի մշակութային կյանքի զարգացմանը, ամփոփելով փառատոնի արդյունքները՝ հայտնեց փառատոնի ղեկավար Արթուր Ղուկասյանը։

Վեցերորդ փառատոնի շրջանակներում ինն օրվա ընթացքում թատերական 15 բեմերում ցուցադրվեց շուրջ 100 ներկայացում։

«Իմ կարծիքով, այս տարի մեզ հաջողվեց զարմացնել թատերարվեստի երկրպագուներին։ Փառատոնի շրջանակներում ցուցադրվեցին տարբեր ժանրերի փայլուն ներկայացումներ»,- երեքշաբթի մամուլի ասուլիսին ասաց Ղուկասյանը։

Ըստ նրա, հաջորդ տարվա համար արդեն ընտրված է 17 թատերախումբ տարբեր երկրներից։ «Հաջորդ տարի հատուկ ուշադրություն կդարձվի կանադական թատերախմբերին, այնտեղ շատ զարգացած է ինչպես թատրոնը, այնպես էլ պարարվեստը»,- հավելեց փառատոնի ղեկավարը։

Երևան և Գյումրի քաղաքներում հոկտեմբերի 4-12-ը անցկացված HighFest վեցերորդ միջազգային թատերական փառատոնին մասնակցեցին 30 երկրների (Հայաստան, Ռուսաստան, ԱՄՆ, Կանադա, Մեծ Բրիտանիա, Գերմանիա, Իտալիա, Իսպանիա, Էստոնիա, Ղազախստան և այլն) դերասաններ ու պարողներ։

Երևանյան հանդիսատեսը ոգևորությամբ ընդունեց բիշքեկյան «Տեղ Դ» թատրոն-ստուդիայի «Մարշրուտկաստան, կամ էլ ես՝ պարզապես ուղևոր» ներկայացում-իմպրովիզացիան։ Ներկայացման գործողությունները ծավալվում էին ավտոբուսի ներսում, որն ամբողջ ներկայացման ընթացքում շարժվում էր Երևանի կենտրոնական փողոցներով։

Փառատոնի գլխավոր իրադարձությունը դարձավ բրիտանացի դրամատուրգ Մարկ Ռավենհիլի ժամանումը Երևան, ով մի քանի օրվա ընթացքում կարողացավ իրականացնել իր «Կորած դրախտը» պիեսի ռուսալեզու տարբերակը, որտեղ ընդգրկված էին չորս հայ դերասաններ։

Մի քանի օր տևած իսկական թատերական տոնի ընթացքում, որով տարվել էր ամբողջ քաղաքը, ինքնատիպ ներկայացումներ ցուցադրվեցին ոչ միայն Երևանի թատրոնների շենքերում, այլև՝ մայրաքաղաքի փողոցներում։

Փողոցային ներկայացումներից հատուկ ուշադրության արժանացավ հայտնի գերմանական «Անտագոն» թատրոն-շոուն։ Իր ներկայացման համար թատերախումբն ավտոբուսով անցել էր հազարավոր կիլոմետրեր և իր հետ բերել հսկայական դեկորացիաներ։

Երկու օրվա ընթացքում մութն ընկնելուն պես Կիրովի այգում անցկացվում էր  յուրօրինակ ցուցադրություն «Time out» անվանումով, որի հիմքում ընկած էր ամերիկահայ գրող Վիլյամ Սարոյանի «Ընդմիջում» ստեղծագործությունը։

Հատուկ պատրաստված բեմում էկզոտիկ կոստյումներ հագած թատրոնի դերասանները աճպարարություն էին անում, «թռչում» և շրջում էին ոտնափայտերով։

Փառատոնում առանձին ծրագրով տեղի ունեցավ «Սարոյան-100» փառատոնը, որի շրջանակներում թատրոնները՝ Հայաստանից, Կանադայից, ԱՄՆ-ից, Գերմանիայից, Ֆրանսիայից և Ռուսաստանից, ցուցադրեցին հռչակավոր գրողի ստեղծագործությունների հիման վրա բեմադրած ներկայացումներ։ Այս տարի ներկայացվեց, մասնավորապես, ռուսական և բրիտանական թատերական արվեստը։

Փառատոնի բացման պատասխանատվությունն այս տարի դրվեց ռուսական «ՉելոՎեկ» թատրոն-ստուդիայի վրա, որը ներկայացրեց «Միմոսի անամորֆոզներ» ներկայացումը։ Ուրախացրեց նաև Կազանցևի և Ռոսչինի Դրամատուրգիայի և ռեժիսուրայի Մոսկովյան կենտրոնը «Ես գնդացրորդ եմ» մոնոներկայացումը՝ Կիրիլ Պլետնևի գլխավոր դերակատարմամբ։

Փառատոնի շրջանակներում հատուկ ուշադրություն դարձվեց նաև ամենափոքր հանդիսատեսին, առանձին ծրագրով ներկայացվեցին մանկական և տիկնիկային ներկայացումներ։

Երեխաների համար ամենամեծ իրադարձությունը կանադացի Շոան Ռունիի ելույթն էր, ով հինգ օր շարունակ Շառլ Ազնավուրի հրապարակում վայրկյանների ընթացքում տարատեսակ ֆիգուրներ էր պատրաստում փուչիկներից։ Հրապարակում այդ փուչիկների համար երեխաների հերթ էր գոյանում։

Օտարերկրյա թատերախմբերին զուգահեռ կատարողական արվեստի բարձր մակարդակ ցույց տվեցին նաև տեղի թատերախմբերը՝ Երևանի Հովհաննես Թումանյանի անվան պետական տիկնիկային թատրոնը, Երևանի պետական կամերային թատրոնը, Վահան Բադալյանի Լույսի թատրոնը։

Ինքնատիպ ներկայացումով հանդես եկավ Գեղագիտական կենտրոնին առընթեր Փոքր թատրոնը՝ Վահան Բադալյանի ղեկավարությամբ։ Երևանցի հանդիսատեսը հատուկ հետաքրքրություն ցուցաբերեց նրա «Յոթ զգացմունք» ներկայացմանը։

Նոյեմբերին ներկայացումը կցուցադրվի Իտալիայում, իսկ HighFest-ի պրեմիերայից հետո խումբը Ֆրանսիայի, Կանադայի և ԱՄՆ-ի հրավերներ է ստացել։

Հայկական թատերախմբերից ինքնատիպ պարային համարով առանձնացավ «Միհր» պլաստիկ պարի թատրոնը։

Առաջին HighFest միջազգային թատերական փառատոնն անցկացվել է 2003 թ.-ին և մեծ հաջողություն է ունեցել, ինչի շնորհիվ Հայաստանն ինտեգրվել է ASSITEJ(Մանկական և պատանեկան թատրոնների միջազգային ընկերակցություն) և IETM (Համաեվրոպական թատերական ցանց) միջազգային թատերական ցանցերում։

2006 թ.-ից HighFest-ը գլխավոր թատերական փառատոնն է նախկին ԽՍՀՄ տարածքում։ --0—

Loading...
Թեմատիկ նյութեր
Բաժնի այլ նյութեր
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին: