484.51
-0.37
518.72
-3.16
8.61
-0.05
+13
Եղանակը Երևանում
Հայ
Հայ քաղաքագետը ներկայացրեց իր նկատմամբ կատարված մահափորձի մանրամասները
17:03
09 Հոկտեմբերի 2008

ԵՐԵՎԱՆ, 9 հոկտեմբերի. /Նովոստի-Արմենիա/. Հայ քաղաքագետ Լևոն Մելիք-Շահնազարյանը հինգշաբթի ներկայացրեց 2008թ. ապրիլին իր նկատմամբ կատարված մահափորձի մանրամասները։

Ըստ նրա, իր վրա կրակողը եղել է Արշակ Աղաբաբյանը՝ ծնունդով Ալավերդի քաղաքից, ով 1989թ. տեղափոխվել է Վրաստանի Մառնեուլի շրջան և հաստատվել Շահումյան գյուղում։

Քաղաքագետի խոսքերով, մահափորձ կատարողի մայրը ազգությամբ ադրբեջանուհի է, և նա գյուղում հայտնի է «Թուրք Արշակ» մականունով։ Նա նշեց, որ Աղաբաբյամը վերադարձել է Թուրքիայից 2008թ. փետրվարին, և նրա բջջային հեռախոսի հիշողության մեջ գրանցված էին շուրջ 30 թուրքական և 40 ադրբեջանական համարներ։

Մելիք-Շահնազարյանը նշեց, որ Աղաբաբյանը և այս գործի ևս մի մասնակից Գերման Կոնջորյանը (նույնպես Շահումյան գյուղի բնակիչ) հանդիպել են որոշ շրջանակներում հայտնի ոմն Աղանի (ազգությամբ՝ ադրբեջանցի) հետ, ով հանձնարարել է նրանց սպանել Մելիք-Շահնազարյանին՝ խոստանալով 100 հազար ԱՄՆ դոլար, սակայն, ձերբակալված Աղաբաբյանի խոսքերով, իրականում գումարը կազմել է 10 հազար դոլար։

Հայ քաղաքագետը գտնում է, որ այս գործողությունները չէին կարող իրականացվել ադրբեջանական հատուկ ծառայությունների կողմից՝ առանց այդ երկրի առաջին դեմքի իրազեկման։

«Ոչ մի երկրի հատուկ ծառայություններ չեն կարող նման գործողություններ իրականացնել առնվազն առանց թույլատվության, իսկ հիմնականում, պետության առաջին դեմքի կարգադրության»,- ասաց Մելիք-Շահնազարյանը «Նովոստի» միջազգային մամուլի կենտրոնում տեղի ունեցած մամուլի ասուլիսում։

Նրա խոսքերով, նրան սպանելու համար պատվիրված մարդիկ մեկ ամսվա ընթացքում նախապատրաստական աշխատանքներ են տարել և կատարել են մահափորձը ապրիլի 22-ին՝ կրակելով մոտ տարածությունից, սակայն գնդակը դիպել է պատուհանի վանդակաճաղին և փոխել հետագիծը։

Քաղաքագետը նշեց, որ կրակողները վստահ էին, թե սպանել են իրեն և նույնիսկ հայտնել էին այդ մասին պատվիրատուին՝ պահանջելով խոստացված գումարը։ Իսկ երբ պարզվել է, որ Մելիք-Շահնազարյանը կենդանի է, սկսել են նրան զանգահարել և պահանջել, որ նա դադարեցնի մամուլում հրապարակումներով հանդես գալը, փոխի իր ազգանունը, ԶԼՄ-ներով տարածի տեղեկատվություն իր մահվան մասին և անհետանա տեսադաշտից՝ սպառնալով հակառակ դեպքում սպանել նրա ողջ ընտանիքին։

Քաղաքագետը նշեց, որ Աղաբաբյանը ձերբակալվել է մայիսի 8-ին՝ հայ-վրացական սահմանը հատելիս։ Նրա խոսքերով, Աղաբաբյանը պատրաստվում էր Հայաստան ժամանել իր պահանջների կատարման մեջ համոզվելու համար։

Մելիք-Շահնազարյանը գտնում է, որ մահափորձի պատճառը կարող են լինել Ադրբեջանի ղեկավարության հասցեին արված նրա մերկացնող հրապարակումները։

Ըստ նրա, վերջին կաթիլը կարող էին դառնալ նրա հոդվածները Ադրբեջանի նախկին նախագահ Հեյդար Ալիևի՝ իր որդուն՝ Իլհամ Ալիևին վարչապետ, իսկ փաստորեն նախագահի պաշտոնակատար նշանակելու մասին։

«Ալիևը չէր կարող ստորագրել այդ հրամանագիրը կոմայում գտնվելու պատճառով, այն ստորագրել է նրա պահակախմբի պետ Բեյլար Էյուբովը»,- գտնում է Մելիք-Շահնազարյանը։

Բացի այդ, քաղաքագետը կարծում է, որ հանցագործության դրդապատճառ կարող էին դառնալ, մասնավորապես, նրա հրապարակումները Ադրբեջանի ղեկավարական օղակներում քրդերի գերակշռության մասին։

ՀՀ գլխավոր դատախազության հաղորդագրության համաձայն, հայտնի քաղաքագետ Լևոն Մելիք-Շահնազարյանի վրա մահափորձի փաստով հարուցված քրեական գործը հոկտեմբերի 3-ին փոխանցվել է դատարան։

Աղաբաբյանին առաջադրված է մեղադրանք 34-305 հոդվածով (մահափորձ պետական, քաղաքական կամ հասարակական գործչի վրա, որն ուղղված է նրա գործունեության դադարեցմանը) և 235 հոդվածի երկրորդ մասով (զենքի անօրինական ձեռքբերելը, իրացնելը, պահելը, տեղափոխելը կամ կամ կրելը մի խումբ անձանց նախնական պայմանավորվածությամբ)։

Երկրորդ դերակատար Գերման Կոնջորյանը գտնվում  է հետախուզության մեջ։ -0-

Loading...
Թեմատիկ նյութեր

Բաժնի այլ նյութեր
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում: