486.36
+0.03
522.35
+0.57
8.22
+0.03
-7
Եղանակը Երևանում
Հայ
Ռուս դերասան Կիրիլ Պլետնյովը Երևանում հանդես կգա «Ես գնդացրորդ եմ» մոնոներկայացմամբ
18:24
07 Հոկտեմբերի 2008

Ալեքսեյ Կազանցևի և Միխայիլ Ռոշչինի Դրամատուրգիայի և ռեժիսուրայի ռուսական կենտրոնը HighFest վեցերորդ միջազգային թատերական փառատոնի շրջանակներում երևանյան հանդիսատեսին կներկայացնի «Ես գնդացրորդ եմ» մոնոներկայացումը՝ թատրոնի և կինոյի հայտնի դերասան Կիրիլ Պլետնյովի մասնակցությամբ։

«Այս մենախոսությունը երկար ժամանակ Կազանցևի սեղանին էր, նա պարզապես չգիտեր, թե ում առաջարկեր այդ դերը։ Եվ ահա ես ստացա այդ առաջարկը»,- երեքշաբթի հայտնեց Պլետնյովը Երևանում կայացած մամուլի ասուլիսին։

«Ես գնդացրորդ եմ» մոնոներկայացումը երևանյան բեմում կցուցադրվի հոկտեմբերի 7-ին և 8-ին Պետական կամերային թատրոնում։ Դերասանը հայտնեց լրագրողներին, որ սա նրա առաջին փորձն է մոնոներկայացման ժանրում։ «Ինձ շատ է դուր գալիս այս պիեսը, նրա շնորհիվ ինձ հաջողվում է մոտ մեկ ժամվա ընթացքում դահլիճը լարվածության մեջ պահել, բայց դա ինքնանպատակ չէ»,- ասաց նա։

Պլետնյովը տեղեկացրեց, որ ներկայացումը «երկու կապիտանների» պատմություն է պատմում։ Առաջին հերոսը 20-30 տարեկան երիտասարդ է, ով անցյալում ավազակ է եղել։ «Սա իմ ժամանակակցի պատմությունն է, այդ տարիքում դու լի ես ուժով և բավական եսասեր ես»,- ասաց նա։

Դերասանն ավելացրեց նաև, որ ներկայացման մեջ խոսվում է այդ երիտասարդի կյանքի մեկ օրվա մասին։ «Օրերից մի օր երիտասարդը գնում է հարաբերություններ պարզելու, այդ օրը զոհվում են նրա ընկերները, բայց ճակատագրի բերումով նա կենդանի է մնում»,- ասաց դերասանը։

Կյանքի և մահու պատմությունը առկա է նաև երկրորդ պատմության մեջ։ «Երկրորդ պատմությունը պատմում է այս երիտասարդի պապի մասին, ով կռվել է Հայրենական Մեծ պատերազմում։ Հերոսի պապը, ինչպես և ինքը, նույնպես կենդանի է մնում՝ անցնելով պատերազմի միջով»,- հավելեց դերասանը։

Հանդիպման ընթացքում Պլետնյովը լրագրողներին ներկայացրեց նաև ապագայի իր ծրագրերը։ Այսպես, հոկտեմբերի 25-ից դերասանը կանցնի Պուշկինի «Մրրիկի» սպա Բուրմինի դերի փորձերին։ Պլետնյովն ավելացրեց նաև, որ մտադիր չէ կանգ առնել միայն դերասանի գործունեության վրա և ուզում է ընդունվել կինոռեժիսուրայի բաժին։

«Ես արդեն ունեմ մեկ ավարտած սցենար և կինոֆիլմերի ևս մի քանի մտահղացում»,- ասաց նա։ Խոսելով ապագա ֆիլմերի թեմատիկ նախասիրությունների մասին՝ Պլետնյովն ավելացրեց, որ իրենց հետաքրքրում է երկու սերունդների բախման թեման։

«Ես գնդացրորդ եմ» մոնոներկայացման դերի համար Պլետնյովն արժանացել է «Մոսկովսկի Կոմսոմոլեց» թերթի 2006-2007թթ. սեզոնի գլխավոր մրցանակին «Տղամարդու լավագույն դեր» անվանակարգում («Սկսնակներ» կատեգորիա)։ Համանուն պիեսի հեղինակն է «Նոր դրամայի» հեղինակների շարքը համալրած երիտասարդ դրամատուրգը Յուրի Կլավդիևը։  
    
HighFest վեցերորդ միջազգային թատերական փառատոնը, որին կմասնակցեն 30 երկրների (Հայաստան, Ռուսաստան, ԱՄՆ, Կանադա, Մեծ Բրիտանիա, Գերմանիա, Իտալիա, Իսպանիա, Էստոնիա, Ղազախստան և այլն) դերասաններ ու պարողներ, կանցկացվի Երևանում և Գյումրի քաղաքում հոկտեմբերի 4-12-ը։ Հանդիսատեսին կցուցադրվի 100 ներկայացում, որոնք կցուցադրվեն 17 թատերաբեմերում։

Փառատոնի անցկացման համար ՀՀ մշակույթի նախարարությունը 35 մլն դրամ է հատկացրել (շուրջ 115 հազար ԱՄՆ դոլար)։

Առաջին HighFest միջազգային թատերական փառատոնն անցկացվել է 2003 թ.-ին և մեծ հաջողություն է ունեցել, ինչի շնորհիվ Հայաստանն ինտեգրվել է ASSITEJ(Մանկական և պատանեկան թատրոնների միջազգային ընկերակցություն) և IETM (Համաեվրոպական թատերական ցանց) միջազգային թատերական ցանցերում։  

2006 թ.-ից HighFest-ը գլխավոր թատերական փառատոնն է նախկին ԽՍՀՄ տարածքում։ --0—

Loading...
Թեմատիկ նյութեր
Բաժնի այլ նյութեր
17:25
24 Հունվարի 2017
Ռուսաստանն ու Հայաստանը պայմանավորվածություն են ձեռք բերել ներքին անձնագրերով քաղաքացիների փոխայցելությունների շուրջ
ՌԴ քաղաքացիները կարող են Հայաստան այցելել ներքին անձնագրերով։
17:01
24 Հունվարի 2017
ՀՀ վարչապետը` ՌԴ վարչապետին. «Եկել ենք նոր առաջարկներով, որոնք թույլ կտան դիվերսիֆիկացնել և ընդլայնել մեր համագործակցությունը»
Ռուսաստանի Դաշնության վարչապետ Դմիտրի Մեդվեդևի հրավերով Հայաստանի Հանրապետության վարչապետ Կարեն Կարապետյանը երկօրյա պաշտոնական այցով գտնվում է Ռուսաստանի Դաշնությունում:
13:33
24 Հունվարի 2017
Հովիկ Աբրահամյանը հաստատել է ՀՀԿ–ի շարքերը լքելու մտադրությունը
Հայաստանի նախկին վարչապետ Հովիկ Աբրահամյանը հաստատեց, որ հեռանում է ՀՀԿ–ից:
12:44
24 Հունվարի 2017
Հայաստանի և Ռուսաստանի վարչապետները կքննարկեն ինտեգրացիոն համագործակցությունը ԵՏՄ-ի շրջանակում
Հայաստանի և Ռուսաստանի վարչապետներ Կարեն Կարապետյանը և Դմիտրի Մեդվեդևը երեքշաբթի կհանդիպեն Մոսկվայում:
01:14
24 Հունվարի 2017
ԱՄՆ–ն դուրս է գալիս Անդրխաղաղօվկիանոսյան գործընկերությունից
ԱՄՆ նախագահ Դոնալդ Թրամփը հրամանագիր է ստորագրել Անդրխաղաղօվկիանոսյան գործընկերության (ԱԽԳ) համաձայնագրից ԱՄՆ–ի դուրս գալու մասին:
20:51
23 Հունվարի 2017
ՀՀ վարչապետը շնորհավորել է Գլեդիս Բերեջիկլյանին ավստրալական նահանգի կառավարության ղեկավարի պաշտոնում նշանակվելու կապակցությամբ
Հայաստանի վարչապետ Կարեն Կարապետյանը շնորհավորել է հայազգի Գլեդիս Բերեջիկլյանին ավստրալական խոշորագույն նահանգի կառավարության ղեկավարի պաշտոնը ստանձնելու կապակցությամբ:
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին: