482.26
+0.64
516.89
-1.62
7.57
+0.02
-4
Եղանակը Երևանում
Հայ
ՀՀ ուժային գերատեսչությունների մի շարք աշխատակիցներ պարգևատրվել են հանրապետության անկախության հռչակման 17-րդ տարելիցի կապակցությամբ
17:38
19 Սեպտեմբերի 2008

ԵՐԵՎԱՆ, 19 սեպտեմբերի. /Նովոստի-Արմենիա/. ՀՀ նախագահ Սերժ Սարգսյանը հրամանագրեր է ստորագրել՝ սեպտեմբերի 21-ին նշվող Հայաստանի Հանրապետության անկախության 17-ամյակի կապակցությամբ երկրի Պաշտպանության նախարարության, Ազգային անվտանգության ծառայության, Ոստիկանության և դատախազության աշխատակիցներին պարգևատրելու մասին։

ՀՀ նախագահի մամուլի ծառայության հաղորդագրության համաձայն, Ազգային անվտանգության ապահովման գործում ունեցած նշանակալի ներդրումների համար «Հայրենիքին մատուցած ծառայությունների համար» 2-րդ աստիճանի մեդալով պարգևատրվել է ՀՀ ԱԱԾ գլխավոր վարչության պետի 1-ին տեղակալ, գնդապետ Գարեգին Մխիթարյանը,  «Արիության մեդալով»՝ ՀՀ ԱԱԾ գլխավոր վարչության բաժնի պետ, գնդապետ Ավագ Մարգարյանը, ՀՀ ԱԱԾ գլխավոր վարչության «Ա» վարչության բաժանմունքի պետ, մայոր Հրայր Միքայելյանը, Մարտական ծառայության մեդալով` ՀՀ ԱԱԾ Երևանի քաղաքային վարչության բաժնի պետի պաշտոնակատար, մայոր Ռոբերտ Բազիկյանը, ՀՀ ԱԱԾ գլխավոր վարչության բաժնի պետի տեղակալ, փոխգնդապետ Արթուր Խաչատրյանը: Բացի այդ, գեներալ-մայորի զինվորական կոչում է շնորհվել ազգային անվտանգության ծառայության Երևանի քաղաքային վարչության պետ, գնդապետ Արզուման Հարությունյանին։

Ըստ նախագահի հրամանագրերի, ՀՀ Պետական պահպանության ոլորտում «Հայրենիքին մատուցած ծառայությունների համար» 2-րդ աստիճանի մեդալով պարգևատրվել են` ՀՀ Պետական պահպանության ծառայության 2-րդ բաժնի պետ, գնդապետ Մարտիրոս Քյուփելայնը,  Պետական պահպանության ծառայության պահպանության գնդի հրամանատար, գնդապետ Արթուր Բաղդասարյանը,  Մարտական ծառայության մեդալով` Ծառայության արագ արձագանքման բաժնի պետ, գնդապետ Յուրի Բաղդասարյանը, Ծառայության 1-ին բաժնի  1-ին բաժանմունքի պետ, մայոր Արամ Շագիդանովը,  իսկ «Հասարակական կարգի գերազանց պահպանման համար» մեդալով` Ծառայության պետի ծառայության գծով տեղակալ, գնդապետ Սամվել Հովհաննիսյանը։

Օրինականության և իրավակարգի ամրապնդման գործում ներդրած նշանակալի ավանդի և ծառայողական պարտքը կատարելիս ցուցաբերած խիզախության համար «Հայրենիքին մատուցած ծառայությունների համար» 2-րդ աստիճանի մեդալով երկրի նախագահը պարգևատրել է նաև՝ ՀՀ ոստիկանության քրեական հետախուզության գլխավոր վարչության պետ, ոստիկանության գնդապետ Հովհաննես Թամամյանին, Արիության մեդալով` ՀՀ ոստիկանության կազմակերպված հանցավորության դեմ պայքարի գլխավոր վարչության բաժնի կրտսեր օպերլիազոր, ոստիկանության ավագ սերժանտ Նարեկ Թոխյանին, ՀՀ ոստիկանության կազմակերպված հանցավորության դեմ պայքարի գլխավոր վարչության բաժնի կրտսեր օպերլիազոր, ոստիկանության ավագ ենթասպա Էդուարդ Մելքոնյանին,  Մարտական ծառայության մեդալով`

ՀՀ ոստիկանության մարտական և ֆիզիկական պատրաստականության բաժնի պետ, ոստիկանության գնդապետ Սուրիկ Ադամյանին, ՀՀ ոստիկանության զորքերի հասարակական կարգի պահպանման գնդի հրամանատար, գնդապետ Արսեն Գալստայնին։

Երկրի ղեկավարը պարգևատրել է նաև ՀՀ Պաշտպանության նախարարության բարձրաստիճան աշխատակիցներին՝ զորքերի մարտական պատրաստվածության ապահովման գործում ներդրած նշանակալի ավանդի, ինչպես նաև ցուցաբերած արիության և անձնական խիզախության համար։ «Վարդան Մամիկոնյան» շքանշանով պարգևատրվել է` ՀՀ ԶՈՒ գլխավոր շտաբի պետի 1-ին տեղակալ, գեներալ-լեյտենանտ Էնրիկո Ապրիամովը, «Հայրենիքին մատուցած ծառայությունների համար» 1-ին աստիճանի մեդալով` ՀՀ պաշտպանության նախարարի տեղակալ, գեներալ-լեյտենանտ Ալիկ Միրզաբեկյանը, «Հայրենիքին մատուցած ծառայությունների համար» 2-րդ աստիճանի մեդալով` թիվ 34153 զորամասի հրամանատար, գնդապետ Արթուր Հարությունյանը, թիվ 21629 զորամասի հրամանատար, գնդապետ Դավիթ Տոնոյանը, ՀՀ զինվորական կոմիսար, գեներալ-մայոր Կամո Քոչունցը։Բացի այդ, Արիության մեդալով պարգևատրվել են թիվ 54574 զորամասի գումարտակի հրամանատարի տեղակալ, մայոր Մերուժան Առաքելյանը, թիվ 25918 զորամասի հրամանատարի տեղակալ, փոխգնդապետ Նորայր Միրզոյանը։ Մարտական ծառայության մեդալով պարգևատրվել են պաշտպանության գերատեսչության ևս 35 աշխատակիցներ։

Բացի այդ, հանրապետության նախագահի հրամանագրով, վաստակավոր իրավաբանի պատվավոր կոչում է շնորհվել Հայաստանի հանրապետության գլխավոր դատախազության անձնակազմի բաժնի պետ, արդարադատության գեներալ-մայոր Վաղարշակ Վարդանյանին, օրինականության և իրավակարգի ամրապնդման գործում ներդրած նշանակալի ավանդի համար Մխիթար Գոշ մեդալով պարգևատրվել են ՀՀ զինվորական դատախազ, Հայաստանի Հանրապետության գլխավոր դատախազի տեղակալ, արդարադատության առաջին դասի պետական խորհրդական Արմեն Խաչատուրյանը և Երևան քաղաքի Մալաթիա-Սեբաստիա համայնքի դատախազության ավագ դատախազ, արդարադատության երկրորդ դասի խորհրդական Գուրգեն Պողոսյանը: -0-

Loading...
Թեմատիկ նյութեր
Բաժնի այլ նյութեր
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին:
17:22
01 Դեկտեմբերի 2016
Պուտինի ուղերձը. ի՞նչ օգուտ կարող է քաղել իր համար Հայաստանը
Այս տարի ՌԴ նախագահի` Դաշնային ժողովին ուղղված ուղերձը մի շարք առումներով անսովոր էր: