482.01
-0.12
540.96
+2.13
8.56
+0.01
+13
Եղանակը Երևանում
Հայ
ՀՀԿ ներկայացուցիչը հրաժարականի և կուսակցությունից դուրս գալու մասին խոսնակի որոշումը նրա քաղաքացիական իրավունքն է համարում
15:48
16 Սեպտեմբերի 2008

 Հայաստանի իշխող Հանրապետական կուսակցությունից ՀՀ Ազգային Ժողովի պատգամավոր Էդուարդ Շարմազանովը խորհրդարանի խոսնակ Տիգրան Թորոսյանի՝ հրաժարականի և կուսակցությունից հեռանալու մասին որոշումը նրա քաղաքացիական իրավունքն է համարում։

«Համաձայն կուսակցության կանոնադրության, ցանկացած անդամ իր դիմումի համաձայն կարող է դուրս գալ կուսակցության կազմից։ Մյուս բացատրությունները Թորոսյանն ինքն է տվել մամուլի ասուլիսի ընթացքում»,- «Նովոստի-Արմենիա» գործակալությանն ասաց Շարմազանովը։

Ընդ որում պատգամավորը նշեց, որ իր անձնական գնահատմամբ, ավելի ճիշտ կլիներ, եթե Թորոսյանը ենթարկվեր կուսակցության գործադիր մարմնի որոշմանն ու իր գիտելիքները գործածեր մեկ այլ ոլորտում։

«Սայկան դա նրա որոշումն է, նրա քաղաքացիական իրավունքը, նրա  հայտարարություններից շատերի հետ ես համաձայն չեմ, և դա իմ անձնական կարծիքն է»,- նշեց Շարմազանովը։

Նա ասաց, որ կուսակցության դիրքորոշումն ավելի մանրամասն կներկայացնի չորեքշաբթի նախատեսված մամուլի ասուլիսի ժամանակ՝ հատկապես հաշվի առնելով այն, որ այսօր երեկոյան կկայանա կուսակցության Խորհրդի նիստը։

«Մինչ կուսակցության խորհրդի նիստը ես չէի ուզենա մեկնաբանել տվյալ իրավիճակը կուսակցության անունից»,- ասաց պատգամավորը։

ՀՀ խորհրդարանի խոսնակ Տիգրան Թորոսյանը հայտարարեց իր հրաժարականի և ՀՀԿ-ից հեռանալու մասին երեքշաբթի մամուլի ասուլիսի ընթացքում։

Նա իր այդ քայլը բացատրեց ներքաղաքական հակասություններով, մասնավորապես, խորհրդարանի ու ՀՀԿ աշխատանքի կազմակերպման հարցում և մի շարք այլ ներկուսակցական հարցերում։
 
Թորոսյանի խոսքերով, ներքին անհաղթահարելի հակասություններ կան։ Նա ընդգծեց, որ ոչ իմաստային, ոչ բովանդակային առումներով համաձայն չէ այն աշխատանքի հետ, որ տարվում էր իր հրաժարականի առնչությամբ։
 
Նա ասաց, որ ՀՀԿ շարքերը լքելուց և խոսնակի լիազորությունները վայր դնելուց հետո դուրս կգա խմբակցության կազմից, բայց կշարունակի ԱԺ պատգամավոր մնալ։  

ՀՀԿ-ի գործադիր մարմինը շաբաթ, սեպտեմբերի 6-ին արդեն որոշում է ընդունել Թորոսյանի՝ խորհրդարանի խոսնակի պաշտոնում մնալը ոչ նպատակահարմար համարելու մասին՝ հավանություն տալով ՀՀԿ գործադիր մարմնի անդամ, ՀՀ խորհրդարանի պատգամավոր, նախագահի վարչակազմի նախկին ղեկավար Հովիկ Աբրահամյանի թեկնածությանը։

Ծրագրվում է, որ ՀՀ ԱԺ նախագահի փոփոխման մասին հարցն այսօր երեկոյան կքննարկի Հայաստանի հանրապետական կուսակցության խորհուրդը, որին ամրագրված է խոսնակի պաշտոնը։

Լուրերն այն մասին, թե Հովիկ Աբրահամյանը նշանակվելու է խորհրդարանի նախագահ, արդեն մի քանի ամիս շարունակ արծարծվում էր հայկական մամուլում, իսկ ՀՀ ԱԺ գործող խոսնակ Տիգրան Թորոսյանը պարբերաբար հերքում էր մամուլում հայտնված՝ իր պաշտոնից հեռանալու մասին լուրը։

Նախագահի աշխատակազմի նախկին ղեկավար Հովիկ Աբրահամյանը զբաղեցրել է իր եղբոր՝ Հենրիկ Աբրահամյանի պատգամավորական աթոռը, ով ամռան սկզբին հրաժարվել էր պատգամավորական մանդատից՝ իր հրաժարականը հիմնավորելով այն պատճառաբանությամբ, թե ցանկանում է ղեկավարել Արտաշատի գինու գործարանը։

ՀՀԿ-ի կոալիցիոն գործընկերներ «Բարգավաճ Հայաստան» կուսակցութունը, ՀՅԴ-ն և «Օրինաց երկիր» կուսակցությունն ավելի վաղ հայտարարել էին, որ խոսնակի փոփոխման մասին որոշումը ՀՀԿ-ի իրավունքն է։

Քաղաքական կոալիցիայի ստեղծման մասին հուշագիրը ստորագրվել է այս տարվա մարտի 21-ին։

--0--
Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։