487.29
-0.01
568.08
+2.76
8.23
+0.01
+9
Եղանակը Երևանում
Հայ
Ռուս մտավորականության ներկայացուցիչները պատրաստ են առավելագույնս ակտիվացնել համագործակցությունը Հայաստանի հետ
12:38
12 Սեպտեմբերի 2008

Ռուս  մտավորականները պատրաստակամություն են հայտնել առավել ակտիվացնել երկկողմ համագործակցությունը Հայաստանի հետ, այդ թվում նաև երկու երկրների առանձին  մարզերի ու քաղաքների, ստեղծագործական միությունների մակարդակներով։

Ինչպես «Նովոստի-Արմենիա» գործակալությանը տեղեկացրեցին ՀՀ կառավարության տեղեկատվության և հասարակայնության հետ կապերի վարչությունից, այս մասին նշվել է Ռուս-հայկական բարեկամության և համագործակցության միության (ՌՀԲՀՄ) նախագահ, ՌԴ գրողների և լրագրողների միության անդամ Վիկտոր Կրիվոպուսկովի գլխավորած ռուս մտավորականների պատվիրակության և ՀՀ վարչապետ Տիգրան Սարգսյանի միջև նախօրեին տեղի ունեցած հանդիպման ժամանակ։

Ռուսական պատվիրակության կազմում են գրողներ, թատերագետներ, «Լիտերատուրնայա գազետայի» գլխավոր խմբագիր Յուրի Պոլյակովը, գրող, ռուս մտավորականության «Ղարաբաղ» կոմիտեի համանախագահ Անդրեյ Նույկինը, գրող, թատերագետ, ՌՀԲՀՄ վարչության անդամ Կիմ Բակշին, պոետ, արձակագիր, Ռուսաստանի գրողների միության քարտուղար Նիկոլայ Պերեյասլովը, պոետ, «Յունոստ» ամսագրի գլխավոր խմբագիր Վալերի Դուդարյովը, Ռուսաստանի մշակույթի և արվեստի այլ հայտնի գործիչներ, ովքեր Հայաստան են ժամանել մասնակցելու Ռուսական խոսքի օրերին, որոնք ընթանում են սեպտեմբերի 9-15-ը Երևանում, Գյումրիում, Վանաձորում, Սպիտակում և Շուշիում։  

Վարչապետը նշել է, որ ռուս մտավորականության  նման ներկայացուցչական այցը Հայաստան, անկասկած, խթան կհանդիսանա երկու ժողովուրդներին  միավորող  արժեքների պահպանման, հետագա զարգացման և սերունդներին փոխանցման համար։

«Այն, որ Ռուսաստանում այսօր ունենք  բարեկամներ, ովքեր ամենածանր  ժամանակներում անգամ եղել են մեր ժողովրդի հետ, կարող է օգնել մեզ իմաստավորելու մեր համատեղ անցյալը և առավել ճիշտ  պատկերացնելու  մեր ապագան», - ասել է Սարգսյանը։

ՀՀ կառավարության անունից վարչապետը շնորհակալություն է հայտնել ռուս մտավորականներին այն ջանքերի  համար, որ շարունակում են գործադրել երկու բարեկամ ժողովուրդներին պատմականորեն միավորող հոգևոր կապերն ու արժեքները չկորցնելու և սերունդներին փոխանցելու համար:

Պատվիրակության ներկայացուցիչներն իրենց հերթին երախտագիտությունն են  արտահայտել Հայաստանում  ռուսական խոսքի ու մշակույթի  նկատմամբ ցուցաբերվող ուշադրության և հոգատար վերաբերմունքի համար: Նրանք  վստահություն են հայտնել, որ ՀՀ իշխանությունների աջակցությունն ու օժանդակությունը կօգնի պահպանելու այն ընդհանրություններն ու կապերը, որ հայ և ռուս ժողովուրդները ձեռք են բերել տասնամյակների ընթացքում:

Հանդիպման ավարտին կողմերը համոզմունք են հայտնել, որ երկուստեք  ջանքերի շնորհիվ հնարավոր կլինի շատ կարճ ժամանակում վերականգնել ու պահպանել երբեմնի միասնական այն հոգևոր տարածքը, որը լավագույն հիմք կհանդիսանա երկու ժողովուրդների բարեկամության ու համագործակցության առավել սերտացման համար:

«Ռուսական խոսքի օրերն» անցկացվում են Հայաստանի գրողների և ժուռնալիստների միությունների կողմից՝ ՀՀ մշակույթի նախարարության աջակցությամբ։

Ռուսական խոսքի օրերի շրջանակներում ծրագրված են ռուսական պատվիրակության անդամների հանդիպումները հայ ուսանողների, ռուսաց լեզվի ուսուցիչների հետ, գրական երեկոներ, Չարենցի «Մահն արհամարհողը, ապառաժ արարողը» գրքի ռուսերեն թարգմանության շնորհանդեսը, Հայաստանում «Լիտերատուրնայա գազետա» թերթի թղթակցական կետի բացում, ինչպես նաև Յուրի Պոլյակովի «Աֆրոդիտեի ձախ կուրծքը» ներկայացման պրեմիերան։ --0—

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։