483.51
+0.04
521.51
-0.3
8.36
-0.1
+11
Եղանակը Երևանում
Հայ
Մինչև 2010 թ.-ը Ռոսատոմն ակնկալում է Հայաստանում ուրանի իրական պաշարների ամբողջական պատկեր ունենալ. Կիրիենկո
20:10
09 Սեպտեմբերի 2008

ԵՐԵՎԱՆ, 9 սեպտեմբերի. /Նովոստի-Արմենիա/. Ռուսաստանի ատոմային էներգիայի «Ռոսատոմ» պետական կորպորացիան ակնկալում է մինչև 2010 թ.-ը Հայաստանի տարածքում ուրանի իրապես հանվող պաշարների ամբողջական պատկեր ունենալ, հայտարարեց «Ռոսատոմի» գլխավոր տնօրեն Սերգեյ Կիրիենկոն։  

Երեքշաբթի Երևանում կայացել է հայ-ռուսական համատեղ ձեռնարկության՝ երկրաբանահետախուզական աշխատանքների, ուրանի արդյունահանման և վերամշակման «Հայ-ռուսական լեռնահանքային ընկերություն» ՓԲԸ-ի գրասենյակի բացումը։  

«Մեր կանխատեսումն այն է, որ համատեղ ձեռնարկության գործունեությունը նվազագույնը պետք է Հայաստանին լիովին ապահովի բնական ուրանով, ինչը էներգետիկ անվտանգության գործոն է»,- երեքշաբթի Երևանում համատեղ գրասենյակի բացման արարողության ընթացքում լրագրողներին ասաց Կիրիենկոն։   

Նրա խոսքերով, ընկերությունը, որի ստեղծման մասին որոշումն ընդունվել է ընթացիկ տարվա հուլիսի 10-ին, արդեն սկսել է գործել։

«Այսօրվա դրությամբ համատեղ ձեռնարկությունն արդեն մշակել է երկրաբանահետախուզական աշխատանքների տեխնիկական առաջադրանք, որը փոխանցվել է Էներգետիկայի նախարարություն։  Մոտ ժամանակներում պետք է արտոնագիր տրվի, և մենք կարծում ենք, որ արդեն ընթացիկ տարվա հոկտեմբեր-նոյեմբերին համատեղ ձեռնարկությունը դաշտում գործի կանցնի»,- հայտնեց նա՝ավելացնելով, որ հորատման աշխատանքները կսկսվեն հաջորդ տարի, քանի որ նպատակահարմար չէ դրանք սկսել ձմռանը։  

Հայաստանի տարածքում ուրանի պաշարները, փորձագետների կանխատեսումներով, 30-60 հազար տոննա են կազմում։

Կիրիենկոն նշեց, որ Ռուսաստանի կողմից նախագծի ֆինանսավորումը 3 մլն ԱՄՆ դոլար է կազմում, ընդ որում ակնկալվում է, որ ֆինանսավորման ընդհանուր ծավալից 200 հազար դոլար կհաջողվի յուրացնել արդեն ընթացիկ տարում։  

«Մենք աշխատանքին պատրաստվել ենք նախօրոք, անցյալ ժամանակահատվածում ստուգվել են բոլոր համատեղ արխիվները, մեր մասնագետներն արդեն անցել են քարտեզում նշված առանցքային հանքավայրերով, և մինչև 2010 թ.-ը մենք պետք է Հայաստանի տարածքում ուրանի իրապես հանվող պաշարների ամբողջական պատկեր ունենանք»,- ընդգծեց նա։   

Ընդ որում «Ռոսատոմի» գլխավոր տնօրենն ավելացրեց, որ այդ բոլոր աշխատանքներին առավելագույն ռեժիմով կներգրավվեն Երևանի խոշորագույն ձեռնարկությունների մասնագետները։

«Հայաստանի համալսարաններում և Գիտությունների ազգային ակադեմիայում շատ բարձրակարգ մասնագետներ կան, այդ իսկ պատճառով այն ամենն, ինչ կարող են անել տեղի մասնագետները, հենց նրանք էլ կանեն»,- ընդգծեց նա։  

Համատեղ ձեռնարկության ստեղծմամբ Ռուսաստանն ու Հայաստանը 2008-ի փետրվարի 6-ից անցան երկրաբանահետախուզական աշխատանքների, ուրանի արդյունահանման և ուրանի հանքերի վերամշակման ոլորտներում համագործակցության մասին հուշագրում նշված պայմանավորվածությունների պրակտիկ իրականացման հերթական փուլին և Հայաստանի ուրանի հումքային բազայի զարգացմանն ուղղված 2008 թ.-ի գործողությունների ծրագրի իրականացմանը։ Վերոհիշյալ հուշագիրը սահմանում է այդ ոլորտում փոխգործակցության հիմնական սկզբունքները։  --0--

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։