483.58
+0.74
513.85
-7.76
7.67
+0.05
+2
Եղանակը Երևանում
Հայ
Թուրքիայի նախագահին Երևան հրավիրելը դիվանագիտական խելամիտ քայլ էր. պատգամավոր
19:50
09 Սեպտեմբերի 2008

Թուրքիայի նախագահ Աբդուլա Գյուլին Հայաստան հրավիրելը դիվանագիտական խելամիտ քայլ էր, որը խթան կհանդիսանա երկկողմ հարաբերությունների ապագա զարգացմանը, կարծում է «Ժառանգություն» ընդդիմադիր խմբակցությունից Աժ պատգամավոր Րաֆֆի Հովհաննիսյանը։

«Մինչ այժմ Հայաստանի նկատմամբ Թուրքիայի դիրքորոշումը կառուցողական չէր, այդ թվում նաև ԼՂՀ հարցում։ Եթե մենք ցանկանում ենք հայ-թուրքական հարաբերությունների նոր դարաշրջան բացել, ապա անհրաժեշտ է , որ Թուրքիան վերանայի իր դիրքորոշումներն ու նախաձեռնած քայլերը»,- երեքշաբթի լրագրողներին ասաց նա։

Սեպտեմբերի 6-ին Թուրքիայի նախագահ Աբդուլա Գյուլն առաջին անգամ Հայաստան էր ժամանել ՀՀ նախագահ Սերժ Սարգսյանի հրավերով՝ Հայաստանի և Թուրքիայի ֆուտբոլի հավաքականների խաղը միասին դիտելու։

Հովհաննիսյանը նշեց նաև, որ տեղեկություններ չունի այցի հետ կապված նախապատրաստական միջոցառումների և բանակցությունների ընթացքում կողմերի ձեռք բերած փոխզիջումների մասին։

«Սակայն չի կարելի հավատալ պատրանքների, թե մեկ-երկու այցով և 90 րոպեանոց ֆուտբոլային խաղով կարելի է լուծել հայ-թուրքական խնդիրները, եթե կողմերը պատրաստ չեն տարաձայնություն առաջացնող բոլոր խնդիրների քննարկմանը»,- նկատեց պատգամավորը։

Խորհրդարանականի խոսքերով, որքան էլ կարևոր լինի համագործակցությունը Հայաստանի և Թուրքիայի միջև, դրան հասնել հնարավոր չէ առանց քաղաքական կամքի և կողմերի վճռականության։

Հովհաննիսյանը միևնույն ժամանակ ընդգծեց, որ հայ-թուրքական հարաբերությունների բանակցային սեղանին պետք է դրվի նաև հայկական մշակութային ժառանգության, պատմության ճանաչման հարցը։

«Հայաստանի և Թուրքիայի երկկողմ հարաբերությունների հաստատման հարցում պետք է հետևողական լինել»,- ավելացրեց Հովհաննիսյանը։

Հայաստանի և Թուրքիայի միջև բացակայում են դիվանագիտական հարաբերությունները, իսկ հայ-թուրքական սահմանը փակ է 1993 թ.-ից՝ Անկարայի նախաձեռնությամբ։ 

Թուրքիան առաջ է քաշում մի շարք նախապայմաններ երկկողմ հարաբերությունների հաստատման համար, մասնավորապես, Հայաստանի կողմից Առաջին համաշխարհային պատերազմի տարիներին Օսմանյան կայսրությունում Հայոց ցեղասպանության միջազգային ճանաչման քաղաքականությունից հրաժարվելը, երբ սրի էր քաշվել շուրջ մեկուկես միլիոն հայ, Հայաստանի կողմից Թուրքիայի սահմանների ճանաչումը։

Բացի այդ, ղարաբաղյան հակամարտության կարգավորման խնդրում Թուրքիան զբաղեցնում է ակնհայտ ադրբեջանամետ դիրքորոշում ։-0- 

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: