484.75
-0.5
571.76
+2.32
8.19
+0.01
-2
Եղանակը Երևանում
Հայ
Հանրահայտ գերմանացի արևելագետ և հայ ժողովրդի հավատարիմ բարեկամ Յոհաննես Լեփսուսի 150-ամյակն է նշվել Երևանում
14:02
08 Սեպտեմբերի 2008

Հանրահայտ գերմանացի արևելագետ, հոգևոր և հասարակական գործիչ Յոհաննես Լեփսիուսի 150-ամյա հոբելյանին նվիրված գիտաժողովն է երկուշաբթի բացվել ՀՀ գիտությունների ազգային ակադեմիայում։

«Օսմանյան կայսրության տարածքում 1894-1896 թթ. առաջին զանգվածային ջարդերից հետո հայ ժողովրդին մեծ օգնություն ցուցաբերած միսիոներների թվում Լեփսիուսը հատուկ տեղ է զբաղեցնում», - ասաց Հայոց ցեղասպանության թանգարան-ինստիտուտի տնօրեն, գիտաժողովի կազմակերպիչ Հայկ Դեմոյանը։

Նրա խոսքերով, գիտաժողովը նպատակ ունի հերթական անգամ անդրադառնալ Լեփսիուսի գործունեությանը։

«Լեփսիուսն այն միսիոներներից է, ովքեր հայ ժողովրդի ցավն իրենց ցավն էին համարում և մեծ ջանքեր են գործադրել՝ այս իրադարձությունների հետևանքով տուժածներին օգնություն ցուցաբերելու նպատակով», - ավելացրեց թանգարանի տնօրենը։

Խոսելով հայերի ջարդերի ընթացքում միսիոներների գործունեության մասին՝ Թանգարանի տնօրենն ավելացրեց, որ նման մարդիկ չափազանց շատ են, սակայն նրանց մասին քչերը գիտեն։

«Մեր թանգարանի խնդիրն այն է, որպեսզի յուրաքանչյուր տարի մոռացությունից դուրս բերենք գոնե մեկ-երկու նման անձանց», - ասաց նա։

Միաժամանակ Դեմոյանը նշեց, որ Թանգարանի նախաձեռնությամբ 2008 թ.-ին Հայաստանում հայտարարված է Լեփսիուսի տարի։

Գիտաժողովին բացի հայ պատմաբաններից և մասնագետներից, մասնակցում են նաև գիտնականներ Գերմանիայից, ԱՄՆ-ից և Վիեննայից։

«Լեփսիուսի գործունեության հետազոտությունները շարունակվում են, ի հայտ են գալիս նոր փաստեր», - ասաց Դեմոյանը։

Միաժամանակ նա հույս հայտնեց, որ գիտաժողովին մասնակցող գերմանացի գործընկերները նոր նյութեր կտրամադրեն, որոնք, հնարավոր է, կզարմացնեն ներկաներին։

Գիտաժողովին մասնակցելու նպատակով Հայաստան ժամանած Յոհաննես Լեփսիուսի թոռը՝ Մարթին Աշկեն իր հերթին ավելացրեց, որ այս օրերին նմանատիպ գիտաժողով է անցկացվում նաև Գերմանիայում։

Միաժամանակ նա նշեց, որ իր պապի գաղափարների հետևորդն է։

«Գերմանիայում գործում է Լեփսիուսի թանգարան, որտեղ հավաքված են նրա գործունեության բազմաթիվ նյութեր։ Մոտ ժամանակներս թանգարանի հիման վրա կստեղծվի ակադեմիա», - տեղեկացրեց Աշկեն՝ ավելացնելով, որ ակադեմիայի բացումը կնպաստի հասարակության շրջանում Լեփսիուսի գաղափարների տարածմանն ու քարոզին։

«Ցեղասպանության թեման մոռացված չէ, և աշխարհը պետք է դատապարտի Թուրքիայի կողմից իրականացրած գործողությունները», - եզրափակեց նա։

1915-1923 թթ. Հայոց ցեղասպանությունը XX դարի առաջին ցեղասպանությունն է, որը կազմակերպել և ծրագրված իրականացրել է երիտթուրքական կառավարությունը։ 1915-1923 թթ.-ին Թուրքիայում Հայոց ցեղասպանության փաստի ճանաչումը սկզբունքային նշանակություն ունի հայ ժողովրդի համար, քանի որ Ցեղասպանությունն իրականացվել է՝ Հայկական հարցը փակելու նպատակով։

Հայոց ցեղասպանության զոհերը ոչ միայն մարդիկ էին, այլև հոգևոր արժեքները։ 1915-1916թթ.-ին և հաջորդ տարիներին ոչնչացվել են հայկական վանքերում պահվող հազարավոր հայկական ձեռագրեր, ավերվել են հարյուրավոր պատմական և ճարտարապետական հուշարձաններ, պղծվել են ժողովրդի սրբությունները։  Թուրքիայի տարածքում պատմամշակութային հուշարձանների ավերումը, հայ ժողովրդի մշակութային բազմաթիվ արժեքների յուրացումը շարունակվում է առ այսօր։--0—

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։