485.25
-0.08
569.44
-2.72
8.18
-0.02
+1
Եղանակը Երևանում
Հայ
«ArmTech Congress-08» բարձր տեխնոլոգիաների երկրորդ կոնգրեսը կանցկացվի Երևանում հոկտեմբերի 4-5-ին
13:27
05 Սեպտեմբերի 2008

ԵՐԵՎԱՆ, 5 սեպտեմբերի. /Նովոստի-Արմենիա/. «ArmTech Congress-08» բարձր տեխնոլոգիաների երկրորդ կոնգրեսը կանցկացվի Երևանում հոկտեմբերի 4-5-ին։

Ինչպես ուրբաթ լրագրողներին ասաց ՀՀ էկոնոմիկայի նախարար Ներսես Երիցյանը, կոնգրեսը բարձր տեխնոլոգիաների բնագավառում երկարաժամկետ հեռանկարները քննարկելու հնարավորություն է տալիս։

«Բարձր տեխնոլոգիաները բավականին ագրեսիվ են զարգանում ողջ աշխարհում, և Հայաստանը, որպեսզի ետ չմնա, պետք է ավելի ագրեսիվ քաղաքականություն իրականացնի՝ բարձրացնելով երկրի հեղինակությունը՝ պարբերաբար անցկացվող կոնգրեսների, կապերի հաստատման, սփյուռքի ներուժի, միջազգային կորպորացիաների և գիտնականների ներգրավման միջոցով»,  - ասաց Երիցյանը։

Ինչպես կարծում է նախարարը, կոնգրեսի հաջողությունը կախված կլինի դրա գործունեության արդյունավետությունից և քննարկումների օրակարգից։ «Մենք պետք է ակտիվորեն զարգանանք, որպեսզի ոչ միայն հասնենք, այլև շրջանցենք մեր բոլոր մրցակիցներին», - ասաց Երիցյանը։

Միաժամանակ Հայկական տեխնոլոգիաների գլոբալ կոնգրեսի (Armenian Technology Congress) ArmTech նախագահ, «Վիասֆեր Ինթերնեյշնլ» (Viasphere International Inc., Silicon Valley, USA) ընկերության ղեկավար Տոնի Մորոյանը նշել է, որ կոնգրեսին ծրագրվում է ԱՄՆ-ի, Ռուսաստանի, Ֆրանսիայի, եվրոպական այլ երկրների բազմաթիվ ընկերությունների 250 ներկայացուցիչների, Միջին Ասիայի, Հարավային Ամերիկայի ներկայացուցիչների մասնակցությունը։

Նա նշեց, որ կոնգրեսի ընթացքում կքննարկվեն առաջին կոնգրեսի ընթացքում ձեռք բերված պայմանավորվածություններն ու համաձայնագրերը։ «Կոնգրեսը լայն հնարավորություններ է տալիս՝ Հայաստանը բարձր տեխնոլոգիաների տարածաշրջանային կենտրոն վերածելու գործում, քանի որ դրան կմասնակցեն ոչ միայն տեղեկատվական տեխնոլոգիաների բնագավառում խոշոր կորպորացիաների, այլև ներդրումային ընկերությունների ներկայացուցիչներ», - ասաց Մորոյանը։

Նա նշեց, որ սա նման ձևաչափում անցկացվող առաջին կոնգրեսն է Հայաստանում և ընդգծեց, որ քննարկումների ընթացքում կարող են ի հայտ գալ հետաքրքիր որոշումներ, որոնցից մի քանիսը, որոնք հնչեցվել են անցած կոնգրեսի ժամանակ, արդեն կյանքի են կոչվում։

Կոնգրեսն անցկացվում է «Սովորել անցյալից, բացահայտել ապագան» նշանաբանի ներքո։ Կոնգրեսը նպատակաուղղված է գործարար հնարավորությունների, Հայաստանի բարձր տեխնոլոգիաների ոլորտում ներդրումների խթանմանը։

Կոնգրեսի ծրագրում ընդգրկված են հիմնական տեխնիկական և բիզնես զեկույցներ, թեմատիկ քննարկումներ արդյունաբերության և գիտակրթական ոլորտի վերաբերյալ։

Մասնավորապես, օրակարգի գլխավոր տեխնիկական թեմաներն են տեղեկատվական տեխնոլոգիաները, կենսատեխնոլոգիան և դեղագործությունը, նուրբ օրգանական քիմիան, այլընտրանքային էներգիան, կիսահաղորդիչները, թվային հաղորդակցումը, ենթակառուցվածքները։

Կոնգրեսի օրակարգի գլխավոր բիզնես-թեմաներն են կրթությունը, քաղաքականությունն ու պաշտպանությունը, մտավոր սեփականությունը, ներդրումները, աութսորսինգը (արտաքին ներուժ)։ Միաժամանակ կոնգրեսին մասնակցելու համար հայտերի ընդունման ժամկետները երկարացվել են մինչև սեպտեմբերի 8-ը։

Բարձր տեխնոլոգիաների միամսյակը Հայաստանում անցկացվում է ՀՀ վարչապետ Տիգրան Սարգսյանի հովանու ներքո, ՀՀ էկոնոմիկայի նախարարության, բարձր և տեղեկատվական տեխնոլոգիաների բնագավառում խոշորագույն ընկերությունների և միջազգային կազմակերպությունների համագործակցությամբ։

ArmTech առաջին կոնգրեսն անցկացվել է 2007 թ.-ի հուլիսի 4-7-ը Սան Ֆրանցիսկոյում։ Կոնգրեսին մասնակցել է աշխարհի շատ երկրների ավելի քան 350 ներկայացուցիչ։ Հայաստանը ներկայացրել են 60 գործարարներ և 11 գործարար ու կրթական կազմակերպություններ։-0-  

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։