478.57
+0.37
561.79
+1.96
8.05
+0.02
+22
Եղանակը Երևանում
Հայ
ՀՀ նախագահը հույս ունի նորմալացնել հարաբերությունները Թուրքիայի հետ
13:23
28 Օգոստոսի 2008

ՀՀ նախագահ Սերժ Սարգսյանը կրկնել է իր թուրք գործընկեր Աբդուլա Գյուլին ուղղված Երևան այցելելու հրավերը՝ սեպտեմբերի 6-ին 2010 թ.-ի աշխարհի առաջնության ընտրական փուլի շրջանակներում երկու երկրների հավաքականների միջև ֆուտբոլային հանդիպումը դիտելու նպատակով։

Հինգշաբթի լույս տեսած «Ռադիկալ» թերթին տված հարցազրույցում Սարգսյանն ասել է, որ Գյուլի այցը Հայաստան չափազանց կարևոր է համարում՝ նորմալացնելու համար հարաբերությունները երկու հարևան երկրների, որոնց միջև բացակայում են դիվանագիտական կապերը, իսկ սահմանն արդեն 15 տարի փակ է։

«Եթե ես չհամարեի այս այցելությունը կարևոր, ապա չէի հրավիրի հարգելի պարոն Գյուլին։ Մենք հարևաններ ենք։ Դժվար ժամանակներ ենք ապրել համատեղ պատմության ընթացքում։ Հայաստանը պատրաստ է հարաբերություններ զարգացնել և նույնը սպասում է Թուրքիայից», - ասել է ՀՀ նախագահը, հաղորդում է «ՌԻԱ Նովոստին»։

Պաշտոնական Անկարան բազմաթիվ անգամ հայտարարել է, որ Հայաստանի հետ դիվանագիտական հարաբերությունների հաստատման համար նախադրյալներ է համարում բազմամյա ղարաբաղյան հակամարտության կարգավորումը և Առաջին համաշխարհային պատերազմի տարիներին Օսմանյան կայսրությունում Հայոց ցեղասպանության միջազգային ճանաչման քաղաքականությանից հրաժարվելը, երբ զոհվել է շուրջ 1,5 մլն մարդ։

Այս տարվա հուլիսին Թուրքիայի և Հայաստանի ներկայացուցիչները Շվեյցարիայում փակ բանակցություններ են անցկացրել, որոնք նվիրված էին երկկողմ հարաբերությունների նորմալացմանը։ Մեկնաբանելով դրանք՝ թուրք վերլուծաբանները նշում էին, որ նրանք կարող են դրական պաշարներ ստեղծել՝ Անկարայի և Երևանի միջև պաշտոնական երկխոսության հաստատման համար։

Պատասխանելով թերթին տված հարցին, թե արդյոք նա հավատում է փակ բանակցությունների դրական ելքին՝ ՀՀ նախագահն ասել է, որ «չէր աջակցի դրանց, եթե հույս չունենար»։ Միաժամանակ Սարգսյանն ավելացրել է, որ Հայաստանի և Թուրքիայի միջև հարաբերությունների զարգացման ընթացքն իսկ վկայում է, որ երկու երկրների առաջնորդները գտնվում են կարևոր որոշումների ընդունման նախաշեմին։

«Դրանք չեն լինի հասարակ որոշումներ և լիարժեք հավանության չեն արժանանա Հայաստանում և Թուրքիայում։ Սակայն ես համոզված եմ, որ դրական որոշումներն աջակցություն կգտնեն երկու երկրների հասարակությունների ներկայացուցիչների մեծամասնության շրջանում», - նշել է ՀՀ նախագահը։

Սարգսյանը նաև ասել է, որ Անկարայի կողմից Հայոց ցեղասպանության ճանաչումը չի համարում դիվանագիտական հարաբերությունների հաստատման համար պարտադիր նախապայման։

 «Դուք չեք հանդիպի աշխարհում որևէ հայի, ով չի հավատում, որ ցեղասպանություն չի եղել։ Միաժամանակ մենք ոչ մի դեպքում չենք դիտում ցեղասպանության փաստի ճանաչումը՝ որպես Թուրքիայի հետ հարաբերությունների զարգացման պայման։ Հենց այդ պատճառով մենք խոսում ենք Թուրքիայի հետ առանց նախապայմանների դիվանագիտական հարաբերությունների հաստատման պատրաստակամության մասին», - ասել է ՀՀ նախագահը։

Խոսելով սպետեմբերի 6-ին կայանալիք ֆուտբոլային հանդիպման մասին՝ Սարգսյանը նշել է, որ երկու երկրների ազգային հավաքականները կհանդիպեն առաջին անգամ։ «Այս իրադարձությունը կարող է կարևոր հնարավորություն դառնալ մեր հարաբերությունների զարգացման համար», - նշել է ՀՀ նախագահը։

Թուրք առաջնորդը դեռևս որոշում չի ընդունել Երևան այցելելու վերաբերյալ։

«Ես դեռևս վերջնական որոշում չեմ ընդունել՝ Հայաստան այցի նպատակահարմարության վերաբերյալ։ Մենք քննարկում ենք հարցն՝ արդյոք դրանից օգուտ կլինի, թե ոչ», - ասել է Գյուլը չորեքշաբթի թուրքական NTV հեռուստաընկերությանը տված հարցազրույցում։-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: