482.36
-0.38
568.99
-1.66
8.19
-0.05
-1
Եղանակը Երևանում
Հայ
Հայաստանը պետք է ջանքեր գործադրի տարածաշրջանում խաղաղություն հաստատելու համար. ՀՅԴ
15:18
16 Օգոստոսի 2008

ԵՐԵՎԱՆ, 16 օգստոսի. /Նովոստի-Արմենիա/.  Հայաստանը կարող է և պետք է մասնակցի տարածաշրջանում խաղաղության հաստատման և առկա խնդիրները քաղաքակիրթ եղանակով կարգավորելու գործին, ասվում է Հարավային Օսեթիայի իրադարձությունների առնչությամբ Հայ հեղափոխական դաշնակցության բյուրոյի տարածած հայտարարությունում։

«Մենք հուսով ենք, որ ակտիվ հակազդեցությունից հետո հակամարտող կողմերն ու միջազգային հանրությունն ուղիներ կգտնեն դրա համար և ՀՅԴ-ն վստահություն է հայտնում, որ պատրաստ է ամեն ջանք գործադրել, որպեսզի Հարավային Կովկասում վերջապես լիարժեք համագործակցության ու զարգացման հիմք դրվի և հարևան ժողովուրդները խաղաղ համակեցության հնարավորություն ունենան»,- ասվում է շաբաթ «Նովոստի-Արմենիա» գործակալությանը տրամադրված հայտարարության մեջ։    

Փաստաթղթում նշվում է, որ վերջին շաբաթների իրադարձությունները Հարավային Կովկասում՝ փաստացի պատերազմը ողբերգական հետևանքներով, միջազգային լարվածությունը և հետագայում հնարավոր գործընթացները նոր իրողություններ են ստեղծում, որոնք անմիջականորեն վերաբերում են տարածաշրջանի հեռանկարներին և չեն կարող չանհանգստացնել Հայաստանին ու հայ ժողովրդին։ «Մեր հարևանությամբ տեղի ունեցող իրադարձությունները թե քաղաքական, թե տնտեսական առումներով նոր մարտահրավերներ են ստեղծում մեզ համար»,- ասվում է հայտարարության մեջ։  

ՀՅԴ բյուրոյում վստահ են, որ այսօրվա դրությամբ հիմնական խնդիրն ապագայում նմանատիպ իրավիճակների հնարավոր կրկնումը բացառելն է, քանի որ միջազգային հակամարտությունները ուժի կիրառմամբ լուծելու 90-ականների փուլն արդեն ավարտված է, իսկ վերջին իրադարձություններն ավելորդ անգամ ապացուցեցին նմանատիպ գործողությունների անհեռանկայնությունն ու ողբերգականությունը։

«Մի կողմից պետք է գիտակցել, որ Վրաստանը մեր անմիջական հարևանն է, որի կայունությունն ու բնականոն զարգացումը բացառիկ կերպով կարևոր են մեզ համար, իսկ Ռուսաստանը Հայաստանի ռազմավարական գործընկերն է և ազդեցություն ունի Կովկասում։ Մյուս կողմից, ակնհայտ է, որ տարածաշրջանի համար Եվրամիության, Ռուսաստանի ու ԱՄՆ-ի միջև հարաբերությունների սրումը չի կարող շահավետ լինել տարածաշրջանի համար»,- նշվում է հայտարարության մեջ։

Ստեղծված իրավիճակում ՀՅԴ-ն ընդգծում է երեք ասպեկտների կարևորությունը, և դրանցից առաջինը Արցախի ժողովրդի՝ սեփական կամքով իր ճակատագրի տնօրինման իրավունքի ամրապնդման խնդիրն է։

«Վերջին իրադարձությունները ցույց տվեցին, որ խնդիրն ուժային մեթոդով լուծելու ադրբեջանական նկրտումները ոչ միայն անհեռանկարային են, այլև տարածաշրջանն էլ ավելի անկանխատեսելի ցնցումների կենթարկեն։ Արցախը չի կարող Ադրբեջանի կազմում լինել։ Մենք պարտավոր ենք հակամարտության կարգավորման բանակցություններում ավելի հստակ ու լիարժեք պաշտպանել մեր ազգային-պետական շահերն ու պահանջել, որպեսզի կողմերը, առաջին հերթին, ուժի կիրառումը բացառող իրավական փաստաթուղթ ստորագրեն»,- ընդգծվում է փաստաթղթում։  

Երկրորդ հարցը, որին ՀՅԴ-ն մեծ նշանակություն է տալիս, Վրաստանում, մասնավորապես հայաբնակ Ջավախքում, հայերի անվտանգության և ազգային փոքրամասնությունների իրավունքների պաշտպանության խնդիրներն են։

«Մենք չենք ուզում անտարբեր լինել այդ հարցին և ուզում ենք հավատալ, որ Վրաստանն ամենայն պատասխանատվությամբ, միջազգային իրավունքի գերակա սկզբունքներով կառաջնորդվի այս հարցում»,- ասվում է հայտարարության մեջ։  

ՀՅԴ ուշադրությունը նաև սևեռված է ներպետական ու ներազգային հիմնահարցերի  և երկրի կայունության շուրջ առավելագույնս միավորվելու անհրաժեշտության վրա։ ՀՅԴ բյուրոյում վստահ են, որ սա ժողովրդի և պատմության առջև պատասխանատվության հարց է։ --0--

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։