482.84
+0.58
521.61
+4.72
7.62
+0.05
-7
Եղանակը Երևանում
Հայ
ՀՀ նախագահը շնորհավորեց ռուսաց լեզվի օլիմպիադայի մասնակիցներին` հաջող հանդես գալու համար
19:59
31 Հուլիսի 2008

ՀՀ նախագահ Սերժ Սարգսյանը հինգշաբթի ընդունեց ռուսաց լեզու և գրականություն առարկայից Մոսկվայում կայացած  դպրոցականների միջազգային 7-րդ օլիմպիադային մասնակցած Հայաստանի թիմի անդամներին։

Հայաստանը ներկայացնող ինը դպրոցականներն օլիմպիադայում ցույց են տվել փայլուն արդյունք` արժանանալով ամենաշատ մրցանակներին, «Նովոստի-Արմենիա» գործակալությանը հայտնեցին ՀՀ ղեկավարի մամուլի ծառայությունից:

«Ցանկանում եմ, որ դուք սա համարեք նոր ձեռքբերումների սկիզբ, բազմապատկեք ձեր գիտելիքները և նվաճեք նոր բարձունքներ: Այս հաղթանակը կարևոր է ոչ միայն ձեր, այլև` բոլորիս համար, որովհետև սա գալիս է ապացուցելու, որ Հայաստանում, իրոք, մեծ մտավոր ներուժ կա, և որ շատ կարևոր է, այն տարիքային առումով սահմանափակված չէ»,- ասաց Սարգսյանը:

Հանրապետության ղեկավարը նշեց նաև այն հանգամանքի կարևորությունը, որ հայ մասնակիցների աշխարհագրությունը բավականին լայն է` Երևան, Գյումրի, Վանաձոր, Գորիս, Աբովյան։ «Սա նշանակում է, որ մտավոր ներուժը կենտրոնացված է ոչ միայն Երևանում, մարզերում ևս կարելի է լավ գիտելիք ստանալ»,- ասաց նախագահը:  

Նա ընդգծեց, որ այս հաղթանակի, հաջողության մեջ մեծ դեր ունեն ուսուցիչները, և անշուշտ, թիմի ղեկավարները: «Ես շնորհակալ են բոլոր այն մարդկանց, ովքեր անխոնջ և անմռունչ կատարում են իրենց գործը: Չնայած բազմաթիվ դժվարություններին` նրանք նվիրումով են կատարում այն վեհ առաքելությունը, որ ունեն»,- նշեց երկրի ղեկավարը։  

Սարգսյանը վստահություն հայտնեց, որ հաղթանակն օլիմպիադայում օրինակ կծառայի հանրապետությունում օտար լեզուներ ուսումնասիրելու համար: «Անշուշտ, ամենակարևորն այն է, որ բոլորը տիրապետեն մայրենի լեզվին, բայց նաև շատ կարևոր է տիրապետել օտար լեզուների, որպեսզի երիտասարդը լինի մրցունակ, կարողանա անմիջականորեն օգտվել համաշխարհային մտքի գանձարանից»,- ասաց նախագահը:

Նա հանդիպման ներկա դպրոցականներին մաղթեց վստահ լինել իրենց ուժերի նկատմամբ, ամրապնդել հաղթողի ոգին` և իրենց, և հասարակության մեջ: «Տարբեր առարկաների գծով համաշխարհային օլիմպիադաներին մասնակցելն ու հաղթելը նմանվելու շատ լավ առիթ է»,- ասաց նա:

«Ես վստահ եմ, առանց չափազանցության, որ այսօր մեր ժամանակի հերոս աշակերտը հենց դուք եք: Նրանք են, ովքեր կարողանում են իրենց գիտելիքով հաղթել աշխարհում: Եվ մենք ամեն ինչ պետք է անենք, որպեսզի բոլոր աշակերտները ցանկություն ունենան նմանվել ձեզ»,- ավելացրեց երկրի ղեկավարը։

Նա ընդգծեց, որ համաշխարհային օլիմպիադաներում հաղթանակած երիտասարդները կարժանանան պետության հատուկ ուշադրությանը.

Սարգսյանն աշակերտներին հետագա հաջողություններ ու գիտելիքների բազմապատկում մաղթեց՝ ասելով, որ սա դեռ միայն սկիզբն է: «Շատ եմ ցանկանում, որ մի բան հիշեք` հաղթելը պատվաբեր գործ է, բայց միևնույն ժամանակ` շատ պատասխանատու, որովհետև հաղթողներին նայում են խոշորացույցով: Սա դուք պետք է ըմբռնեք և ձեր ողջ կյանքում օրինակ հանդիսանաք, թե ինչպես սեփական գիտելիքներով ու կարողություններով կյանքում կարելի է հասնել հաջողությունների»,- ասաց երկրի ղեկավարը։

Նրա խոսքերով, հենց այս աշակերտներն են Հայաստանում հիմք դնում գիտելիքով հաղթելու մշակույթին։Նա նշեց, որ Հայաստանում գիտելիքով հաղթողները պետք է մշտապես տարբերվեն մյուսներից      

Դպրոցականներն էլ իրենց հերթին Հանրապետության նախագահին պատմեցին օլիմպիադայից իրենց տպավորությունների մասին: Նշվել է, որ միջազգային օլիմպիադաները տեղի են ունենում երեք տարին մեկ անգամ, այս տարի մասնակցել են 306 աշակերտներ` աշխարհի 36 երկրներից: --0--

Loading...
Թեմատիկ նյութեր
Բաժնի այլ նյութեր
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին: