485.25
-0.08
569.44
-2.72
8.18
-0.02
-3
Եղանակը Երևանում
Հայ
ԵԱՀԿ հակակոռուպցիոն ընդունարանների գործունեությունը քննարկվել է ՀՀ փոխվարչապետի մոտ
19:11
29 Հուլիսի 2008

ՀՀ փոխվարչապետ, տարածքային կառավարման նախարար Արմեն Գևորգյանի մոտ երեքշաբթի ներկայացվեցին ԵԱՀԿ երևանյան գրասենյակի հակակոռուպցիոն հանրային ընդունարանների գործունեության ընթացքում ի հայտ եկած հիմնախնդիրները։

«ԵԱՀԿ երևանյան գրասենյակի կողմից ստեղծված հակակոռուպցիոն հանրային ընդունարաններն աշխատում են հասարակական կազմակերպությունների հետ և նրանց ունեցած տվյալները բավական օբյեկտիվ և շատ արժեքավոր են մեզ համար։ Ցանկալի կլիներ, որ նման ընդունարաններ ստեղծվեին նաև մյուս մարզերում՝ կոռուպցիոն ռիսկերը, թերությունները բացահայտելու և արագ արձագանքելու համար»,- քննարկումների ընթացքում ասաց ՀՀ փոխվարչապետ Արմեն Գևորգյանը։

Քննարկմանը մասնակցում էին ԵԱՀԿ երևանյան գրասենյակի ներկայացուցիչները, ՀՀ աշխատանքի և սոցիալական հարցերի նախարարը, ՀՀ արդարադատության փոխնախարարը, ՀՀ ոստիկանության պետի տեղակալը,  ՀՀ կառավարությանն առընթեր անշարժ գույքի կադաստրի պետական կոմիտեի նախագահը, ՀՀ դատական դեպարտամենտի ղեկավարի տեղակալը, հանրային ընդունարանների աշխատակիցներ։

2005 թվականից ԵԱՀԿ երևանյան գրասենյակը հասարակական կազմակերպությունների հակակոռուպցիոն կոալիցիային աջակցում է՝ կոռուպցիայի դեմ պայքարին ուղղված ծրագրերի իրականացման գործում։ Այդ ծրագրերի շրջանակում 2006-ին Երևանում, Գեղարքունիքի և Լոռու մարզերում  ԵԱՀԿ երևանյան գրասենյակի աջակցությամբ ստեղծվեցին հակակոռուպցիոն հանրային ընդունարաններ։

Ինչպես նշվեց ԵԱՀԿ գրասենյակի մամուլի ծառայությունից, հանրային ընդունարաններ դիմած քաղաքացիներից ստացված տեղեկատվության վերլուծությունը վկայում է, որ մարդիկ դժգոհում են դատական համակարգի, նոտարների, կադաստրի, ՔԿԱԳ, ԴԱՀԿ մարմինների, անձնագրերի և վիզաների վարչության գործունեությունից։

Քաղաքացիները դժգոհ են նաև իրավապահ, տեղական ինքնակառավարման մարմինների աշխատանքից, տարբեր մակարդակների պետական պաշտոնյաների կողմից անհարգալից վերաբերմունքից, հասարակության լայն շերտերին վերաբերող ընդունվող իրավական ակտերի մասին տեղեկատվության պակասից և այլն։

Քննարկման ընթացքում ՀՀ ոստիկանության պետի տեղակալը տեղեկացրեց, որ վերջին շրջանում անձնագրերի և վիզաների վարչությունում կատարվող բարեփոխումների, կադրային փոփոխությունների  արդյունքում կոռուպցիոն ռիսկերը զգալի կրճատվել են։ 

Բացի այդ, պայմանավորվածություն ձեռք բերվեց համագործակցել ԵԱՀԿ երևանյան գրասենյակի աջակցությամբ ստեղծված հակակոռուպցիոն հանրային ընդունարանների հետ։ Մասնավորապես, նախատեսվում է գերատեսչություններում ունենալ մեկ պատասխանատու, ով եռամսյակը մեկ անգամ հանրային ընդունարաններից տեղեկություն կստանա իրենց կողմից համակարգվող ոլորտներից ստացվող դժգոհությունների մասին, համատեղ քննարկել հակակոռուպցիոն հանրային ընդունարանների ունեցած փաստերը։

Հանդիպման մասնակիցները ԵԱՀԿ երևանյան գրասենյակի կողմից կոռուպցիոն դրսևորումների կրճատման և մարդու իրավունքների պաշտպանվածության մակարդակի բարձրացման ուղղությամբ ընդունելի մի շարք առաջարկներ ընդունեցին։ 

Ընդունվեց նաև  հակակոռուպցիոն ռիսկերի ուսումնասիրման և մոնիտորինգի նպատակով հանրային ընդունարանները որպես գործիք օգտագործելու մասին ԵԱՀԿ երևանյան գրասենյակի ղեկավարի տեղակալ Մարկ Բոյանիչի առաջարկը։

Հանրային ընդունարաններում քաղաքացիները համապարփակ իրավական և  փորձագիտական խորհրդատվություն են ստանում հետևյալ ոլորտներում՝ հանրային առողջություն, կրթություն, բանակ և զորակոչ, փոքր և միջին ձեռնարկություններ, հանրային ծառայություններ և սպառողների իրավունքներ, ճանապարհային ոստիկանություն և վարորդների իրավունքներ, քաղաքացիական և վարչական իրավունքի հարցեր։ --0--

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։