485.25
-0.08
569.44
-2.72
8.18
-0.02
-2
Եղանակը Երևանում
Հայ
Կարս-Թբիլիսի-Բաքու երկաթուղու շինարարությունը չի նպաստում տարածաշրջանային ինտեգրմանը. հայ պատգամավոր
19:01
28 Հուլիսի 2008

Հայաստանը շրջանցող Կարս-Թբիլիսի-Բաքու երկաթուղու շինարարության նախագիծը չի նպաստում տարածաշրջանային ինտեգրմանն ու տարածաշրջանում անվտանգության բարձրացմանը, կարծում է ՀՀ ԱԺ պատգամավոր, ՀՀ Հանրապետական կուսակցության խորհրդի անդամ Արմեն Աշոտյանը։ 

«Այս նախագիծը, որպես տարածաշրջանում անվտանգության բարձրացմանն ուղղված տարածաշրջանային ինտեգրման նախագիծ դիրքորոշելը, նշանակում է, մեղմ ասած, շփոթության մեջ գցել սեփական երկրների հասարակություններին»,- ասաց Աշոտյանը երկուշաբթի «Նովոստի» միջազգային մամուլի կենտրոնում «Վրաստանի՝ ՆԱՏՕ մուտք գործելու դեպքում արդյո՞ք Կովկասում կհայտնվեն բաժանարար գծեր» թեմայով Երևան-Թբիլիսի տեսաակամուրջի ընթացքում։   

Նրա խոսքերով, ելնելով քաղաքականության և աշխարհաքաղաքական տարրական օրենքներից, խոսել տարածաշրջանային ինտեգրման մասին այն դեպքում, երբ Հարավային Կովկասի կարևորագույն երկրներից մեկը դուրս է մնում այդ նախագծերից՝ նշանակում է կամ թերագնահատել այդ երկրի աշխարհաքաղաքական դերը, կամ թերագնահատել վտանգներն այն դեպքում, եթե Հայաստանն ինքը կարող է ստիպված լինի ներգրավվել այնպիսի նախագծերում, որոնք տվյալ նախագծի իրագործման դեմ ուղղված կլինեն։

«Տարածաշրջանային ինտեգրման և անվտանգության մասին խոսել այն ժամանակ, երբ ոչ բոլոր կողմերն են մասնակցում այդ նախագծին, մեղմ ասած, միամտություն է։ Այս նախագիծը չի նպաստում տարածաշրջնային ինտեգրմանը, չի նպաստում տարածաշրջանում անվտանգության բարձրացմանը։ Դա միանշանակ է, և, ցավոք սրտի, այդ ճշմարտությունը պարզելու համար երկար ժամանակ պետք չէ, ամեն ինչ պարզ կդառնա ավելի կարճ ժամանակահատվածում»,- նշեց Աշոտյանը։  

Պատգամավորը կոչ արեց նաև ռուսական գործոնը չխառնել այս խնդրին։  

Նրա խոսքերով, չնայած այս հաղորդակցական նախագիծն իրականցվում է Ռուսաստանը շրջանցելով, այդուհանդերձ հայկական կողմին ավելի շատ հուզում է այն, որ նախագիծն իրակացվում է հենց Հայաստանը շրջանցելով։

«Ես խնդրում եմ իմ վրաց գործընկերներին միշտ փորձել տարբերել հայկական շահերից բխող ելույթներն ու մոտեցումները։ Հայաստանի դիրքորոշման մեջ պետք չէ ռուսական բաղադրիչ փնտրել։ Այս խնդիրն այնքան կարևոր է հայկական կողմի համար, որ մեր ռազմավարական գործընկերներին (Ռուսաստանին- «Նովոստի-Արմենիա») այս ամենին խառնելն իմաստ չունի։ Մենք ինքներս շահագրգռված ենք այն դիրքորոշմամբ, որն արտահայտում ենք»,- նշեց պատգամավորը։ 

Ընդ որում, Աշոտյանը հայտարարեց, որ չի հավատում, որ Հայաստանի մեկուսացումը Վրաստանի աշխարհաքաղաքական առաքելությունն է։

 «Յուրաքանչյուր երկիր իր աշխարահաքաղաքական առաքելությունն ունի։ Բայց արդյո՞ք տարածաշրջանային մասշտաբով, որում ընդգրկված է նաև Վրաստանը, Հայաստանին մեկուսացնելը հենց իր սեփական աշխարհաքաղաքական դերն է։ Մի՞թե այդ դերը Վրաստանի հարևանների ու գործընկերների կողմից պարտադրված է։ Մի՞թե վառ արտահայտված հակահայկական ուղղվածություն ունեցող նախագծերի մասնակցելը հենց իր՝ Վրաստանի դիրքորոշումն է։ Ես դրան չեմ հավատում՝ ելնելով երկու ժողովուրդների միջև հազարամյա պատմական հարաբերություններից, ելնելով նրանց մշակութային ու հոգևոր մտերմությունից»,- ասաց Աշոտյանը։  

Նա նաև նշեց, որ Վրաստանը կանգնած է թուրքական Սցիլայի և ադրբեջանական Հարիբդայի արանքում հայտնվելու վտանգի առջև։   

 «Որքանո՞վ վրացական պետությունը կկարողանա դիմակայել արևելա-արևմտյան այդ բավականին ագրեսիվ քաղաքականությանը։ Ես ցանկանում եմ, որ վրացական պետականության ուժերը բավարարեն ապագայում այդ բավականին ակնհայտ վտանգը հաղթահարելու համար»,- նշեց Աշոտյանը։

Նրա խոսքերով, այդ նախագծի խնդիրներից է նաև այն հարցը, թե ուր կգնա երկաթուղին Բաքվից հետո։ 

«Այդ գիծը պետք է կամ դեպի հյուսիս գնա, այսինքն Ռուսաստան, ինչը փորձում են շրջանցել, կամ դեպի հարավ՝ Իրան, սակայն հազիվ թե այս երկրներին թույլ տան բեռներ փոխադրել իրանական տարածքով՝ հաշվի առնելով համապատասխան իրադրությունն այս երկրի շուրջ»,- կարծում է Աշոտյանը։   

Նրա խոսքերով, ևս մեկ ուղի է Կասպից ծովով լաստանավային փոխադրումը, որը, սակայն, երկաթգծի լիարժեք փոխարինող չի կարող լինել, հատկապես հաշվի առնելով այս նախագծերի առնչությամբ կենտրոնական Ասիայի հանրապետությունների, այդ թվում Թուրքմենստանի դիրքորոշումը։ --0—

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։