484.04
+0.53
523.1
+1.64
8.44
+0.03
+6
Եղանակը Երևանում
Հայ
Հայաստանի խորհրդարանը հայ-թուրքական հարաբերությունների մասին հայտարարություն է պատրաստում
18:19
23 Հուլիսի 2008

ԵՐԵՎԱՆ, 23 հուլիսի. /Նովոստի-Արմենիա/. ՀՀ խորհրդարանը հայ-թուրքական հարաբերությունների մասին հայտարարություն է պատրաստում, հայտարարեց ՀՅԴ Գերագույն մարմնի ներկայացուցիչ Արմեն Ռուստամյանը։

«Մենք հայ-թուրքական հարաբերությունները գնահատում ենք որպես չհայտարարված հակամարտություն, և պետք է մեզ համար համաձայնեցնենք հարաբերությունների կարգավորման ձևերը, այնպես որ սա այն հարցը չէ, որի շուրջ կարող են տարբեր դիրքորոշումներ հնչեցվել»,- չորեքշաբթի նա ասաց լրագրողներին։

Հայաստանի և Թուրքիայի միջև չկան դիվանագիտական հարաբերություններ՝ Թուրքիայի կողմից առաջ քաշվող նախապայմանների պատճառով։ Թուրքիան երկկողմ հարաբերությունների հաստատաման համար առաջ է քաշում մի շարք նախապայմաններ, մասնավորապես, Հայաստանի կողմից Օսմանյան Թուրքիայում 1915թ.  իրագործված Եղեռնի ճանաչմանն ուղղված ջանքերից հրաժարվելը, ղարաբաղյան հիմնախնդրի լուծումը` հօգուտ Ադրբեջանի, ինչպես նաև Հայաստանի կողմից Թուրքիայի սահմանների ճանաչումը:

Ռուստամյանը նշեց, որ դեկտեմբերին Ազգային Ժողովում հայ-թուրքական հարաբերությունների մասին քննարկումներ եղան, և այժմ արտաքին կապերի՝ իր  գլխավորած հանձնաժողովն աշխատում է փաստաթղթերի ու նյութերի հրապարակման, ինչպես նաև այդ հարցի շուրջ ընդհանուր եզրահանգման մշակման ուղղությամբ։

«Թուրքիայի հարցով խորհրդարանի հայտարարությունը, ինչպես և Լեռնային Ղարաբացի հարցով նախորդը, կնպաստի միասնական դիրքորոշման ձևավորմանը։ Այդ եզրահանգումն անհրաժեշտ է մեզ՝ առաջ շարժվելու համար»,- ասաց նա։

Ընդ որում Ռուստամյանն անընդունելի է համարում, որ պաշտոնական Անկարան Հայաստանի հետ հարաբերությունների առկայության ու խնդիրների բացակայության պատրանք է ստեղծել։

«Թուրքիան ուզում է աշխարհում այնպիսի տպավորություն ստեղծել, որ, իբրև, իրենք պայքարում են հարաբերություններ հաստատելու համար, բայց միաժամանակ չեն խոսում նախապայմաններից հրաժարվելու մասին, ինչը հարաբերությունների իրական փոփոխություն կնշանակեր։ Առայժմ դա չկա, և ստեղծված պատրանքից միայն ինքը՝ Թուրքիան է շահում»,- ասաց նա։   

Ռուստամյանը կարծում է, որ Թուրքիայի նախագահ Աբդուլա Գյուլին Երևան հրավիրելը պետք չէ այն տեսակետից դիտարկել, որ երկրների միջև խնդիրներ չկան. «ֆուտբոլը միասին դիտեցինք, և վերջ»։ 

«Մենք, մասնավորապես, կհիշեցնենք գոյություն ունեցող խնդիրների մասին ու կասենք, որ հարևանները միմյանց հետ վերջնագրի լեզվով չեն խոսում։ Եթե Թուրքիան իսկապես ուզում է նորմալացնել հարաբերությունները, ապա դրա համար գոյություն ունի հստակ ուղի՝ միջազգային նորմերի համաձայն, իսկ այժմ Թուրքիան ղեկավարվում է ԵՄ անդամակցության և ԱՄՆ ընտրությունների հետ կապված արդիական խնդիրներով»,- ասաց նա։  

ՀՅԴ ԳՄ ներկայացուցիչը նշեց, որ Թուրքիայի հետ երկխոսություն հաստատելուն դեմ հանդես չի գալիս, բայց ոչ թե առկա խնդիրները շրջանցելու, այլ դրանց լուծման համար որոշակի քայլեր սահմանելու միջոցով։

Այս առնչությամբ Ռուստամյանն ասաց, որ ՀՀ նախկին նախագահ Ռոբերտ Քոչարյանը հայ-թուրքական հարաբերությունների կարգավորումն ու ցեղասպանության խնդիրն առանձնացնում էր ոչ թե պատմաբանների, այլ միջկառավարական հանձնաժողովի ստեղծման համատեքստում։  

ՀՀ նախագահ Սերժ Սարգսյանը հունիսն հայտարարեց, որ Հայաստանի հանրապետությունը կողմ է հանդես գալիս Թուրքիայի հետ դիվանագիտական հարաբերությունների հաստատմանն ու առանց որևէ նախապայմանի սահմանների բացմանը։ Այս կապակցությամբ Թուրքիայի նախագահ Աբդուլա Գյուլին նա հրավիրել է Երևան՝ ֆուտբոլի աշխարհի առաջնության ընտրական փուլի շրջանակներում սեպտեմբերի 6-ին երկու երկրների ֆուտբոլի հավաքականների հանդիպումը միասին դիտելու համար։.—0--

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։