480.22
-0.22
536.12
+0.67
8.04
-0.02
+14
Եղանակը Երևանում
Հայ
ՀՀ վարչապետը կոչ է արել հայ երիտասարդությանը վարել հայամետ, այլ ոչ թե հակաթուրքական քաղաքականություն
13:29
21 Հուլիսի 2008

ՀՀ վարչապետ Տիգրան Սարգսյանը կոչ է արել հայ երիտասարդներին իրենց մեջ զարգացնել հայամետ, այլ ոչ թե հակաթուրքական մտածելակերպ։

«Հակաթուրքական քաղաքականությունը վտանգավոր է մեզ համար, քանի որ սահմանափակում է մեր մտածելակեպը։ Մենք պետք է մտածենք հանուն հայերի և Հայաստանի», - շաբաթ օրը Ծաղկաձորում ասել է Սարգսյանը՝ «Դեպի Հայք» հիմնադրամի հայկական սփյուռքի կամավորների հետ հանդիպման ժամանակ։

Հիմնադրամի կամավորները գտնվում են «Տիրամայր Հայաստանի» ճամբարում, որտեղ այժմ հանգստանում է Լոռու և Շիրակի մարզի, ինչպես նաև հայաբնակ Ջավախք (Վրաստան) տարածաշրջանի  անապահով ընտանիքների 198 երեխա։

Միաժամանակ ՀՀ կառավարության ղեկավարն ավելացրել է, որ սփյուռքի շատ հայերի մոտ հարց է ծագում, թե ինչու են հանրապետության քաղաքացիները ձեռք բերում թուրքական արտադրության ապրանքներ և չի անցկացվում հակաթուրքական քաղաքականություն։

«Դուք պետք է մտածեք հանուն հայ ժողովրդի և Հայաստանի, այլ ոչ թե թուրքերին դեմ։ Պետք է մտածեք քրիստոնյավայել՝ հանուն, այլ ոչ թե հակառակ։ Մենք, որպես քրիստոնյա ազգ, պետք է սիրենք մեր թշնամիներին, չլցվենք ատելությամբ, այլ տոգորվենք սիրով», - ասել է Սարգսյանը։

Միաժամանակ վարչապետը չի համաձայնել այն հայտարարության հետ, որ Հայաստանն ավելի քիչ ջանքեր է գործադրում Հայոց ցեղասպանության ճանաչման համար, քան Սփյուռքը։ Նրա գնահատմամբ՝ Հայաստանն իր հնարավորությունների շրջանակում վարում է Հայոց ցեղասպանության ճանաչման քաղաքականություն։

«Մենք շատ չլուծված խնդիրներ ունենք, և մեր հնարավորությունները մեծ չեն, սակայն մեր հնարավորությունների չափով մենք վարում ենք Հայոց ցեղասպանության ճանաչման քաղաքականություն», - ավելացրել է նա։

Հայոց մեծ եղեռնը 20-րդ դարի առաջին ցեղասպանությունն է, որը կազմակերպվել և ծրագրավորված իրագործվել է երիտթուրքական կառավարության կողմից, ինչի հետևանքով Օսմանյան կայսրության կազմի մեջ մտնող Արևմտյան Հայաստանում, սրի է քաշվել ավելի քան 1,5 մլն. հայ։

Մեկնաբանելով հայ քաղաքացիների կողմից թուրքական արտադրության ապրանքների ձեռքբերման մասին հարցը՝ Սարգսյանը նշել է, որ դա, ավելի շուտ, գաղափարական արժեքների խնդիր է, և յուրաքանչյուր քաղաքացի ինքն է որոշում, թե ինչ ապրանքներ է անհրաժեշտ գնել։

ՀՀ կառավարության ղեկավարն օրինակ է բերել ԱՄՆ-ն, որտեղ միջին վիճակագրության համաձայն՝ ամերիկացին ավելի շատ օգտագործում է ներկրված, քան սեփական արտադրության ապրանք՝ նույնիսկ չնկատելով դա։

«Նրանց համար ավելի կարևոր է ապրանքների որակը, այլ ոչ թե արտադրող երկիրը, քանի որ ժամանակի ընթացքում ավելի բարդ է դառնում որոշել արտադրող երկիրը՝ ապրանքաշրջանառության մշտապես արագացման պատճառով», - նշել է նա։

Ներկայումս Հայաստանի և Թուրքիայի միջև չկան դիվանագիտական հարաբերություններ: Պաշտոնական Երևանը հայտարարում է, որ պատրաստ է հարաբերություններ հաստատել Թուրքիայի հետ՝ առանց նախապայմանների։ --0-- 

Loading...
Թեմատիկ նյութեր
Բաժնի այլ նյութեր
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։