478.42
-0.15
561.67
-0.12
8.1
+0.05
+21
Եղանակը Երևանում
Հայ
Կոռուպցիոն հանցագործությունների հետաքննության նկատմամբ հսկողությունը Հայաստանում անհրաժեշտ է բարձրացնել. գլխավոր դատախազ
14:00
10 Հուլիսի 2008

ՀՀ գլխավոր դատախազ Աղվան Հովսեփյանը կարծում է, որ անհրաժեշտ է բարձրացնել կոռուպցիոն հանցագործությունների հետաքննության նկատմամբ դատախազական հսկողությունը։

Ինչպես «Նովոստի-Արմենիա» գործակալությանը տեղեկացրեց ՀՀ գլխավոր դատախազի մամուլի քարտուղար Սոնա Տռուզյանը, այս մասին Հովսեփյանը հայտարարել է կոռուպցիոն հանցագործությունների բացահայտման և կանխարգելման ուղղությամբ հետաքննության և նախաքննության մարմինների աշխատանքների նկատմամբ դատախազական հսկողության արդյունքներին ու բացթողումներին նվիրված խորհրդակցության ընթացքում։

«Հունիսի 7-ին Վանաձոր քաղաքում դատախազության կազմակերպած խորհրդակցությունից հետո նկատվում է կոռուպցիոն հանցագործությունների բացահայտման ուղղությամբ օպերատիվ-որոնողական, քննչական մարմինների աշխատանքների ակտիվացում, սակայն ձեռնարկվող միջոցառումները հեռու են բավարար լինելուց», - ասել է Հովսեփյանը։

«Յուրաքանչյուր հաղորդում, նյութ, դիմում-բողոք պետք է դառնա քննարկման առարկա և գտնվի դատախազական հսկողության ներքո»,- ավելացրել է գլխավոր դատախազը՝ ընդգծելով, որ օրենքով սահմանված կարգով պատշաճ քննարկման առարկա չդարձած յուրաքանչյուր հաղորդման համար պատասխանատվության է ենթարկվելու հսկողություն իրականացնող դատախազը:

Գլխավոր դատախազն ընդգծել է, որ կոռուպցիոն հանցագործությունների դեմ պայքարն առավել արդյունավետ դարձնելու նպատակով պետք է կոռուպցիոն երևույթների հավանականությունը բացառել հենց իրավապահ մարմիններում, ինչում առանցքային  է դատախազական պատշաճ հսկողությունը:

Կարևորելով դատախազական հսկողության արդյունավետության բարձրացումը՝ Հովսեփյանը հանձնարարել է կոնկրետ քրեական գործերով հսկողություն իրականացնելիս, ուսումնասիրություններ կատարելիս օրինախախտումներ, արարքի ոչ ճիշտ որակումներ արձանագրելու դեպքում հատուկ քննարկման առարկա դարձնել նպատակային դիտավորության,  շահագրգռվածության հավանականությունը և կայացնել համապատասխան որոշումներ:

Խորհրդակցության ընթացքում նշվել է, որ դատախազության կոլեգիայի քննարկման արդյունքները հաշվի առնելով՝ ստեղծվել է աշխատանքային խումբ՝ կայազորների զինվորական դատախազությունների գործունեությունը ստուգելու նպատակով:

Խորհրդակցությանը հրավիրվել էին ՀՀ դատախազության կառուցվածքային և տարածքային ստորաբաժանումները ղեկավարող դատախազները: Առավել ընդլայնված կազմով իրավապահ մյուս մարմինների ներկայացուցիչների մասնակցությամբ հաջորդ փնջային խորհրդակցությունը տեղի կունենա հուլիսի 25-ին Եղեգնաձորում:-0-  

Loading...
Թեմատիկ նյութեր
Բաժնի այլ նյութեր
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։