486.78
-0.64
574.01
+0.22
8.17
+0.03
+13
Եղանակը Երևանում
Հայ
Հայաստանը պատրաստ է Թուրքիայի հետ երկխոսության. նախագահ
15:17
09 Հուլիսի 2008

Հայաստանի և Թուրքիայի միջև վստահելի, նորմալ քաղաքական հարաբերությունների հաստատումը թույլ կտա հանգամանորեն քննարկել երկու կողմերին մտահոգող հարցերի համալիրը, ասել է ՀՀ նախագահ Սերժ Սարգսյանը Wall Street Journal-ին տված հարցազրույցում։

«Մենք չենք կարող զգալի առաջընթաց ակնկալել՝ առանց հարաբերությունների նման կառուցման։ Միայն այս կերպ մենք կարող ենք արդյունավետ երկխոսություն հաստատել՝ անդրադառնալով նույնիսկ պատմական ամենավիճահարույց հարցերին», - ասել է ՀՀ նախագահը։

Սարգսյանը նշել է, որ Թուրքիայի նախագահ Աբդուլա Գյուլն առաջիններից էր, ով շնորհավորեց իրեն՝ փետրվարին կայացած նախագահական ընտրություններում հաղթանակ տանելու կապակցությամբ։ Այս առնչությամբ նախագահը հիշեցրել է, որ Թուրքիայի վարչապետ Ռեջեպ Թայիպ Էրդողանը Գյուլի քայլը գնահատել է որպես «դուռ՝ նոր երկխոսության համար»։

«Այս պահի դրությամբ չկան իրական այլընտրանքներ՝ մեր երկրների միջև նորմալ հարաբերություններ հաստատելու համար, սակայն ես հուսով եմ, որ մեր կառավարությունները կկարողանան նոր դուռ բացել», - ասել է Սարգսյանը։

ՀՀ նախագահը նշել է, որ արդեն շատ հայեր և թուրքեր գտել են սահմանը շրջանցելու ուղին, մասնավորապես, նրանք օգտագործում են Երևանից Ստամբուլ և Անթալիա  կանոնավոր չարտերային չվերթերը։

Բացի այդ, նախագահի խոսքերով, կան շատ ավտոբուսներ և տաքսիներ, որոնք անցնում են Վրաստանի միջով, ինչպես նաև ՀՀ նախագահը նշել է, որ ստեղծվել է շրջանցիկ ճանապարհ՝ կոնտեյներների տեղափոխման համար, ինչը հնարավոր է դարձնում առևտուրը երկրների միջև։

«Երկխոսության ճանապարհին կարող են երկու կողմերից էլ քաղաքական արգելքներ առաջանալ, սակայն մենք պետք է մեր գործողություններում խիզախ և հեռատես լինենք։ Հայաստանը և Թուրքիան չեն կարող և չպետք է մշտական մրցակիցներ լինեն», - ասել է Սարգսյանը։

Նախագահի կարծիքով, Հայաստանի և Թուրքիայի համար առավել հեռանկարային և շահավետ ապագան, որին մենք կարող ենք և պետք է հասնենք, դեպի Եվրոպա արևելյան-արևմտյան միջանցքի բացումն է։

Հայաստանի և Թուրքիայի միջև չկան դիվանագիտական հարաբերություններ՝ Թուրքիայի կողմից առաջ քաշվող նախապայմանների պատճառով։ Թուրքիան երկկողմ հարաբերությունների հաստատաման համար առաջ է քաշում մի շարք նախապայմաններ, մասնավորապես, Հայաստանի կողմից Օսմանյան Թուրքիայում 1915թ.  իրագործված Եղեռնի ճանաչմանն ուղղված ջանքերից հրաժարվելը, ղարաբաղյան հիմնախնդրի լուծումը` հօգուտ Ադրբեջանի, ինչպես նաև Հայաստանի կողմից Թուրքիայի սահմանների ճանաչումը:

Անկարայի նախաձեռնությամբ, 1993թ.-ից փակ է հայ-թուրքական սահմանը, ինչի հետևանքով Հայաստանի տնտեսությանը տարեկան 500 մլն դոլարի վնաս է հասցվում։--0-- 

Loading...
Թեմատիկ նյութեր
Բաժնի այլ նյութեր
21:11
17 Նոյեմբերի 2017
Բրազիլիայի ԱԳ նախարարը վերահաստատել է ԼՂ հակամարտության կարգավորման հարցում ԵԱՀԿ ՄԽ–ի ջանքերին սատարելու իր երկրի դիրքորոշումը
ՀՀ նախագահ Սերժ Սարգսյաննընդունել է Բրազիլիայի Դաշնային Հանրապետության արտաքին գործերի նախարար Ալոիզիո Նունյես Ֆեռեյրային:
16:08
17 Նոյեմբերի 2017
Քաղաքագետ Սերգեյ Մինասյանը նշանակվել է Ռումինիայում Հայաստանի դեսպան
Հայաստանի նախագահի հրամանագրով հայտնի քաղաքագետ Սերգեյ Մինասյանը նշանակվել է Ռումինիայում Հայաստանի արտակարգ և լիազոր դեսպան։
20:58
16 Նոյեմբերի 2017
Հայտնի են Հայաստանի և Ադրբեջանի արտգործնախարարների հանդիպման ժամկետներն ու վայրը
Հայաստանի արտաքին գործերի նախարար Էդվարդ Նալբանդյանը կհանդիպի իր ադրբեջանցի գործընկեր Էլմար Մամեդյարովի հետ:
17:14
16 Նոյեմբերի 2017
ԵԽ-ն ընդունել է Արցախի ժողովրդի ինքնորոշման իրավունքը ճանաչող բանաձև. ադրբեջանական սադրանքը տապալվել է
Նախօրեին տեղի ունեցած Եվրոպական Խորհրդարանի լիագումար նիստում ձայների ճնշող մեծամասնությամբ ընդունվել է բանաձև:
20:39
15 Նոյեմբերի 2017
Խաչքարեր և ցուցահանդես. մեկնարկել է Սերժ Սարգսյանի այցը ՌԴ (ՖՈՏՈ)
Հայաստանի նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով այսօր ժամանել է Մոսկվա:
19:46
15 Նոյեմբերի 2017
Կարեն Կարապետյանը պահպանեց վարչապետի պաշտոնում իր վերընտրման վերաբերյալ ինտրիգը
Հայաստանի վարչապետը չորեքշաբթի պատասխանել է երկրի վարչապետի պաշտոնում իր թեկնածության առաջադրման մասին հարցին։
18:35
15 Նոյեմբերի 2017
Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները
С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։
17:26
14 Նոյեմբերի 2017
ՀՀ նախագահն աշխատանքային այցով կմեկնի ՌԴ
Սերժ Սարգսյանը կհանդիպի ՌԴ նախագահ Վլադիմիր Պուտինի հետ:
15:14
14 Նոյեմբերի 2017
Հայկական ԶԼՄ–ները` Լավրովի` Երևան և Բաքու սպասվելիք այցերի նպատակների մասին
Ռուսաստանի արտաքին գործերի նախարար Սերգեյ Լավրովը նոյմբերի 19–ին կայցելի Բաքու, իսկ նոյեմբերի 20–ին` Երևան։
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին: