487.29
-0.01
568.08
+2.76
8.23
+0.01
+9
Եղանակը Երևանում
Հայ
Հայաստանի մարդու իրավունքների պաշտպանը խորհրդարանական հանձնաժողովին առաջարկում է աշխատանքը սկսել մարտի 1-ի առավոտյան տեղի ունեցած դեպքերի ուսումնասիրությունից
10:59
04 Հուլիսի 2008

Հայաստանի մարդու իրավունքների պաշտպան Արմեն Հարությունյանը մարտի 1-2-ին Երևանում տեղի ունեցած իրադարձությունների ուսումնասիրության Ազգային ժողովի ժամանակավոր հանձնաժողովին առաջարկում է գործունեությունը սկսել մարտի 1-ի առավոտյան տեղի ունեցած դեպքերի ուսումնասիրությունից։

Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվել է տասը քաղաքացի և վիրավորվել 265-ը։

«Հայտնի իրադարձությունների օբյեկտիվ և համակողմանի ուսումնասիրությունը, ինչպես նաև դրանց հիմնապատճառների բացահայտումն անհնար են առանց մարտի 1-ի առավոտյան Ազատության հրապարակում քաղաքացիների հրապարակային միջոցառման դադարեցման իրավաչափության, այդ կապակցությամբ ոստիկանության գործողությունների օրինականության և գործադրված ուժի համաչափության պարզման: Այդ առումով, չափազանց կարևորում եմ, որպեսզի հանձնաժողովը, օգտվելով ՀՀ Ազգային ժողովի 16.06.2008թ. որոշմամբ սահմանված լիազորություններից, իր աշխատանքները սկսի հենց մարտի 1-ի առավոտվա իրադարձությունների համակողմանի ուսումնասիրությունից», - ասվում է ժամանակավոր հանձնաժողովի նախագահ Սամվել Նիկոյանին ուղղված մարդու իրավունքների պաշտպանի նամակում։

Նրա խոսքերով,  դա կարևոր է՝ նկատի ունենալով հիշատակված իրադարձությունների և հետագա զարգացումների միջև առկա պատճառահետևանքային կապը, ինչպես նաև այն, որ մարտի 1-ի առավոտը ողջ գործընթացի առավել չուսումնասիրված և իրավապահ մարմինների կողմից առավել չպարզաբանված հատվածն է:

«Կարծում եմ, որ հանձնաժողովի գործունեության արդյունքում պետք է պատասխան ստանան մասնավորապես այն հարցերը, թե երբ, ում կողմից և կայացված ինչպիսի որոշման հիման վրա են գործել իրավապահ մարմինների աշխատակիցները մարտի 1-ի առավոտյան», - ասվում է տեղեկատվության մեջ։  

Հայաստանի մարդու իրավունքների պաշտպանն իր հերթին պատրաստակամություն է հայտնել նպաստելու հանձնաժողովի գործունեությանը թե անհրաժեշտ հարցադրումների մշակման, և թե ակնկալվող պատասխանների արժանահավատության գնահատման առումով:  

Երևանում մարտի 1-2-ի դեպքերը և դրանց պատճառները հետաքննելու նպատակով հունիսի 16-ին որոշում է ընդունվել ժամանակավոր խորհրդարանական հանձնաժողով ստեղծելու մասին։ Ենթադրվում է, որ հանձնաժողովի կազմում 11 անդամ կներառվի՝ երկուական պատգամավոր խորհրդարանական խմբակցություններից և մեկ անկախ պատգամավոր, սակայն «Ժառանգություն» ընդդիմադիր խմբակցությունը չի ներկայացրել իր պատվիրակներին, իսկ հանձնաժողով ներկայացված անկախ պատգամավոր Լյովա Խաչատրյանը հրաժարվել է մասնակցել հանձնաժողովի աշխատանքներին։

Հանձնաժողովի աշխատանքին մասնակցում է նաև Հայաստանի մարդու իրավունքների պաշտպանը՝ խորհրդակցական ձայնի իրավունքով։-0-   

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։