484.45
-0.06
527.28
+8.56
8.65
+0.04
+9
Եղանակը Երևանում
Հայ
Հայաստանը մտադիր է առավելագույն կարճ ժամկետներում լուրջ առաջընթաց գրանցել կոռուպցիայի դեմ պայքարի հարցում. վարչապետ
13:56
02 Հուլիսի 2008

Հայաստանը մտադիր է առավելագույն կարճ ժամկետներում լուրջ առաջընթաց և փոփոխություններ գրանցել կոռուպցիայի դեմ պայքարի հարցում, հայտարարեց ՀՀ վարչապետ Տիգրան Սարգսյանը։

«Կոռուպցիան Հայաստանում ամենալուրջ խնդիրներից է, որը խոչընդոտում է երկրի բոլոր հասարակական զարգացումներին։ Համոզված եմ, որ եթե մենք կարողանանք միավորվել այս խնդիրների շուրջ, որոնք բարձրացրել է ՀՀ նախագահը՝ կոռուպցիայի դեմ պայքարի հարցում, ապա մեզ մոտ լուրջ առաջընթացներ կգրանցվեն», - ասաց Սարգսյանը չորեքշաբթի՝ Երևանում բացված առաջին հակակոռուպցիոն համաժողովի ընթացքում։

Վարչապետը նշեց, որ անցումային երկրների փորձը վկայում է այդ երևույթի հաղթահարման հնարավորության մասին։

«Բնական է, որ մի ակնթարթում մենք չենք կարող իրագործել բոլոր այդ նպատակները և փոխել բոլորի վարքագիծը, այդ ամենի համար ժամանակ և թափանցիկ ու բաց քննարկումներ են անհրաժեշտ, որոնք կնպաստեն համապատասխան մթնոլորտի ստեղծմանը»,- ասաց Սարգսյանը։

Վարչապետն ընդգծեց, որ Հայաստանը մեկ օրվա ընթացքում չի կարող հասնել Նոր Զելանդիայի, Սինգապուրի, Նորվեգիայի կամ Շվեդիայի մակարդակին, սակայն Երևանի համար միանգամայն ընդունելի է Բուլղարիայի և Ռումինիայի փորձը, որոնք կարողացան շատ կարճ ժամանակահատվածում հաղթահարել այդ հոգեբանական պատնեշը։

«Մենք կարծում ենք, որ հակակոռուպցիոն ծրագրի իրականացման երկրորդ փուլը կլինի հենց այդպես բեկումնային, երբ և հասարակությունը, և միջազգային կազմակերպությունները կկարողանան գնահատել Հայաստանի լուրջ տեղաշարժերը», - ասաց Սարգսյանը։

Նրա խոսքերով, ծրագրի իրականացման յուրահատկությունը կլինի այն, որ մոնիտորինգի բոլոր մեթոդները բաց կլինեն, իսկ հակակոռուպցիոն ծրագրի երկրորդ փուլի իրագործման մոնիտորինգը թափանցիկ կլինի։

«Դա հասարակությանը հնարավորություն կտա հետևել, թե որքանով են մեր խոսքն  ու գործը համընկնում։ Մենք լի ենք կոռուպցիան հաղթահարելու վճռականությամբ, և միջազգային կառույցների աջակցությունը դրան միայն կնպաստի», - ասաց Սարգսյանը։

Միաժամանակ վարչապետն ընդգծեց, որ Հայաստանը կարևորում է հակակոռուպցիոն ծրագրերը՝ ելնելով ոչ թե միջազգային պարտավորություններից, այլ տվյալ սոցիալական չարիքի լրջության խորը գիտակցումից, որը խոչընդոտում է երկրի ապագային։

«Մենք քննարկում ենք հակակոռուպցիոն ծրագիրը, քանի որ գիտակցում ենք այդ խնդրի առկայությունը և մենք կարող ենք լուծել այն. այսպիսին է Հայաստանի կառավարության սկզբունքային դիրքորոշումը, իսկ միջազգային կազմակերպություններն ընդամենը աջակցում են մեզ՝ դրա շուտափույթ իրականացման գործում», -  ասաց Սարգսյանը։

Հայաստանի կառավարությանն առընթեր Կոռուպցիայի դեմ պայքարի խորհուրդը այս տարվա հունիսի 26-ին քննարկել է Հակակոռուպցիոն ռազմավարության և դրա իրագործման ուղղությամբ միջոցառումների 2008-2012 թթ. ծրագրի նախագծին առնչվող հարցերը, ինչպես նաև կոռուպցիոն հանցագործությունների մոնիտորինգի ցուցանիշները։-0-  

Loading...
Թեմատիկ նյութեր

Բաժնի այլ նյութեր
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։