477.88
-0.42
573.6
-0.5
8.31
+0.05
+28
Եղանակը Երևանում
Հայ
Հայաստանը կարևորում է Գերմանիայի հետ համագործակցության խորացումը. ԱԳՆ
13:18
01 Հուլիսի 2008

Հայաստանը կարևորում է Գերմանիայի` Եվրոպական Միության հիմնադիր և առաջատար երկրներից մեկի հետ բազմաբովանդակ համագործակցության հետագա խորացումը և ամրապնդումը, Բեռլինում հայտարարել է ՀՀ արտգործնախարար Էդվարդ Նալբանդյանը։

Ինչպես երեքշաբթի «Նովոստի-Արմենիա» գործակալությանը տեղեկացրեցին ՀՀ արտգործնախարարության մամուլի և տեղեկատվության վարչությունից, Գերմանիայի փոխվարչապետ, արտաքին գործերի նախարար Ֆրանկ-Վալտեր Շտայնմայերի հետ նախօրեին տեղի ունեցած հանդիպման ընթացքում հայ նախարարը հայտարարել է, որ Հայաստանը կձեռնարկի անհրաժեշտ քայլեր` Գերմանիայի հետ փոխգործունեության խորացման ուղղությամբ։

Նա  գոhունակությամբ նշել է, որ Գերմանիան Հայաստանում երկրորդ խոշոր ներդրողը և հիմնական աջակից երկրներից մեկն է:

Վիճակագրական պաշտոնական տվյալների համաձայն, 2008 թ. առաջին եռամսյակում Գերմանիայից Հայաստան կատարած ներդրումների ծավալը կազմել է 6816,3 հազար դոլար՝ ավելանալով գրեթե երկու անգամ։

Հանդիպման ընթացքում Նալբանդյանն ու Շտայնմայերը նշել են, որ հայ-գերմանական հարաբերությունները ունեն ջերմ և բարեկամական բնույթ, երկու երկրների միջև հաստատված է բարձր մակարդակի քաղաքական երկխոսություն, արդյունավետորեն զարգանում է փոխգործակցությունը երկկողմ և բազմակողմ ձևաչափերով, ստեղծվել է լայն իրավա-պայմանագրային դաշտ, ընդլայնվում են գործարար կապերը:

Գերմանիայի ԱԳ նախարարի խնդրանքով, նախարար Նալբանդյանը ներկայացրել է ղարաբաղյան հիմնախնդրի կարգավորման բանակցություններում վերջին զարգացումները, ինչպես նաև հայ-թուրքական հարաբերությունների կարգավորման հնարավորությունները և այդ ուղղությամբ հայկական կողմից իրականացվող քայլերը:

Զրուցակիցները քննարկել են նաև մշակույթի և կրթության ոլորտներում համագործակցության սերտացման և համատեղ ծրագրերի իրականացման հնարավորություները: Այս համատեքստում Նալբանդյանն ասել է, որ Հայաստանում կարևորում են գերմանարերեն լեզվի ուսուցման ընդլայնումը և հայտնել է հայկական կողմի ակնկալիքը Երևանում Գյոթեի ինստիտուտի  ներկայացուցչության բացման վերաբերյալ:

Հայաստանի և Գերմանիայի արտգործնախարարներն անդրադարձել են տարածաշրջանում անվտանգության և  կայունությանն ամրապնդմանն առնչվող խնդիրներին:

Նույն օրը Նալբանդյանը հանդիպումներ է ունեցել վարչապետ Անգելա Մերկելի արտաքին քաղաքականության և անվտանգության հարցերով գլխավոր խորհրդական Քրիստոֆ Հոյսգենի, արտաքին գործերի պետքարտուղար Ռայնհարդ Զիլբերբերգի, Գերմանական ավետարանական եկեղեցու առաջորդ, եպիսկոպոս դր. Վոլֆգանգ Հյուբերի հետ, որոնց ընթացքում քննարկվել են երկկողմ հետաքրքրություն ներկայացնող հարցեր:

Երկուշաբթի երեկոյան նախարար Նալբանդյանը հանդիպել է Գերմանիայի հայկական կազմակերպությունների ներկայացուցիչների հետ: Նախարարը ներկայացրել է ԱԳՆ համակարգում Սփյուռքի կոմիտեի ստեղծման և այս տարվա հոկտեմբերից Սփյուռքի հարցերով նախարարության կազմավորման հետ կապված ակնկալիքները՝ ուղղված Հայաստան-Սփյուռք կապերի ամրապնդմանը:-0-  

Loading...
Թեմատիկ նյութեր
Բաժնի այլ նյութեր
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին: