485.25
-0.08
569.44
-2.72
8.18
-0.02
-3
Եղանակը Երևանում
Հայ
ՏՏ-տեխնոլոգիաների կիրառումը թույլ կտա 50 տոկոսով բարձրացնել Հայաստանի արդյունաբերության արդյունավետությունը
15:10
25 Հունիսի 2008

ԵՐԵՎԱՆ, 25 հունիսի. /Նովոստի-Արմենիա/. Հայ ձեռներեցների կողմից ՏՏ-տեխնոլոգիաների ներդրումը մոտ ժամանակներս թույլ կտա 50 տոկոսով բարձրացնել արդյունաբերության արդյունավետությունը, ասաց Հայաստանի ինֆորմացիոն տեխնոլոգիանների ձեռնարկությունների միության (UITE) գործադիր տնօրեն Կարեն Վարդանյանը։

Նրա խոսքերով, հենց այդ խնդրի լուծմանն է ուղղված հունիսի 26-27-ը DigiTec Business գործարար-ֆորումի կազմակերպումը։

Վարդանյանը նշեց, որ ֆորումի ժամանակ աշխատելու են խորհրդատուներ, որոնք ձեռներեցներին խորհրդատվություններ կտրամադրեն՝ համակարգչային ցանցերի նախագծման և տեղադրման, հաճախորդների և մադկային ռեսուրսների կառավարման, ընկերությունների և կառավարման համակարգերի դիագնոստիկայի բնագավառում։

Հայաստանում Microsoft-ի ներկայացուցչության տնօրեն Գրիգոր Բարսեղյանն իր հերթին նշեց, որ ՏՏ-տեխնոլոգիաների ներդրումն անհրաժեշտ է՝ միջազգային շուկայում երկրի մրցունակությանն աջակցելու համար։

«Լավագույն մասնագետներն իրենց ժամանակի գոնե կեսը ոչ արդյունավետ են անցկացնում՝ փաստաթղթեր փնտրելով, հարկային խնդիրներ լուծելով, ինչը կարելի է անել մի քանի րոպեի ընթացքում՝ օգտագործելով տեղեկատվական տեխնոլոգիաները», - ասաց Բարսեղյանը։

Նրա խոսքերով, Հայաստանում ՏՏ-ընկերությունների բավականին բարձր զարգացվածության առկայության դեպքում նրանց ծառայությունները հիմնականում ուղղված են արտասահմանյան ընկերությունների պատվերների կատարմանը։

«Իսկ մենք Microsoft-ի օրինակով ուզում ենք ցույց տալ, որ ՏՏ բնագավառում արվող ներդրումերը շատ արդյունավետ են և արագ վերադարձելի։ Microsoft-ը կոշտ մրցակցության պայմաններում երկար տարիներ մնում է համաշխարհային առաջատար՝ շնորհիվ այն բանի, որ յուրաքանչյուր տարի 10-15 մլրդ դոլար է ներդնում նոր մշակումների մեջ», - ասաց Բարսեղյանը։

Հունիսի 26-27-ը ծրագրված DigiTec Business գործարար-ֆորումի շրջանակներում կներակայցվեն բիզնեսում տեղեկատվական տեխնոլոգիաների կիրառման հնարավորությունները։

Ֆորումը կկրի փակ բնույթ, որի ընթացքում կանցկացվեն շնորհանդեսներ և կներկայացվեն առաջատար ընկերություններ, նրանց փորձը՝ տեղեկատվական տեխնոլոգիաների ներդրման բնագավառում։

Ծրագրվում է, որ գործարար-ֆորումին կմասնակցեն շուրջ 3 հազ. ձեռներեցներ և պետական գործիչներ։

Գործարար-ֆորումի շրջանակներում կանցկացվի նաև ցուցահանդես, որտեղ տեղեկատվական տեխնոլոգիաների բնագավառում գործող բազմաթիվ ընկերություններ իրենց լուծումները կներկայացնեն՝ բանկային և ֆինանսական հատվածի, հանքարդյունաբերության, փոքր և միջին բիզնեսի, զբոսաշրջության, առևտրի և պահեստավորման, շինարարության, տրանսպորտի, բեռնափոխադրման, բժշկության և դեղագործության համար։

DigiTec Business ֆորումի կազմակերպիչն է Ինֆորմացիոն տեխնոլոգիաների ձեռնարկությունների միությունը (UITE)՝ ՀՀ կառավարության, Հայաստանի գործատուների (արդյունաբերողների և գործարարների) հանրապետական միության, Հայաստանի բանկերի միության աջակցությամբ։

Ֆորումի տեղեկատվական հովանավորներն են ԱՄԻ «Նովոստի-Արմենիան», «ԱՌԿԱ» տեղեկատվական գործակալությունը, «Հայոց Աշխարհ», «Ազգ», «Կապիտալ», «Դելովոյ Էքսպրես», «Ռեսպուբլիկա Արմենիա» թերթերը, «Ար» և «Երկիր Մեդիա» հեռուստաընկերությունները, ինչպես նաև panorama.am և tert.am էլետրոնային հրատարակությունները։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։