486.95
+0.14
513.34
-3.7
8.4
-0.03
-9
Եղանակը Երևանում
Հայ
Հայաստանը չի զրկվի ԵԽԽՎ-ում ձայնի իրավունքից՝ մինչև Ասամբլեայի հունվարյան նստաշրջանը
11:32
25 Հունիսի 2008

ԵԽԽՎ մոնիտորինգի հանձնաժողովը առաջարկում է մինչև Ասամբլեայի հունվարյան նստաշրջանը Հայաստանին ժամանակ տրամադրել՝ ԵԽԽՎ 1609 բանաձևի պահանջները կատարելու համար։

ԵԽԽՎ ապրիլյան նստաշրջանում ընդունված 1609 բանաձևը Հայաստանի ներքաղաքական իրավիճակի արձագանքն էր, և բանաձևի պահանջները չկատարելու դեպքում Հայաստանին սպառնում էր զրկվել կազմակերպությունում ձայնի իրավունքից։

«Մոնիտորինգի հանձնաժողովը գիտակցում է, որ 1609 բանաձևի պահանջների կատարման համար Հայաստանին տրված ժամանակը կարճ էր, ուստի լրացուցիչ ժամանակ է տրվում դրա համար, քանի որ համարում է, որ Հայաստանը ճիշտ ուղու վրա է», - ասվում է Ժորժ Կոլոմբիեի և Ջոն Պրեսկոտի պատրաստած ԵԽԽՎ նոր բանաձևի նախագծում։ Նախագիծը կքննարկվի ԵԽԽՎ-ում չորեքշաբթի օրը։

Միաժամանակ բանաձևում նշվում է, որ եթե մինչև ԵԽԽՎ հունվարյան նստաշրջանը նոր և հին բանաձևերի պահանջները չկատարվեն, ապա հանձնաժողովը Վեհաժողովին կառաջարկի Հայաստանին զրկել ձայնի իրավունքից։

Ինչպես «Հայաստանի Հանրապետություն» պաշտոնաթերթին ասել է ԵԽԽՎ-ում հայկական պատվիրակության ղեկավար Դավիթ Հարությունյանը, ԵԽԽՎ-ն առաջ է քաշում մի շարք պահանջներ՝ «Ժողովներ, հանրահավաքներ, երթեր և ցուցեր անցկացնելու մասին» նոր օրենքի կիրառման վերաբերյալ։

Նրա խոսքերով, առանձնահատուկ ուշադրություն է դարձվում Երևանում մարտի 1-2-ի դեպքերը հետաքննող ԱԺ ժամանակավոր հանձնաժողովին և նրա աշխատանքներին։

Բանաձևում գոհունակություն է հայտնվում ժամանակավոր խորհրդարանական հանձնաժողովի ստեղծման համար, որը զբաղվելու է մարտի 1-ի դեպքերի հետաքննությամբ՝ դրական գնահատելով հանձնաժողովի աշխատանքներին ինչպես տարբեր քաղաքական ուժերի, այնպես էլ միջազգային փորձագետների ներգրավումը, սակայն ԵԽԽՎ համազեկուցողները կարծում են, որ հանձնաժողովի ձևաչափը «չի կարող ըստ էության երաշխավորել անկախություն և անաչառություն»։

Բանաձևում խոսվում է քաղաքական հայացքների համար հետապնդվող անձանց մասին։ Մասնավորապես, որոշակի առաջարկություններ կան, թե ինչպես մեղմել քաղաքական իրավիճակը՝ բռնի գործողություններ չիրականացրած անձանց նկատմամբ։ Առաջարկվում է նրանց ներում շնորհել կամ համաներման ակտով՝ ազատ արձակել։

Բանաձևում նաև կոչեր են ուղղված ընդդիմությանը, մասնավորապես, կոչ է արվում, որ ընդդիմությունն առավել ակտիվ աշխատի իշխանությունների հետ, որպեսզի ի կատար ածվեն Հայաստանի առջև դրված բարեփոխումները։

Առանձին անդրադարձ է կատարվում նաև հեռարձակման լիցենզիաների տրամադրմանը։ ԵԽԽՎ համազեկուցողները կոչ են անում, հաշվի առնելով Ա1+-ի վերաբերյալ եվրոպական դատարանի վերջին որոշումը, հատուկ ուշադրություն դարձնել նոր լիցենզիաների տրամադրման կարգին։

Մարդու իրավունքների եվրոպական դատարանը հունիսի 17-ին բավարարել է «Մելտեքս» ( «Ա1 +»-ի հիմնադիր - «Նովոստի-Արմենիա») ընկերության և նրա ղեկավար Մովսես Մովսիսյանի հայցն ընդդեմ Հայաստանի։ ՄԻԵԴ-ը համարել է, որ «Ա1+»-ին եթերից զրկելով՝ խախտվել է Մարդու իրավունքների կոնվենցիայի 10-րդ հոդվածը (խոսքի ազատություն) և երկրի կառավարությանը պարտավորեցրել է որպես փոխհատուցում վճարել 30 հազար եվրո։

Եվրոպայի խորհրդի խորհրդարանական վեհաժողովը ապրիլյան նստաշրջանի ժամանակ ընդունված 1609 –րդ բանաձևի շրջանակում կոչ է արել իրականացնել մարտի 1-ի իրադարձությունների անկախ քննություն։--0-- 

Loading...
Թեմատիկ նյութեր
Բաժնի այլ նյութեր
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։
21:05
12 Փետրվարի 2017
Հայաստանի ԱԳ նախարարը շնորհավորել է Շթայնմայերին
Հայաստանի արտաքին գործերի նախարար Էդվարդ Նալբանդյանը սրտանց շնորհավորել է Ֆրանկ Վալտեր Շթայնմայերին Գերմանիայի նախագահի պաշտոնում ընտրվելու կապակցությամբ:
20:58
12 Փետրվարի 2017
Ընտրվել է Գերմանիայի 12-րդ նախագահը
Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը: