482.36
-0.38
568.99
-1.66
8.19
-0.05
+7
Եղանակը Երևանում
Հայ
ՀՀ ԱԳ նախարարը հնչեցրել է ղարաբաղյան հակամարտության կարգավորման երեք հիմնական սկզբունքները
16:30
23 Հունիսի 2008

ԵՐԵՎԱՆ, 23 հունիսի./Նովոստի-Արմենիա/. ՀՀ ԱԳ նախարար Էդվարդ Նալբանդյանը հնչեցրել է ղարաբաղյան հակամարտության կարգավորման երեք հիմնական սկզբունքները։
  
«Հայաստանը կարծում է, որ ղարաբաղյան հակամարտության կարգավորումը պետք է հիմնվի հետևյալ սկզբունքների վրա՝ Լեռնային Ղարաբաղը չի կարող լինել Ադրբեջանի ենթակայության տակ, Ղարաբաղը պետք է անխափան ու հայկական կողմի իրավազորության տակ գտվող ցամաքային կապ ունենա Հայաստանի հետ, իսկ նրա  բնակչության անվտանգությունը պետք է երաշխավորված լինի»,- ղարաբաղյան հակամարտության խնդրի կարգավորման կապակցությամբ հայկական կողմի սկզբունքների վերաբերյալ Նալբանդյանի մեկնաբանությունները «Նովոստի-Արմենիային» մեջբերեցին ՀՀ ԱԳՆ մամուլի ծառայությունից։

Նախարարը նշել է, որ Լեռնային Ղարաբաղի հակամարտության արդար և խաղաղ կարգավորման հարցը առանցքային նշանակություն ունի Հայաստանի արտաքին քաղաքականության համար։ «Հակամարտության հիմքում ԼՂ ժողովրդի ինքնորոշման իրավունքի ճանաչման և իրականացման հարցն է»,- ասաց նա։

«Այս սկզբունքների ընդունումն ու պայմանագրային ամրագրումը հնարավորություն կընձեռեն վերացնել հակամարտության հետևանքները։ Այս ուղղությամբ ձեռք բերված պայմանավորվածությունները, բնականաբար, պետք է ղարաբաղյան կողմի հավանությունը ստանան»,- կարծում է ՀՀ ԱԳ նախարարը։

Նալբանդյանը նշել է, որ Հայաստանը հետամուտ է խնդրի կարգավորմանը միայն խաղաղ ճանապարհով և կարևորում է վստահության մթնոլորտի հաստատումը` բանակցությունները կառուցողական ուղով շարունակելու համար։ «Կողմերը պետք է զերծ մնան որևէ քայլերից, որոնք կարող են հավելյալ լարվածություն և խոչընդոտներ ստեղծել խաղաղ գործընթացի ճանապարհին»,- ասաց նա։

Հայաստանի արտաքին քաղաքական գերատեսչության ղեկավարը ավելացրել է, որ Ադրբեջանական կողմից ամենաբարձր մակարդակով ռազմատենչ քարոզչությունը և սպառնալիքները հիմնախնդրի հնարավոր ռազմական լուծման վերաբերյալ հակասում են ՄԱԿ-ի կանոնադրության և ԵԱՀԿ հիմնարար փաստաթղթին`եզրափակիչ ակտին, միջազգային իրավունքի հիմնարար սկզբունքներին։
 
«Ռազմական ճանապարհով հակամարտության կարգավորման ցանկացած փորձ կարող է անկանխատեսելի հետևանքներ ունենալ ոչ միայն հակամարտության կողմերի, այլև ողջ տարածաշրջանի համար»,- ընդգծել է Նալբանդյանը։

ՀՀ ԱԳ նախարարն ընդգծել է, որ Լեռնային Ղարաբաղի հիմնախնդրի կարգավորման շուրջ բանակցությունները տարվում են ԵԱՀԿ Մինսկի խմբի շրջանակներում, և Հայաստանը կարևորում է ղարաբաղյան հակամարտության կարգավորման գործընթացում ԵԱՀԿ Մինսկի խմբի համանախագահների միջնորդությունը` որպես բանակցային գործընթացի գործուն ձևաչափ:
 
«Ներգրավված լինելով ԵԱՀԿ Մինսկի խմբի բանակցային գործընթացում` Ադրբեջանը զուգահեռաբար փորձում է ղարաբաղյան հիմնախնդրի կարգավորումը տեղափոխել այլ միջազգային ատյաններ, շարունակում է միջազգային կազմակերպություններում հակամարտության էության խեղաթյուրումը և Հայաստանի դեմ ուղղված քարոզչությունը: Դա զգալիորեն խոչընդոտել և խոչընդոտում է հիմնախնդրի կարգավորմանը»,- ասել է Նալբանդյանը:

Նա ընդգծել է, որ Հայաստանը հաստատակամ է շարունակելու բանակցությունները ԵԱՀԿ Մինսկի խմբի շրջանակներում` ԼՂ հիմնախնդրի վերջնական կարգավորմանը հասնելու նպատակով:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։