482.13
-0.46
538.83
-4.47
8.55
+0.02
+18
Եղանակը Երևանում
Հայ
Հայաստանում կստեղծվի առաջին դպրոցական թաղամասը
17:52
19 Հունիսի 2008

Երևանում «Այբ» կրթական հիմնադրամի շրջանակներում կստեղծվի առաջին դպրոցական թաղամասը Հայաստանում, հինգշաբթի ՀՀ վարչապետ Տիգրան Սարգսյանի հետ հանդիպմանը հայտնեց Հիմնադրամի գործադիր տնօրեն, նույնանուն ակումբի անդամ, քահանա Մեսրոպ Արամյանը։

«Կրթօջախի ստեղծումը կարևորագույն ծրագիր է։ Սա Հայաստանում առաջին դպրոցական թաղամասն է բոլոր առանցքային բաղադիչներով՝ դպրոցով, եկեղեցով, մարզահամալիրով, գեղարվեստական արվեստանոցներով, հանրակացարաններով։ Մեր նպատակy ոչ միայն 21-րդ դարին համապատասխան դպրոց ստեղծելն է, այլև նրա շուրջ կրթության անհրաժեշտությունը գիտակցող հասարակության կամ, այսպես ասած, սովորող համայնքի միկրոմոդել ձևավորելը»,- ասաց նա։

Դպրոցը նախատեսված է 800 հոգու համար և կունենա ուսուցման եռաստիճան համակարգ՝ նախակրթարան, միջին և ավագ դպրոց։

Մեսրոպ Արամյանը նկատեց, որ այս ծրագիրը կարող է տարբեր դպրոցներում կիրառելի եղանակ դառնալ։

 «Մենք օրինակելի կրթական միջավայր են ստեղծում կրթված սերունդ դաստիարակելու համար»,- ասաց նա։

Վարչապետ Տիգրան Սարգսյանն իր հերթին ասաց, որ 21-րդ դարում հատկապես զգացվում է կրթության անհրաժեշտությունը։

«Կյանքն այնքան արագ է փոփոխվում, որ իմանալու առաքելությունը դառնում է կարևորագույն առաքելություններից մեկը մարդ արարածի համար, և չափազանց կարևոր է, որ այս նոր միջավայրում մենք կարողանանք այնպիսի մթնոլորտ և մշակույթ ձևավորել հասարակության մեջ, որ կրթությունը, գիտելիքը լինեն կարևորագույն արժեք»,- ասաց նա։

«Այբը»  հիմնադրվել է 2006թ.` մարդկանց կողմից, ովքեր սեփական ձեռքբերումները համարում են  կրթության արդյունք և կամենում են  միասնական ներդրմամբ ստեղծել  բարձրորակ կրթություն  ապահովող համակարգեր` հասարակությանը համախմբելով կրթության  զարգացման գաղափարի շուրջ, նպատակ ունենալով ստեղծել այնպիսի միջավայր, որտեղ կրթությունն ընկալվում է իբրև կարեւորագույն արժեք  և անհրաժեշտություն`  ամբողջ կյանքի ընթացքում:

«Այբ» կրթական հիմնադրամը  բազմաբնույթ գործունեություն է ծավալում կրթության ոլորտում` մշակելով կրթական բարեփոխումների ծրագրեր, նախագծելով եւ հիմնելով օրինակելի կրթական միջավայրեր, աջակցելով Հայաստանի շնորհաշատ երեխաներին: Շահինյանի անվան ֆիզիկամաթեմատիկական հատուկ դպրոցում Երևանում նախագծվել ու հիմնվել են ժամանակակից չափանիշներին համապատասխանող քիմիայի և ֆիզիկայի գիտական լաբորատորիաներ։ Հիմնադրամը նաև ֆիզիկա, քիմիա, անգլերեն և հայերեն առարկաները խորացնելու դասընթացներ է անցկացնում։-0-

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։