478.3
+0.07
574.1
-0.3
8.31
+0.05
+30
Եղանակը Երևանում
Հայ
Հայաստանի և Ադրբեջանի նախագահների հանդիպումը ղարաբաղյան հարցում ճեղքում չապահովեց. Մարկեդոնով
11:57
11 Հունիսի 2008

ԵՐԵՎԱՆ, 11 հունիսի. /Նովոստի-Արմենիա/.  Հայաստանի և Ադրբեջանի նախագահների հանդիպումը ղարաբաղյան հակամարտության կարգավորման մեջ  որևէ ճեղքում կամ լուրջ տեղաշարժ չառաջացրեց, Մոսկվա-Երևան-Բաքու հեռուստակամրջի ընթացքում չորեքշաբթի հայտարարեց Քաղաքական և ռազմական վերլուծության ինստիտուտի ազգամիջյան հարաբերությունների բաժնի ղեկավար, քաղաքագետ Սերգեյ Մարկեդոնովը։

Հունիսի 6-ին Սանկտ-Պետերբուրգում տեղի է ունեցել Հայաստանի և Ադրբեջանի նախագահներ Սերժ Սարգսյանի և Իլհամ Ալիևի առաջին հանդիպումը, որի հիմնական ձեռքբերումը եղավ ԵԱՀԿ Մինսկի խմբի շրջանակներում մադրիդյան սկզբունքների հիման վրա բանակցությունները շարունակելու մասին որոշումը։

Ինչպես նշեց Մարկեդոնովը, գոյություն ուներ հանդիպման նկատմամբ երկու հիմնական մոտեցում. մեկը կարելի է անվանել լրագրողական, որը կարևորում էր հանդիպումը՝ տեղեկատվական առիթի տեսակետից։

«Նախագահները հանդիպել են, նշանակում է՝ սկսվում է լավատեսության պոռթկում, նշանակում է՝ եթե ոչ վաղը, ապա մյուս օրը հակամարտությունը կլուծվի, ճեղքում  կլինի», - ասաց Մարկեդոնովը։

Երկրորդ մոտեցումը, քաղաքագետի խոսքերով, կարելի է անվանել քաղաքագիտական, փորձագիտական, որը դիտարկում է համատեքստը։

«Խոսելով համատեքստի մասին՝ ես չէի ասի, որ այն առաջացրեց որևէ ճեղքում կամ լուրջ տեղաշարժ», - ասաց Մարկեդոնովը։

Նա նշեց, որ ՀՀ նախագահին չի կարելի նորեկ անվանել ղարաբաղյան խնդրում կամ քաղաքականության մեջ, քանի որ նա իր կարիերան սկսել է Ղարաբաղում՝ սկսելով կուսակցական ժամանակներից, գլխավորել է Ղարաբաղի զինված ուժերը, եղել է ՀՀ պաշտպանության նախարար։

«Մարդը հիանալի գիտի ղարաբաղյան մասը և այնքան էլ լուրջ չէ ասել, թե նա նորեկ է, նա հոյակապ գիտի իրավիճակը», - նշեց Մարկեդոնովը։

Խոսելով այդ հանդիպման վերաբերյալ կողմերի սեփական և ռազմաքաղաքական համատեքստերի մասին՝ քաղաքագետը նշեց, որ վերջին տարվա ընթացքում կարելի է լուրջ հետընթաց փաստել խաղաղ կարգավորման ճանապարհին։

«2007 թ.-ին հրադադարի գծում փոխհրաձգությունների և բախումների թիվը երեք անգամ ավելի մեծ էր, զոհերն ավելի շատ էին, քան 2006 թ.-ին։ Իսկ մարտի 4-5-ին գրանցվել էր 1994 թ. մայիսին հրադադարի ռեժիմ հաստատելու պահից 14 տարվա ընթացքում ամենալուրջ ռազմական բախումը», - ասաց Մարկեդոնովը։

Միաժամանակ նա նշեց շատ լուրջ ռազմատենչ հռետորականության առկայությունը՝ մեծամասամբ Ադրբեջանի կողմից, որն իրեն դիտարկում է որպես պարտված կողմ։

«Գլխավոր արդյունքն այն է, որ հանդիպումը տեղի է ունեցել, ավելի լավ է հանդիպել և խոսել, դա ամենադրական արդյունքն է, սակայն որևէ ճեղքման մասին խոսել չի կարելի, քանի որ կողմերը ելնում են ոչ միայն իրավիճակի տարբեր գնահատականներից, այլև բուն հակամարտության փիլիսոփայությունից», - ասաց Մարկեդոնովը։

Մասնավորապես, նրա խոսքերով, եթե Ադրբեջանի համար խոսքն «ագրեսիայի» մասին է և որոշիչ է Հայաստանի փաստը, ապա հայկական կողմի համար խոսքը Լեռնային Ղարաբաղի ինքնորոշման մասին է, որտեղ Հայաստանը պարզապես  օգնում և երաշխավորում է այդ ինքնորոշումը։

«Ես չեմ տեսնում գոնե 2-3 կետ, որտեղ կողմերը պատրաստ կլինեին փոխզիջումների։ Պարզապես տարբեր է հակամարտության փիլիսոփայությունն ու պատկերը, պարզապես հանդիպման ժամանակ այդ մասին ևս մեկ անգամ խոսվեց և դա արձանագրվեց», - ասաց Մարկեդոնովը։

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: