486.32
+0.4
519.1
+4.61
8.21
+0.05
-1
Եղանակը Երևանում
Հայ
ՀՀ նախագահը մտավորականության հետ քննարկել է Հանրային խորհրդի ձևավորման գործընացը
18:27
09 Հունիսի 2008

ԵՐԵՎԱՆ, 9 հունիսի./Նովոստի-Արմենիա/. ՀՀ նախագահ Սերժ Սարգսյանը երկուշաբթի մի խումբ ճանաչված մտավորականների ու հասարակական գործիչների հետ քննարկել է Հանրային խորհրդի ձևավորման գործընթացը, «Նովոստի-Արմենիային» տեղեկացրեցին նախագահի լրատվական ծառայությունից:

«Ես  բազմիցս ասել եմ, և հիմա էլ այն համոզմունքին եմ, որ մենք պարտավոր ենք համախմբել մեր հասարակության բոլոր ուժերին, որպեսզի կարողանանք նրանց ջանքերն ուղղել մեր երկրի առջև ծառացած խնդիրների լուծմանը, իսկ որ այդպիսի խնդիրները բազմաթիվ են, կարծում եմ, որևէ մեկը չի կասկածում»,- ասաց Սարգսյանը։

Պետության ղեկավարն ասաց, որ անկեղծորեն հավատում է համախմբմանը։ «Բոլոր երկրներում էլ այս խնդիրը կա, գոյություն ունի, որովհետև որևէ մի ընտրության ժամանակ հարյուր  տոկոս քվե որևէ կուսակցություն, կամ որևէ անհատ չի ստանում, և բնականաբար, հասարակության մեջ մնում են ուժեր, մնում են անհատներ, ովքեր նախ դժգոհ են լինում, և երկրորդ` չեն կարևորում ուրիշների հետ միասին լծվել երկրի առջև ծառացած խնդիրներին»,- ասաց պետության ղեկավարը։
 
Նրա խոսքով, ճիշտ չէ այն պնդումը, թե խորհրդարանի առկայության դեպքում, Հանրային խորհուրդը պետք չէ:

«Ես կարծում եմ, որ մենք պիտք է կարողանանք հասնել նրան, որ հանրությունը, մարդիկ, անհատները ֆորմալ և ոչ ֆորմալ ձևաչափերով կարողանան մասնակցել իրենց հուզող հարցերի քննարկմանը, մասնակցել այն գործընթացներին, որոնք անհրաժեշտ են երկիրն առաջ մղելու համար»,- նշեց նախագահը:

Սերժ Սարգսյանը որոշակի ոգևորվածություն է ապրել այն հանգամանքից, որ Հանրային խորհուրդ ստեղծելու մասին իր առաջարկը մեծ արձագանք է ստացել, նույնիսկ կանոնադրությունների նախագծեր թեկնածուներ են առաջադրվել։ «Բայց կարծում եմ, այստեղ մենք պետք է չշտապենք և կարծում եմ, դուք ձեր հեղինակությամբ կարող եք այնպես անել, որպեսզի այս Խորհրդի ձևավորումը չդառնա մի չինովնիկական գործընթաց»,- ասաց նախագահը:

Նա ներկաներին խնդրել է օգտագործել իրենց հեղինակությունը և գիտելիքները, հուշել, թե ինչպես պետք է ձևավորել Հանրային խորհուրդը, որպեսզի այն չդառնա հերթական մի միջոցառում, որպեսզի այն  չդառնա պետական հիմնարկի նմանվող կառույց, որպեսզի, իրոք, այդտեղ քննարկումներ լինեն, անկեղծ քննարկումներ, որպեսզի այդտեղ գաղափարներ ծնվեն, որպեսզի դա դառնա մի լրացուցիչ խողովակ` իրավիճակը պատկերացնելու և միջոցներ ձեռնարկելու համար:

Հանդիպման մասնակիցները շահագրգիռ քննարկման ընթացքում ներկայացրել են ստեղծվելիք հասարակական մարմնի գործունեության, աշխատանքների կազմակերպման վերաբերյալ իրենց նկատառումներն ու տեսակետները:

Նրանք ողջունել են նախագահի նախաձեռնությունը և Հանրային խորհուրդը դիտել բաց և կառուցողական երկխոսության, հանրության խնդիրներն իշխանության ամենաբարձր մարմիններին հասցնելու մեխանիզմ:

 Ներկաները համակարծիք են եղել, որ Հանրային խորհուրդը պետք է իր մեջ ներառի հասարակության ամենալայն շերտերը, դառնա առաջարկների, գաղափարների գեներացման տեղ, լինի մի ամբիոն, հրապարակ, որը հնարավորություն է տալու վեր հանել կարծիքներ, քննարկել հասարակությանը հուզող հարցերը, տալ առաջարկություններ:

Հանրապետության նախագահը նման քննարկումն իր համար օգտակար է համարել, և պայմանավորվածություն է ձեռք բերվել գործընթացը շարունակել:

Հայաստանի Հանրային խորհրդի իրավասությունների մեջ են մտնելու բոլոր պետական կարևորություն ներկայացնող հարցերի քննարկումը, օրենքների,  ենթաօրենսդրական ակտերի, երկրի նախագահի հրամանագրերի վերլուծությունը։ Խրոհրդի որոշումները կրելու են խորհրդատվական բնույթ։

Հայաստանի խորհրդարանում առաջիկայում Հասարակական խորհուրդը ձևավորելու աշխատանքային խումբ կստեղծվի, որի կազմում կընդգրկվեն խորհրդարանական և արտախորհրդարանական ուժերի, հասարակական կազմակերպությունների ներկայացուցիչներ, վերջին նախագահական ընտրություններին մասնակցած երկրի ղեկավարի պաշտոնի թեկնածուներ, մշակույթի, գիտության, սպորտի ներկայացուցիչներ։--0—

Loading...
Թեմատիկ նյութեր
Բաժնի այլ նյութեր
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։