478.85
+0.03
558.1
+0.51
7.99
-0.15
+22
Եղանակը Երևանում
Հայ
Երևանում և Բաքվում կառուցողական են համարում Սանկտ-Պետերբուրգում կայացած Սարգսյան-Ալիև հանդիպումը
16:19
06 Հունիսի 2008

Սանկտ-Պետերբուրգում ավարտվել է Հայաստանի և Ադրբեջանի նախագահներ Սերժ Սարգսյանի և Իլհամ Ալիևի առաջին հանդիպումը, ուրբաթ հայտնում է Հայաստանի հանրային հեռուստաընկերությունը։

Հանդիպման ավարտին երկու երկրների արտգործնախարարներ Էդվարդ Նալբանդյանն ու Էլմար Մամեդյարովը երկու նախագահների հանդիպումը գնահատել են որպես կառուցողական՝ թեև այն ճանաչողական բնույթ ուներ։

Հայաստանի արտաքին գործերի նախարարի խոսքերով, նախագահները ծանոթացել եմ ղարաբաղյան հակամարտության վերաբերյալ կողմերի դիրքորոշումներին և արտգործնախարարներին հանձնարարել են շարունակել բանակցությունները ԵԱՀԿ Մինսկի խմբի շրջանակներում։

Մամեդյարովն իր հերթին տեղեկացրեց, որ Մինսկի խմբի համանախագահներն առաջիկայում կայցելեն տարածաշրջան։ «Մենք պետք է մտածենք, թե ինչպես  մոտեցնենք կողմերի դիրքորոշումները»,- ասաց Մամեդյարովը՝ ավելացնելով, որ այցի ժամկետները ճշտվում է։

Դրա հետ մեկտեղ երկու երկրների արտգործնախարարները նշեցին, որ մադրիդյան առաջարկությունները հանդիպանը չեն քննարկվել, քանի որ այդ առաջարկությունների վերաբերյալ կողմերը հավելյալ քննարկման կարիք ունեցող   մոտեցումներ ունեն։

2007 թվականի նոյեմբերին ԵԱՀԿ Մինսկի խմբի համանախագահները Մադրիդում քննարկման են ներկայացրել Հայաստանի և Ադրբեջանի նախագահների՝ ղարաբաղյան հակամարտության խաղաղ կարգավորման բազային սկզբունքները։ Համանախագահները «մադրիդյան առաջարկությունը» արդարացի ու հավասարակշռված են համարում։

Պատասխանելով այն հարցին, թե արդյո՞ք ադրբեջանական կողմը հրաժարվում է ղարաբաղյան հիմնախնդրի քննարկումը այլ միջազգային ատյաններ տեղափոխելու նախաձեռնությունից և բանակցային գործընթացի ապագան տեսնում է ԵԱՀԿ ձևաչափում, Մամեդյարովը նշեց, որ Մինսկի ձևաչափը գոյություն ունի և շարունակություն է ունենալու։

Նալբանդյանն իր հերթին ավելացրեց, որ բանակցային գործընթացը շարունակվում  է, և Սարգսյանի ու Ալիևի առաջին հանդիպումը չի նշանակում, թե գործընթացը  զրոյից է սկսվում։

ԵԱՀԿ Մինսկի խմբի համանախագահներն, իրենց հերթին, նույնպես դրական գնահատեցին երկու նախագահների առաջին բանակցությունները։

Մինսկի խմբի ամերիկացի համանախագահ Մեթյու Բրայզան հանդիպումը հաջողված և ճանաչողական համարեց՝ ընդգծելով բանակցային գործընթացը շարունակելու՝ կողմերի պատրաստակամությունը։

Համանախագահները նշեցին, որ պատրաստ են ուշադրությամբ լսել կողմերի ցանկացած առաջակ, որպեսզի ավարտին հասցնեն բանակցային սեղանին դրված առաջարկությունները և այն մոտեցնեն կողմերի դիրքորոշումներին։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: