478.57
+0.37
561.79
+1.96
8.05
+0.02
+24
Եղանակը Երևանում
Հայ
Հայաստանի նախագահական ընտրությունների վերաբերյալ ԱՄՆ Պետդեպարտամենտի զեկույցում միակողմանի գնահատական է տրվում. պատգամավոր
15:31
06 Հունիսի 2008

ԵՐԵՎԱՆ, 6 հունիսի./Նովոստի-Արմենիա/. Հայաստանի նախագահական ընտրությունների վերաբերյալ մայիսին հրապարակված ԱՄՆ Պետդեպարտամենտի զեկույցում երկրի ընտրական գործընթացներին միակողմանի գնահատական է տրվում, կարծում է իշխող ՀՀԿ Խորհրդի անդամ, ՀՀ ԱԺ պատգամավոր Արմեն Աշոտյանը։

ԱՄՆ Պետդեպարտամենտի զեկույցի համաձայն, Հայաստանի նախագահական ընտրություններն անցել են թերություններով, ինչում մեծ դեր է խաղացել իշխանության կողմից նախագահի թեկնածուի շահավետ դիրքը, ձայները գնելը, կրկնակի քվեարկությունը, ընտրողներին վախեցնելը, ընդդիմությունից ընտրական հանձնաժողովների անդամների նկատմամբ բռնությունը։

«Հայաստանում հետընտրական գործընթացները նույնպես միակողմանի գնահատական են ստացել, ինչը փաստաթղթի ընթերցողներին հնարավորություն չի տալիս հասկանալ, թե ինչպիսի հակասական զարգացումներ են տեղի ունեցել հանրապետությունում»,- ասաց Աշոտյանը ուրբաթ Երևանում՝ «Նովոստի» միջազգային մամուլի կենտրոնում։

ՀՀ նախագահական ընտրությունների արդյունքներից դժգոհ հայկական ընդդիմության կողմից փետրվարի 20-ից Երևանի կենտրոնում անցկացվող ցույցերը մարտի 1-2-ին վերածվել են անկարգությունների և իրավապահ մարմինների ներկայացուցիչների հետ բախումների։ Այս ամենի հետևանքով զոհվել է տասը քաղաքացի, շուրջ 265 մարդ ստացել են վնասվածքներ։ Հաշվի առնելով ստեղծված իրավիճակը՝ ՀՀ նախագահ Ռոբերտ Քոչարյանը մարտի 1-ին ստորագրել է հրամանագիր՝ մայրաքաղաքում 20 օր ժամկետով արտակարգ դրություն մտցնելու մասին։

Ինչպես նշեց Աշոտյանը, դրա պատճառն այն է, որ զեկույցում արտացոլվում է միայն հայկական ընդդիմության ներկայացուցիչների կողմից հնչեցվող կարծիքները, ինչը փաստաթուղթը զրկում է օբյեկտիվությունից։

Պատգամավորի խոսքով, զեկույցում «մեղմ ասած, հասկանալի չեն» Հայաստանի ընտրական գործընթացներին տրված գնահատականները, որոնք տարբերվում են եվրոպական կառույցները ներկայացնող դիտորդների գնահատականներից։

Աշոտյանը պարզաբանեց, որ Հայաստանի նախագահական ընտրությունների ժամանակ ԱՄՆ-ից դիտորդական առաքելություն էր իրականացնում Հայաստանում ԱՄՆ դեսպանատան աշխատակիցների մի փոքր խումբ, այն դեպքում, երբ եվրոպական կառույցները, մասնավորապես, ԵՄ-ն, Եվրախորհրդարանը, ԵԱՀԿ/ԺՀՄԻԳ-ը ներկայացված էին ավելի մեծ թվով և ներկայացուցչական կազմով։

«Եվ դրա ֆոնի վրա եվրոպական դիտորդների կողմից արված եզրակացությունները և արդյունքները որևէ կերպ չեն արտացոլվել զեկույցում, և փաստաթուղթն ընտրություններին բավականին սուբյեկտիվ և  միակողմանի գնահատական է տալիս, ինչը փոքրաթիվ դիտորդական առաքելության արդյունք է»,- ընդգծեց նա։

Բացի այդ, Աշոտյանի խոսքով, զեկույցում հաստատվում է, որ ԱՄՆ ներկայացուցիչները դիվանագիտական ճնշում են գործադրում ժողովրդավարական ինստիտուտների զարգացման վրա։

«Այսպիսով, Ամերիկայի իշխանությունները հաստատում են իրենց կողմից գործադրված ճնշման փաստը, և այն անվանում են դիվանագիտական։ Դա խորհելու առիթ է տալիս, և հայ հասարակությունը կարող է դրանից իր համար կարևոր հետևություններ անել»,- հայտարարեց նա։

ՀՀԿ խորհրդի անդամը նաև նշեց, որ զեկույցի տեքստում, բացի քննադատությունից, ընդգծվում է, որ ԱՄՆ իշխանությունները լայնամասշտաբ աշխատանք են կատարում՝ Հայաստանում ժողովրդավարական գործընթացները խթանելու նպատակով։

«Անհասկանալի է մնում, թե ինչու է Հայաստանում այդքան վատ ժողովրդավարության վիճակը, ինչպես մատնանշվում է զեկույցում, անգամ ԱՄՆ-ի կողմից երկրում ժողովրդավարական համակարգի կայացմանն ուղղված այդքան լայնածավալ աշխատանքներ իրականացնելու պայմաններում»,- ասաց նա։--0—

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: