478.51
-0.06
560.91
-1.27
8.03
+0.05
+19
Եղանակը Երևանում
Հայ
Ադբեջանի ռազմատենչ հռետորությունը կարելի է որպես շանտաժ գնահատել. Հայաստանի ԱԳ նախարար
11:49
04 Հունիսի 2008

Ադրբեջանի ռազմատենչ հռետորությունը որոշակի շանտաժ է, որը կարող է հսկողությունից դուրս բերել ղարաբաղյան հակամարտության կարգավորման բանակցությունները, կարծում է ՀՀ արտաքին գործերի նախարար Էդվարդ Նալբանդյանը։

«Ես չեմ հասկանում, թե ինչու է Ադրբեջանի ղեկավարությունն իրեն նման արտահայտություններ թույլ տալիս։ Նման ռազմատենչ հայտարարություններին պատասխանելը կնշանակի ավելի սրել իրավիճակը՝ հունիսի 6-ին երկու նախագահների կարևոր հանդիպման նախաշեմին»,- չորեքշաբթի ասաց Նալբանդյանը՝ մեկնաբանելով նախօրեին Ադրբեջանի պաշտպանության նախարարի արած հայտարարությունը։

Ադրբեջանի պաշտպանության նախարար Սաֆար Աբիևը երեկ ԵԱՀԿ Մինսկի խմբի ամերիկացի համանախագահի հետ հանդիպմանը նշել էր, որ եթե Հայաստանն առանց որևէ նախապայմանի կարճ ժամանակում դուրս չբերի իր զորքը «գրավյալ» տարածքներից, ապա իրավիճակը դուրս կգա հսկողությունից։

«Մենք բանակցությունների ենք գնում՝ հակամարտությունը կարգավորելու մտադրությամբ՝ հասկանալով, որ դա բխում է ինչպես հայ, այնպես էլ ադրբեջանցի ժողովուրդների շահերից»,- ասաց Հայաստանի արտաքին քաղաքական գերատեսչության ղեկավարը։

Նալբանդյանի կարծիքով, ղարաբաղյան հակամարտության կարգավորման բանակցությունների անցկացումը նշանակում է քաղաքական քարոզչության դադարեցում։ Նախարարն ընդգծեց, որ հակամարտության կարգավորումն անհնար է՝ հարևան Ադրբեջանում նման ռազմատենչ քարոզչության առկայության դեպքում։

Նալբանդյանը լրագրողներին հիշեցրեց 2001 թվականի իրավիճակը, երբ Քի-Ուեսթի բանակցություններից հետո երկրները մոտ էին հակամարտության կարգավորմանը։

«Սակայն դա տեղի չունեցավ, որովհետև Ադրբեջանը հայտարարեց, որ իր հասարակությունը պատրաստ չէ հակամարտության լուծմանը»,- ասաց նախարարը։

Նա նաև լրագրողների ուշադրությունը հրավիրեց այն փաստին, որ ադրբեջանցիների 29 տոկոսը, հարցումների համաձայն, ղարաբաղյան հակամարտության ռազմական ճանապարհով լուծման կողմնակից է, իսկ երկրի բնակչության 82 տոկոսը բացասաբար է գնահատում ԵԱՀԿ ՄԽ գործունեությունը։

«Սա ինձ համար անհասկանալի թիվ է։ Չգիտեմ որևէ երկիր, նույնիսկ պատերազմական իրավիճակում գտնվող, որտեղ ռազմական եղանակով հակամարտության կարգավորուման օգտին հանդես գա բնակչության այդքան մեծ տոկոսը։ Իսկ մեղադրել այն երկրներին, որոնք պատրաստ են օգնել հակամարտության կարգավորմանը, անհեթեթ է»,- նկատեց նալբանդյանը։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: