478.57
+0.37
561.79
+1.96
8.05
+0.02
+32
Եղանակը Երևանում
Հայ
«Միքայել Թարվերդիևի ճակատագրի 17 ակնթարթները» համերգը տեղի կունենա Հայաստանում և Ղարաբաղում
18:09
29 Մայիսի 2008

ԵՐԵՎԱՆ, 29 մայիսի. /Նովոստի-Արմենիա/. «Միքայել Թարվերդիևի ճակատագրի 17 ակնթարթները» համերգը տեղի կունենա Հայաստանում և Ղարաբաղում՝ մայիսի 29-ից հունիսի 3-ը, հայտարարեց խորհրդային մեծ կոմպոզիտորի կինը՝ Վերա Թարիվերդիևան։

Համերգի անվանումն առաջացել է խորհրդային ժամանակների երկու հայտնի «Գարնան 17 ակնթարթ» և «Ճակատագրի հեգնանքը» ֆիլմերի, որոնց երաժշտությունը գրել է Թարիվերդիևը, անվանումների ինքնատիպ միախառնումից։

«Մեզ համար սա պատմական պահ է, սա իմ ամուսնու նոր կյանքի սկիզբն է, հայրենիքի հետ նրա վերամիավորումը, որովհետև նա հայ է արյամբ, սակայն ճակատագիրը նրան նետել է պատմական հայրենիքից շատ հեռու»,- հինգշաբթի Երևանում մամուլի ասուլիսի ժամանակ ասաց Վերա Թարիվերդիևան։

Ընդ որում նա նշեց, որ Թարիվերդիևն ուզում էր ապրել ու գոյատևել Հայաստանում այնպես լիարժեք, ինչպես Ռուսաստանում ու Եվրոպայում։

Կոմպոզիտորի կինն ընդգծեց տվյալ համերգի անցկացման կարևորությունը, քանի որ Երևանում առաջին անգամ է այդպես մեծ ծավալով ներկայացվում Թարիվերդիևի ստեղծագործությունը։

Համերգի ծրագրում ընդգրկված են «Սիրում եմ» ստեղծագործությունը, «Սպասում» մոնոօպերան, «Յո՞ երթաս» ծրագիրը, Միքայել Թարիվերդիևի երգեհոնային ստեղծագործությունը, հայտնի երաժշտությունը հայտնի ֆիլմերից, «Մերիդիան» տրիոն։

Համերգին կմասնակցեն Իոսիֆ Կոբզոնը, Թամարա Գվերդցիտելին, Աննա Մայիլյանը, Տատյանա Կուինջին, Ալեքսեյ Գորիբոլը, Հայաստանի Երիտասարդական սիմֆոնիկ նվագախումբը, Միքայել Թարիվերդիևի անվան երգեհոնահարների միջազգային մրցույթի մրցանակակիրներ Եկատերինա Մելնիկովան (Ռուսաստան), Ժան-Պիեր Ստայվերսը (Նիդեռլանդներ), Հովհաննես Մանուկյանը (Հայաստան)։

Կոմպոզիտորի կինը շնորհակալություն հայտնեց Հայաստանի մշակույթի նախարարությանը՝ այս նախաձեռնությանը մասնակցելու ու աջակցելու, Թարիվերդիևի ստեղծագործությունը Հայաստանում ներկայացնելու հնարավորությունն ընձեռելու համար։

Հայաստանի կոմպոզիտորների միության նախագահ Ռոբերտ Ամիրխանյանն իր հերթին նշեց, որ հայ հասարակությունը բավականաչափ լիարժեք ծանոթ չէ Թարիվերդիևի բարձր արվեստին։

«Մեր հասարակությունը նրա երաժշտությանը ծանոթ է միայն խորհրդային ֆիլմերից, իսկ մենք կցանկանայինք ներկայացնել նրա ստեղծագործության ողջ ծավալը, քանի որ Թարիվերդիևի գործունեությունը չի սահմանափակվում միայն կինոնկարների երաժշտությամբ»,- ասաց նա։

Հայկական ծագումով ականավոր ռուս կոմպոզիտոր Միքայել Լևոնի Թարիվերդիևը ծնվել է 1931թ. օգոստոսի 15-ին՝ Թբիլիսիում։ 1957թ.-ին ավարտել է Գնեսինների անվան Պետական երաժշտական-մանկավարժական ինստիտուտի կոմպոզիցիայի բաժինը՝ Արամ Խաչատրյանի ղեկավարությամբ։

Կոմպոզիտոր Թարիվերդիևի դեբյուտը տեղի ունեցավ Մոսկվայի կոնսերվատորիայի Մեծ դահլիճում, որտեղ Զառա Դոլուխանովայի կատարմամբ հնչեցին նրա ռոմանսները։ Ընդհանուր առմամբ, Թարիվերդիևը գրել է շուրջ 100 ռոմանս։ Նրա «Ով ես դու» օպերան Բորիս Պոկրովսկու կամերային թատրոնի գեղագիտության հիմքը դրեց, իսկ հումորային «Գրաֆ Կալիոստրո» (1983) օպերան ավելի քան 20 տարի թատրոնի խաղացանկում ամենամեծ ժողովրդայնություն վայելողներից էր։

Բացի այդ, Թարիվերդիևը գրել է նաև այլ թատերական ներկայացումների երաժշտություններ։ Նա ստեղծել է «Սպասում» (1985) օպերան, «Աղջիկը և մահը» բալետը (բեմադրվել է 1987թ.-ին), «Չեռնոբիլ» սիմֆոնիան՝ երգեհոնի համար (1988)։
 
Միքայել Թարիվերդիևի հաջող համագործակցությունը կինեմատոգրաֆի հետ սկսվեց 1958թ.-ից, երբ էկրաններին հայտնվեց «Մեր հայրերի պատանեկությունը» ֆիլմը։ Ընդհանուր առմամբ, երգահանը գրել է շուրջ 130 ֆիլմերի, այդ թվում՝ «Գարնան 17 ակնթարթ», «Ճակատագրի հեգնանք կամ բաղնիքդ անուշ» (1976), «Իմ կրտսեր եղբայրը», «Մարդը գնում է արևի հետևից» (1961), «Ցտեսություն, տղաներ» (1964), «Սիրել» (1966), «Եղջերու-արքան» (1976), «Գործակալի սխալը»՝ Վ. Դորմանի ֆիլմաշարի, «Կորած արշավախումբ», «Ոսկե գետակ», «Էնհաուզի առեղծվածը» (1990), «Եվ վերադառնում է քամին» (1991), «Ռուսական ռեգթայմ» (1993), «Ամառային մարդիկ, ամառանոցներում հանգստացողները» (1995) ֆիլմերի երաժշտությունները։

Միքայել Թարիվերդիևը 1977թ.-ին «Ճակատագրի հեգնանք» ֆիլմի երաժշտության համար ստացել է ԽՍՀՄ Պետական մրցանակ, երեք անգամ եղել է «Նիկա» մրցանակի և  Լոս-Անջելեսի Երաժշտության միջազգային փառատոնի դափնեկիր։

Միքայել Թարիվերդիևը մահացել է 1996թ. հուլիսի 25-ին՝ Մոսկվայում։ 1997թ.-ին լույս է տեսել կոմպոզիտորի «Ես պարզապես ապրում եմ» գիրքը։--0—

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: