482.13
-0.46
538.83
-4.47
8.55
+0.02
+12
Եղանակը Երևանում
Հայ
Հայաստանում հիմնադրվելու է Վիկտոր Համբարձումյանի անվան միջազգային մրցանակ
12:58
29 Մայիսի 2008

ԵՐԵՎԱՆ, 28 մայիսի./Նովոստի-Արմենիա/. Աշխարհահռչակ աստղաֆիզիկոս Վիկտոր Համբարձումյանի 100-ամյա հոբելյանի տոնակատարությունների շրջանակներում Հայաստանում հիմնադրվելու է միջազգային մրցանակ, որը կրելու է հայտնի գիտնականի անունը, «Նովոստի-Արմենիային» տված հարցազրույցում հայտնեց ՀՀ ԳԱԱ Բյուրականի աստղադիտարանի տնօրեն Հայկ Հարությունյանը։

«Մրցանակը հանձնվելու է երկու տարին մեկ, ողջ աշխարհի հայտնի աստղաֆիզիկոսներին, որոնք այդ ժամանակամիջոցում աստղաֆիզիկայի բնագավառում նոր կամ հեղափոխական  հայտնագործություն են կատարել»,- ասաց Հարությունյանը։

Նա նշեց, որ աշխարհի տարբեր երկրներում մրցանակակիրներից այդ միջազգային մրցանակի հանձնումը ևս մեկ անգամ համաշխարհային հանրությանը կհիշեցնի հայտնի հայ գիտնական Վիկտոր Համբարձումյանի մասին։

Միաժամանակ, Հարությունյանը տեղեկացրեց, որ մրցանակի չափը զուտ խորհրդանշական է լինելու և կազմելու է շուրջ 10 հազար դոլար։

Ինչպես նշեց աստղադիտարանի տնօրենը, համաշխարհային հեղինակություն վայելող մեծ գիտնականի 100-ամյակի տոնակատարության շրջանակներում նախատեսվում է թողարկել ոսկե հոբելյանական հուշադրամ, վերանորոգել նրա գերեզմանոցը, որը գտնվում է Բյուրականի աստղադիտարանի տարածքում։

«Հոբելյանին նվիրված հիմնական միջոցառումներն անցկացվելու են սեպտեմբերի 18-ին և նվիրվելու են Համբարձումյանի ծննդյան օրվան»,- ասաց Հարությունյանը։

Դրա հետ մեկտեղ, նա հաղորդեց, որ Հայաստանում մեծ գիտնականի 100-ամյակի տոնակատարությունների շրջանակում նախատեսվում է անցկացնել գիտաժողովներ, համաժողովներ, գործելու են աստղաֆիզիկայի դպրոցներ, ծրագրված է նաև հանդիսություններ անցկացնել Սանկտ-Պետերբուրգում, իսկ Մոսկվայում տեղի կունենա աստղագիտության և ընդհանուր ֆիզիկայի բաժնի նստաշրջանի նիստը։

ՅՈՒՆԵՍԿՕ-ն 2008 թվականը հայտարարել է հայ մեծ աստղաֆիզիկոս, ակադեմիկոս Վիկտոր Համբարձումյանի տարի։ Հայաստանում Վիկտոր Համբարձումյանի 100-ամյակը նշվելու է մեծ շուքով։

Մասնավորապես, աշնանը նախատեսվում է անցկացնել խոշոր միջազգային գիտաժողով՝ «Տիեզերական առարկաների ակտիվ երևույթները և էվոլյուցիան» խորագրով։

Հայ գիտնականների պատվիրակությունը մեկնելու է Ռուսաստան՝ Ռուսաստանի գիտությունների ակադեմիայի ընդհանուր ֆիզիկայի բաժնի, Սանկտ-Պետերբուրգի և Պուլկովոյի աստղադիտարանի հետ Վ.Համբարձումյանի հոբելյանին նվիրված համատեղ նիստին մասնակցելու նպատակով։

Նախատեսվում է նաև կազմակերպել երիտասարդ աստղաֆիզիկոսների երկրորդ միջազգային դպրոցը, որին աշխարհի տարբեր երկրներից մասնակցելու են շուրջ 30 հայտնի գիտնականներ։

Տեղի կունենան Համբարձումյանի գիտական հետազոտություններին նվիրված ընթերցումներ, Երևանի պետական համալսարանի ֆիզիկայի և ռադիոֆիզիկայի ֆակուլտետներում բարձր կուրսերի ուսանողների համար կազմակերպվելու են գիտական նիստեր։

Մեծ գիտնականի մասին նախատեսվում է նաև գիրք հրատարակել։ Վերահրատարակվելու են նրա գիտա-հանրամատչելի հոդվածների և գիտական աշխատությունների ժողովածուները։ «Գիտության աշխարհում» ամսագրի երկրորդ համարն ամբողջովին նվիրվելու է Վիկտոր Համբարձումյանին։

Նախատեսված է ստեղծել նաև մեծ գիտնականի կյանքին և գործունեությանը նվիրված ինտերնետ կայք, ինչպես նաև թողարկել DVD։

Ծրագրվում է Վիկտոր Համբարձումյանի կիսանդրին տեղադրել ԵՊՀ աստղադիտարանի առջև և սահմանել նրա անվան կրթաթոշակ։ Թողարկվելու են նաև հուշադրամներ և դրամանիշներ։

Վիկտոր Համբարձումյանը (1908-1996) հայտնի խորհրդային գիտնական է, տեսական աստղաֆիզիկայի հիմնադիրներից մեկը։ Համբարձումյանն աշխատել է աստղերի և ամպամածությունների ֆիզիկայի, աստղագիտության և աստղային համակարգերի դինամիկայի, աստղերի և գալակտիկաների տիեզերածնության (կոսմոգոնիայի) ոլորտներում։--0—

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։