485.16
+0.79
562.93
-1.22
8.23
-0.05
+12
Եղանակը Երևանում
Հայ
ԱՄՆ-ն ողջունում է Կոսովոյում հայ խաղաղապահների թվի ավելացումը. Փենինգթոն
19:31
26 Մայիսի 2008

ԵՐԵՎԱՆ, 26 մայիսի./Նովոստի-Արմենիա/. ԱՄՆ-ն ողջունում է Կոսովոյում հայ խաղաղապահների թվի ավելացման փաստը, երկուշաբթի հայտարարեց Հայաստանում ԱՄՆ գործերի ժամանակավոր հավատարմատար Ջոզեֆ Փենինգթոնը՝ ՀՀ պաշտպանության նախարար Սեյրան Օհանյանի հետ հանդիպման ժամանակ։ 

«Անդրադառնալով բազմազգ դիվիզիայի կազմում խաղաղարար առաքելություն իրականացնող հայ խաղաղապահներին՝ Փենինգթոնը ողջունեց Կոսովոյում հունական ստորաբաժանման կազմում մեր խաղաղապահ դասակի թվաքանակի կրկնապատկման փաստը»,- ասվում է երկուշաբթի «Նովոստի-Արմենիային» ՀՀ պաշտպանության նախարարի մամուլի քարտուղար, գնդապետ Սեյրան Շահսուվարյանի տրամադրած հաղորդագրությունում։

Ինչպես կարծում է Փենինգթոնը, դա նպաստում է Հայաստանի ներգրավվածությանը միջազգային գործընթացներին, Հայաստանի միջազգային վարկանիշի բարձրացմանը:

Նա տեղեկացրեց, որ ներկայումս ընթանում են խաղաղարար առաքելություն իրականացրած մի շարք հայ խաղաղապահների պարգևատրման նախապատրաստական աշխատանքները:

Փենինգթոնը հույս հայտնեց, որ Հայաստանի պաշտպանության նոր նախարարի նշանակումից հետո երկուստեք համագործակցությունն էլ ավելի կխորանա վերջինիս պաշտոնավարման ընթացքում:

Նա նաև շնորհակալություն հայտնեց նախարարին` վերջերս Ազգային պաշտպանության քոլեջի պատվիրակության կատարած այցը Հայաստան բարձր մակարդակով անցկացնելու համար:

Հանդիպման ընթացքում նախարար Օհանյանը նշել է, որ Հայաստանի համար խաղաղապահ առաքելությունն ունի ինչպես ռազմաքաղաքական, այնպես էլ ռազմական նշանակություն. ՀՀ զինված ուժերի ներկայացուցիչները միջազգային ստորաբաժանումների կազմում փորձ և հմտություն են ձեռք բերում:

Կողմերը նաև փաստել են, որ հայ-ամերիկյան ռազմական համագործակցությունն իր դերակատարությունն ունի տարածաշրջանային անվտանգությանն առնչվող մի շարք հարցերում:

Կողմերն անդրադարձել են նաև հոկտեմբերին Հայաստանում անցկացվելիք «Համատեղ աղեղ, Համատեղ նիզակակիր և Խիզախ լուսան 2008» զորավարժությունների կազմակերպչական աշխատանքներին:

Հանդիպման ավարտին կողմերը նշել են, որ տարածաշրջանային անվտանգության առումով ԼՂ հիմնախնդրի կարգավորման հարցում հետայսու ևս բոլոր գործողությունները պետք է ուղղված լինեն խնդրի` խաղաղ ճանապարհով կարգավորմանը:

Ինչպես մինչ այդ հայտարարել էր ՀՀ պաշտպանության նախարար Սեյրան Օհանյանը, 2015 թվականին Հայաստանը մտադիր է ունենալ ՆԱՏՕ-ի չափորոշիչներին համապատասխան խաղաղապահ բրիգադ, ընդ որում, այդ ճանապարհին առաջին քայլը կլինի Կոսովոյում հայ խաղաղապահների թվաքանակի ավելացումը։

Հայ զինծառայողները Կոսովոյում խաղաղապահ առաքելությանը մասնակցում են հունական գումարտակի կազմում՝ 2004 թ. փետրվարի 12-ից։ Ներկայումս Կոսովոյում գտնվող հայ «կապույտ բերետների» թիվը 34 է։ Խորհրդարանի հաստատմանը ներկայացված Հայաստանի և Հունաստանի միջև փոխըմբռնման հուշագրում փոփոխությունների կատարելու մասին արձանագրության համաձայն, նախատեսվում է Կոսովո գործուղել ՀՀ ԶՈՒ լրացուցիչ հրաձգային վաշտ։--0—

Loading...
Թեմատիկ նյութեր
Բաժնի այլ նյութեր
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։