482.59
-0.3
543.3
+1.98
8.53
-0.01
+17
Եղանակը Երևանում
Հայ
Հայաստանի նախագահի մրցանակ 2007-ի մրցանակի արժանացել են գիտության և արվեստի 26 գործիչներ
17:51
26 Մայիսի 2008

ԵՐԵՎԱՆ, 26 մայիսի./Նովոստի-Արմենիա/. Հանրապետության նախագահի մրցանակ 2007-ի մրցանակները հանձնվել են երկուշաբթի Երևանում։ 12 անվանակարգերում մրցանակակիրներ են դարձել գիտության և արվեստի 26 գործիչներ։

Մրցանակները հանձնելով՝ ՀՀ նախագահ Սերժ Սարգսյանն առաջին հերթին շնորհավորեց մրցանակակիրներին՝ նման բարձր պարգև ստանալու կապակցությամբ։ «Այս մրցանակով մենք գնահատում ենք ձեր կատարած աշխատանքը և հանրության ուշադրությունն ենք հրավիրում ձեր օրինակին»,- ասաց պետության ղեկավարը։

Սարգսյանը նշեց, որ առաջին անգամ է այդ մրցանակը հանձնում պետության ղեկավարի կարգավիճակում և գոհունակություն հայտնեց դափնեկիրների հաջողություններից։

«Ես ուրախ եմ ձեր հաջողությունների համար, քանի որ դրանք մեր բոլորիս և մեր ժողովրդի հաջողությունն են, հատկապես ուրախ եմ մեր տաղանդավոր երիտասարդների համար, որոնց ձեռքբերումներն ուղղված են հայկական գիտության և արվեստի շարունակությանն ու փառքի պահպանմանը»,- ասաց Սարգսյանը։

Նա հատուկ շնորհակալություն հայտնեց Պողոսյանների ընտանիքին՝ նախագահական մրցանակներ սահմանելու գաղափարի իրականացման համար։

«Հայոց ցեղասպանության ճանաչման գործում նշանակալի ավանդ ներդրած անձանց շնորհվող մրցանակ» անվանակարգում մրցանակի արժանացան պրոֆեսոր Յուրի Բարսեղովը (Ռուսաստան)՝ «Հայերի ցեղասպանությունը. Թուրքիայի պատասխանատվությունը և միջազգային հանրության պարտավորությունները» երկհատորյակի համար, ինչպես նաև պատմաբան Իվ Տերնոնը (Ֆրանսիա)՝ հայոց ցեղասպանության ճանաչման գործում ներդրած նշանակալի ավանդի համար։

Յուրի Բարսեղովն իրեն հասանելիք նախագահական մրցանակաը՝ 10 հազար ԱՄՆ դոլար, նվիրեց «Հայաստան» համահայկական հիմնադրամին՝ Հաշմանդամներին և Արցախյան պատերազմում զոհվածների երեխաներին աջակցելու հիմնադրամ ստեղծելու նպատակով։

«Արվեստ» անվանակարգում մրցանակակիր է դարձել Հայաստանի վաստակավոր նկարիչ Արամազդ Կարապետյան-Շիրազը՝ «Կանչեր հոգևոր» յոթ քանդակների համար, «Գրականություն» անվանակարգում՝ հրապարակախոս Զորի Բալայանը՝ «Կիլիկիա» եռագրության համար, «Հումանիտար գիտություններ» անվանակարգում՝ պատմական գիտությունների դոկտոր, պրոֆեսոր Նիկոլայ Հովհաննիսյանը՝ «Արաբական երկրների պատմություն (VIIդ.-2005թ.)» քառահատոր աշխատության համար։

«Բնական գիտություններ» անվանակարգում մրցանակներ են հանձնվել «Օպտիկապես ոչ գծային նոր բյուրեղների ստացումը և հետազոտումը» և «Համակարգչային կենսաբանություն. էրիթրոցիտի թաղանթի մոդելավորումը և ուսումնասիրությունը համակարգչային փորձի և մոլեկուլային դինամիկայի մեթոդով» գիտական հոդվածների համար, «Ֆիզիկա» անվանակարգում՝ «Կիսահաղորդչային նանոկառուցվածքների էլեկտրոնային և օպտիկական հատկությունների տեսական ուսումնասիրություն» հոդվածների շարքի համար, «Բժշկագիտություն» անվանակարգում մրցանակի է արժանացել բժկական գիտությունների դոկտոր-պրոֆեսոր Գերոգի Օկոևի ղեկավարած գիտական խումբը՝ Հայաստանում արտամկանային բեղմնավորման մեթոդի ներդրման և իրականացման համար։

«Մարդասիրական արժեքների տարածմանն ուղղված գործունեություն և ծրագրեր» անվանակարգում նախագահական մրցանակ ստացավ «ԱՅԱՍ» ծովային հետազոտությունների ակումբի նախագահ, «Կիլիկիա» առագաստանավի նավապետ Կարեն Բալայանը՝ «Նավարկություն յոթ ծովերով» ծրագրի իրագործման համար։

Հանձնվել են նաև Նախագահի երիտասարդական մրցանակներ։ «Կերպարվեստ և կինո» անվանակարգում մրցանակի արժանացան «Քաղաքը» գրաֆիկական աշխատանքների շարքի, «Կերպարներ» գեղանկարների շարքի և «Հայկական վերածնունդ» հագուստի հավաքածուի հեղինակները։

«Գրականություն» անվանակարգում նախագահական մրցանակը հանձնվեց Ռուզաննա Ոսկանյանին՝ «Թափանցիկ անձրևներ» բանաստեղծությունների ժողովածուի համար, «Դասական երաժշտություն» անվանակարգում մրցանակները հանձնվեցին երկու ուղղություններով. «Գործիքային կատարում» անվանակարգ և «Երգեցողություն» անվանակարգ։

«Տեխնիկական գիտություններ և տեղեկատվական տեխնոլոգիաներ» անվանակարգում այս տարի մրցանակակիրներ չեն եղել։

Նախագահի մրցանակի Հայաստանում հանձնվում է ամեն տարի՝ 2001 թվականից ի վեր «Հայաստան» համահայկական հիմնադրամի շրջանակներում՝ բնական, տեխնիկական գիտությունների, ֆիզիկայի, բժշկության, արվեստի, գրականության, հումանիտար գիտությունների բնագավառներում։

Հայաստանի նախագահի երիտասարդական մրցանակը հանձնվում է գեղանկարչության և կինոյի, գրականության և դասական երաժշտության բնագավառներում։ 2005 թվականից սկսած մրցանակ է հանձնվում Հայոց ցեղասպանության ճանաչման գործում նշանակալի ավանդի համար։

Մրցանակաբաշխությունը ֆինանսավորում է «Ռոբերտ Պողոսյան և որդիներ» հիմնադրամը՝ ի դեմս Ժան և Ալբերտ Պողոսյանների։ «Հայոց ցեղասպանության ճանաչման գործում նշանակալի ավանդի համար» անվանակարգի մրցանակակիրները ստանում են 10 հազար դոլար, իսկ մյուս անվանակարգերի մրցանակակիրները՝ 5 հազարական դոլար,  երիտասարդական մրցանակը կազմում է 2,5 հազար դոլար։--0—

Loading...
Թեմատիկ նյութեր
Բաժնի այլ նյութեր
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ: