485.25
-0.08
569.44
-2.72
8.18
-0.02
-2
Եղանակը Երևանում
Հայ
Համայն հայության միացյալ ներուժը դառնալու է Հայաստանի առավելությունը. վարչապետ
17:16
21 Մայիսի 2008

ԵՐԵՎԱՆ, 21 մայիսի./Նովոստի-Արմենիա/. Համայն հայության միացյալ ներուժը դառնալու է Հայաստանի մրցունակության առավելությունը, ասաց ՀՀ վարչապետ Տիգրան Սարգսյանը։

«Ակնհայտ է, որ հին գործիքներով և մեթոդներով հնարավոր չէ կառուցել նոր աշխարհ: Մեր նախագծերը դուրս են գալիս Հայաստանի Հանրապետության սահմաններից: Դրանք իրականացվելու են պետություն-մասնավոր համագործակցություն սկզբունքի հիման վրա, որը ենթադրում է որոշումների համատեղ մշակում, ընդունում և իրագործում»,- ասաց Սարգսյանը չորեքշաբթի՝ Երևանում ՀՅԴ 30-րդ ընդհանուր ժողովի բացման ժամանակ։

Վարչապետի խոսքով, Հայաստանը պետք է դառնա բիզնես միջավայրի «գերազանցության կենտրոն», կրթական կենտրոն, առողջապահական կենտրոն,

կազմակերպված հանգստի կենտրոն, ֆինանսական կենտրոն, և այդ կենտրոնների բարձրակարգ ծառայություններից օգտվելը լինելու է տնտեսապես շահավետ և հասանելի ոչ միայն Հայաստանի քաղաքացիների, այլև օտարերկրացիների համար:

«Աշխարհով մեկ սփռված հայերը լիակատար հնարավորություն կունենան մասնակցելու վերոնշյալ նախագծերի իրագործմանը: Նրանց ներգրավվածությունը լրացուցիչ հնարավորություն է ազգային, հոգևոր, մշակութային միասնության դրսևորման և ամրապնդման համար»- ասաց Սարգսյանը:

Նրա խոսքով, այդ ճանապարհին առաջին քայլը՝ «Հայկական աշխարհի» գաղափարախոսության ներդրման ուղղությամբ, արդեն իսկ կատարված է, ստեղծվել է Ազգային մրցունակության խորհուրդ` պետական և հասարակական ճանաչված գործիչների մասնակցությամբ:

«Հայ հեղափոխական դաշնակցությունը «Հայկական աշխարհի»՝ որպես համաշխարհային գլոբալ ցանցի, բաղկացուցիչ մասն է: Ավելին, ազգերի քաղաքական մրցակցության ասպարեզում, Հայ հեղափոխական դաշնակցությունը հայ ժողովրդի մրցակցային առավելություններից մեկն է»,- ասաց Սարգսյանը:

Նա նշեց, որ Հայաստանում ձևավորվել է որակապես նոր իրավիճակ:

Հայաստանի Հանրապետության նախագահի քաղաքական ղեկավարությամբ՝ կոալիցիոն կառավարությունը եկել է իրականացնելու փոփոխություններ:

Ժողովրդի սպասումները պատմական շանս են տալիս՝ միասին իրականացնել ու բեկումնային նախագծեր:

«Այս դահլիճում այսօր հավաքված են աշխարհի տարբեր անկյուններից ժամանած հայեր: Մենք ձեզ հրավիրում ենք` օգտվելով պատմական շանսից, դառնալ այս ծրագրերի իրագործման ակտիվ մասնակիցը: Իսկ մենք կապահովենք դրա համար անհրաժեշտ բոլոր պայմանները»,- ասաց Սարգսյանը:

Հայ հեղափոխական դաշնակցության 30-րդ ընդհանուր ժողովի շրջանակներում, մասնավորպես, կընտրվի Բյուրո-կուսակցության բարձրագույն մարմինը, որը կղեկավարի նրա աշխատանքը՝ հաջորդ չորս տարվա ընթացքում։ Բյուրոյի անդամներն ընտրվում են տարբեր երկրներից, նստավայրը գտնվում է Երևանում։

Փակ նիստերին կմասնակցեն աշխարհի 30 երկրներում գործող կուսակցության կառույցների պատվիրակներ։

Հայ հեղափոխական դաշնակցությունը հայկական ամենահին կուսակցություններից է, որը հիմնադրվել է 1890թ.։ Կուսակցությունը հանդիսանում է Սոցինտերնի անդամ։

ՀՅԴ Հայաստանի  ներկայացուցչությունը ունի 7 հազար անդամ, իսկ կուսակցության արտասահմանյան մամիննեում կա մոտ 25 հազ. մարդ։

Թվով 4-րդ խորհրդարանում ՀՅԴ խմբակցությունը ներկայացնում են 16 պատգամավորներ, իսկ ՀՀ կառավարությունում կուսակցությունն ունի երեք նախարար։-0- 

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։