478.76
-0.07
556.89
-1.04
7.99
+0.01
+24
Եղանակը Երևանում
Հայ
Հայաստանի խորհրդարանի փոխխոսնակ է ընտրվել Դաշնակցության ներկայացուցիչ Հրայր Կարապետյանը
16:07
20 Մայիսի 2008

Հայաստանի Ազգային ժողովի փոխխոսնակ է ընտրվել Հայ Հեղափոխական դաշնակցություն խմբակցության պատգամավոր Հրայր կարապետյանը, ով նախկինում ղեկավարում էր ՀՅԴ խորհրդարանական խմբակցությունը։

Նրա թեկանծությունը երեկ առաջադրվել էր ՀՅԴ խմբակցության կողմից։ Փոխխոսնակի պաշտոնը երկու ամիս թափուր էր մնացել այն բանից հետո, երբ ԱԺ նախկին փոխխոսնակ, ՀՅԴ խմբակցության անդամ Վահան Հովհաննիսյանը հրաժարական էր տվել նախագահական ընտրություններից հետո, որին նա մասնակցել էր։
 
Ինչպես խորհրդարանում երեքշաբթի հայտնեց  ՀՀ ԱԺ ժամանակավոր հաշվիչ հանձնաժողովի նախագահ Սամվել Նիկոյանը՝ ներկայացնելով քվեարկության արդյունքները, քվեարկությանը մասնակցել է 101 պատգամավոր։

«Կարապետյանի թեկնածությանը կողմ է քվեարկել 97 պատգամավոր,  դեմ եղել է մեկ ձայն»,- հայտնեց Նիկոյանը։ Նա ասաց, որ երկու քվեարթերթիկ անվավեր է ճանաչվել, ևս մեկն էլ ձայները հաշվարկելիս չի հայտնաբերվել տուփում։

Նորանշանակ փոխխոսնակ Հրայր Կարապետյանը շնորհակալություն հայտնեց պատգամավորներին վստահության համար։ Նա հայտարարեց, որ նոր պաշտոնն իր վրա ավելի շատ պարտականություններ է դնում և վստահեցրեց, որ ամեն ինչ կանի հանուն ժողովրդի և խորհրդարանի։

Կարապետյանը ծնվել է 1963թ. օգոստոսի 11-ին Երևանում: 1985թթ. ավարտել է Խ.Աբովյանի անվան հայկական պետական մանկավարժական ինստիտուտը, այնուհետև ուսումը շարունակել է նույն ինստիտուտի ասպիրանտուրայում: Պաշտպանել է գիտական թեզ` «Սովորողների քաղաքացիական դաստիարակության հիմնախնդիրը ազգային կրթության համակարգում» թեմայով:

1985-1990թթ. աշխատել է Նոր-Գեղի գյուղի, այնուհետև, Երևանի թիվ 181 դպրոցներում՝ որպես ուսուցիչ: 1985-1987թթ. անդամակցել է «Զանգակատուն» կազմակերպությանը: 1987-1989թթ. եղել է «Միացում» կազմակերպության շարքերում, նույն տարիներին խմբագրել է «Զանգակատուն» հանդեսը:

1989թ. անդամագրվել է Հայ Յեղափոխական Դաշնակցությանը: 1990-1995թթ. ընտրվել է ՀՅԴ Հայաստանի Կենտրոնական կոմիտեի անդամ: 1990-1992թթ. Թաթուլ Կրպեյանի, Շահեն Մեղրյանի և մյուս ազատամարտիկների հետ մասնակցել է Գետաշենի, Շահումյանի, Բերդաձորի, Մարտակերտի ինքնապաշտպանական մարտերի կազմակերպմանը:

1996-1998թթ. ընտրվել է ՀՅԴ Հայաստանի Գերագույն Մարմնի անդամ: 1998-2003թթ. եղել է ՀՀ Արագածոտնի մարզպետ:

2003-ին ընտրվել է Ազգային ժողովի պատգամավոր (համամասնական ընտրակարգ, ՀՅԴ): Եղել է Ազգային ժողովի ՀՅԴ խմբակցության ղեկավար:

2007թ. մայիսի 12-ին ՀՀ Ազգային ժողովի պատգամավոր է ընտրվել համամասնական ընտրակարգով ՀՅԴ կուսակցությունից: Ազգային ժողովի ՀՅԴ խմբակցության ղեկավար է:

Մինչ այսօր ղեկավարում է Դաշնակցություն խմբակցությունը։ ՀՀ պաշտպանության նախարարի, վարչապետի և Ռուսաստանի Դաշնության Ֆեդերացիայի խորհրդի նախագահի կողմից պարգևատրվել է մեդալներով ու շքանշաններով: Ամուսնացած է, ունի 3 որդի: -0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: