485.25
-0.08
569.44
-2.72
8.18
-0.02
+4
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
Մեծ Բրիտանիան մտադիր չէ կրճատել Հայաստանում իր գործունեության շրջանակները. դեսպան
17:12
16 Մայիսի 2008

ԵՐԵՎԱՆ, 16 մայիսի./Նովոստի-Արմենիա/. Մեծ Բրիտանիան չի պատրաստվում կրճատել իր գործունեության շրջանակները Հայաստանում, սակայն, հետագա համագործակցությունը մեծամասամբ կախված է նաև Հայաստանում ընթացող ներքաղաքական զարգացումներից, տնտեսական հաջողություններից, հայտարարել է ՀՀ-ում Մեծ Բրիտանիայի և Հյուսիսային Իռլանդիայի Միացյալ Թագավորության նորանշանակ արտակարգ և լիազոր դեսպան Չարլզ Լոնսդեյլին:

Ինչպես «Նովոստի-Արմենիային» տեղեկացրեցին ՀՀ կառավարության աշխատակազմի տեղեկատվության և հասարակայնության հետ կապերի վարչությունից, ՀՀ վարչապետ Տիգրան Սարգսյանի հետ հանդիպմանը դեսպան  Լոնսդեյլը հավաստել է տարբեր ոլորտներում Հայաստանում իրականացվող  ծրագրերի շարունակականությունն ապահովելու բրիտանական կողմի ցանկությունը, որի շուրջ ներկայումս համագործակցում է նաև Եվրոպայի խորհրդի և Համաշխարհային բանկի հետ:

Միաժամանակ, բրիտանացի դեսպանն ընդգծել է հատկապես Հայաստանի կողմից իրականացվող տարածքային համաչափ զարգացման ծրագրին օժանդակելու կարևորությունը:

Իր հերթին, Սարգսյանը վստահություն է հայտնել, որ Լոնսդեյլի գործունեությունը կնպաստի հայ-բրիտանական հարաբերություններում նոր առաջընթացի ձեռքբերմանը:

Վարչապետ Տիգրան Սարգսյանը հավաստիացրել է, որ կարևորելով երկրի ժողովրդավարացման գործընթացների խթանումը, ՀՀ կառավարությունը լուրջ ծրագրեր և որոշակի միջոցառումներ է նախատեսում, որոնք ուղղված են առկա հիմնախնդիրների լուծմանը:

Միաժամանակ, կառավարության ղեկավարը կարևորել է հատկապես տնտեսական համագործակցության խթանումը, նշելով, որ Հայաստանի և Մեծ Բրիտանիայի միջև ապրանքաշրջանառության ծավալների ներկայիս մակարդակը դեռևս կողմերին գոհացնել չի կարող:

Վիճակագրական տվյալներով Հայաստանի ապրանքաշրջանառությունը Մեծ Բրիտանիայի հետ 2007թ. կազմել է 45,1 մլն. դոլար՝ ավելանալով 51,7 տոկոսով։ Հայաստանից Մեծ Բրիտանիա արտահանվել է 2,8 մլն. դոլար արժողությամբ ապրանք՝ 2006թ.-ի 7,6 միլիոնի դիմաց, իսկ Հայաստան ներմուծված ապրանքների քանակն ավելացել է 91,3 տոկոսով՝ կազմելով 42,3 մլն. դոլար։

Սարգսյանը նշել է, որ Հայաստանի կառավարությունն այսօր ունի երկրի տնտեսական զարգացման բավականին հավակնոտ ծրագրեր և «պատահական չէ, որ առաջնահերթությունը տալիս է սոցիալական, տնտեսական առկա հիմնախնդիրների լուծմանը»:
 
Շնորհակալություն հայտնելով Միացյալ Թագավորության միջազգային զարգացման նախարարության կողմից մեր երկրի հանրային ոլորտի բարեփոխումներին և գյուղական շրջանների զարգացմանն ուղղված ծրագրերի իրականացման համար, Տիգրան Սարգսյանն ընդգծել է, որ Հայաստանը շահագրգռված է համագործակցությունը շարունակելու և  դրանում նոր ծրագրեր ընդգրկելու հարցում:

Վարչապետը տեղեկացրել է, որ մասնավորապես, մշակվում է ՀՀ քաղաքացիական ծառայության հայեցակարգը, վարչապետն ակնկալել է բրիտանական կողմի աջակցությունը հայեցակարգի ներդրմանն ուղղված լրացուցիչ տեխնիկական օժանդակության ցուցաբերման գործում:

Սարգսյանը նաև հավաստիացրել է, որ Հայաստանի կառավարությունը հնարավորինս կնպաստի Միացյալ Թագավորության և ՀՀ-ի միջև կրկնակի հարկումից խուսափելու մասին համաձայնագրի ստորագրմանը, ինչը, ըստ նրա, լուրջ խթան կհանդիսանա մեր երկրի տնտեսվարող սուբյեկտների համար:

Հանդիպման ընթացքում կողմերը քննարկել են նաև տարածաշրջանային հարցեր, մասնավորապես, անդրադարձ է եղել հայ-թուրքական հարաբերություններին: Հավաստելով առանց նախապայմանների Թուրքիայի հետ դիվանագիտական հարաբերությունների հաստատման Հայաստանի հայտնի դիրքորոշումը, վարչապետ Տիգրան Սարգսյանը կարծիք է հայտնել, որ Միացյալ Թագավորությունը կարող է կարևոր դեր խաղալ հայ-թուրքական հարաբերությունների կարգավորման գործում:

1993թ.-ից ի վեր Անկարայի նախաձեռնությամբ շարունակվում է Հայաստանի և Թուրքիայի սահմանների շրջափակումը, ինչն ամեն տարի Հայաստանի տնտեսությանը հասցնում է 500 մլն. դոլարի վնաս։--0—

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։