486.74
-0.21
511.42
-1.92
8.41
+0.01
-4
Եղանակը Երևանում
Հայ
Ամենայն Հայոց Կաթողիկոսն ավարտել է իր այցը Վատիկան
19:49
13 Մայիսի 2008

ԵՐԵՎԱՆ, 13 մայիսի./Նովոստի-Արմենիա/. Ամենայն Հայոց Կաթողիկոս Գարեգին Երկրորդն ավարտել է իր պաշտոնական այցը Վատիկան և երեքշաբթի վերադարձել Մայր Աթոռ Սուրբ Էջմիածին, «Նովոստի-Արմենիային» երեքշաբթի տեղեկացրեցին Սուրբ Էջմիածնի տեղեկատվական համակարգից։

Այցի ընթացքում մայիսի 7-ին Ամենայն Հայոց Հայրապետն այցելել է Սուրբ Պողոսի տաճարի տակ գտնվող երջանկահիշատակ Հովհաննես Պողոս Բ Պապի շիրիմին, ուր աղոթել է նրա հոգու հանգստության համար:

Այնուհետև Գարեգին Բ-ն այցելել է Սուրբ Պետրոսի բակում գտնվող Սբ. Գրիգոր Լուսավորչի հրապարակ, ուր Հովհաննես Պողոս Բ Պապի օրոք տեղադրվել էր Հայ Եկեղեցու հավատքի հոր արձանը:

Հայկական պատվիրակության անդամները մասնակցել են նաև Սուրբ Պետրոսի հրապարակում կազմակերպված  հանդիպմանը, որը  նախագահում էին Բենեդիկտ ԺԶ Պապը և Գարեգին Բ Ամենայն Հայոց Կաթողիկոսը: Երկու հովվապետերը ողջույնի խոսքեր են փոխանակել և ողջագուրվել Հռոմի Կաթոլիկ Եկեղեցու Մայր Տաճարի դիմացի հարթակում` ավելի քան 35 հազար հավատացյալների առջև: 

Նույն օրն Ամենայն Հայոց Կաթողիկոսն այցելել է Սալեզիանի Պապական համալսարան, ուր հանդես է եկել բանախոսությամբ:

Ի գնահատություն քրիստոնեական դաստիարակության և երիտասարդության կրթությանն ուղղված գործունեության` Նորին Սրբությունը պարգևատրվել է  պատվավոր դոկտորի աստիճանով:

Պարգևատրման արարողությանը ներկա էին Վատիկանի պետքարտուղար կարդինալ Տարչիզիո Բերտոնեն և Քրիստոնեական միության աջակցման քահանայապետական խորհրդի նախագահ կարդինալ Վալտեր Կասպերը:

Մայիսի 8-ին Ամենայն Հայոց Հայրապետը Արևելյան Եկեղեցիների հարցերով Վատիկանի Խորհրդի նախագահ կարդինալ Լեոնարդո Սանդրիի և իր պատվիրակության ուղեկցությամբ այցելել է Հռոմի Պապական Արևելյան ինստիտուտ և իր օրհնությունն ու ողջույնները փոխանցել Հայոց Սրբազան Պատարագի արարողությանը նվիրված գիտաժողովի մասնակիցներին:

Հայր Ռոբերտ Թաֆթի ջանքերով կազմակերպված գիտաժողովին զեկույցներով հանդես են եկել հայ և կաթոլիկ գիտնականներ Եվրոպայից և Հյուսիսային Ամերիկայից:

Մայիսի 9-ի առավոտյան հայոց պատվիրակությունն ուղևորվել է Վատիկանի Առաքելական պալատ, ուր մասնակցել է Գարեգին Բ Ամենայն Հայոց Կաթողիկոսի և Բենեդիկտ ԺԶ Պապի հանդիպմանը:

Հանդիպման ընթացքում երկու Հովվապետերը կրկին ողջույնի և եղբայրական սիրո ջերմ խոսքեր են փոխանակել, անդրադարձել են Հայ Առաքելական Եկեղեցու և Հռոմի Կաթոլիկ Եկեղեցու սերտ կապերին և համագործակցությանը:

Հանդիպման ավարտին Գարեգին Բ Ամենայն Հայոց Կաթողիկոսը և Բենեդիկտ ԺԶ Պապն առանձնազրույց են ունեցել, որի ընթացում քննարկել են երկու եկեղեցիներին հուզող մի շարք խնդիրներ:

Նույն օրը Ամենայն Հայոց Կաթողիկոսը հանդիպել է Քենթրբերիի Արքեպիսկոպոս Ռոուան Վիլյամսի հետ և քննարկել Անգլիկան Եկեղեցու Լամբեթի գալիք ժողովին և քույր եկեղեցիների հետ ներկայիս հարաբերություններին առնչվող մի շարք հարցեր:

Այցի ավարտին Սուրբ Պողոսի տաճարում` Պողոս առաքյալի շիրիմի մոտ, տեղի ունեցավ էկումենիկ աղոթքի արարողություն` հանդիսապետությամբ Ամենայն Հայոց Կաթողիկոսի, որին մասնակցում էին Հռոմեակաթոլիկ և Հայ Առաքելական Եկեղեցու եպիսկոպոսներ և այլ հոգևորականներ:

Պաշտոնական այցի ընթացքում Ամենայն Հայոց Կաթողիկոսը և նրա գլխավորած պատվիրակությունն այցելել են նաև հայ և կաթոլիկ եկեղեցիներ ու սրբատեղիներ:

Մայիսի 10-ին Ամենայն Հայոց Կաթողիկոսը մեկնել է Միլան, ուր հանդիպում է ունեցել հայ համայնքի հետ, ինչպես նաև նախագահել է Միլանի Սուրբ Քառասուն մանուկների հայկական եկեղեցու հիմնադրման 50-ամյակին նվիրված միջոցառումները:

Մայիսի 11-12-ին Ամենայն Հայոց Կաթողիկոսը հյուրընկալվել է Վենետիկում` Սուրբ Ղազար կղզում, ուր հանդիպում է ունեցել Մխիթարյան միաբանության հետ:--0—

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։