486.21
-0.98
517.62
-1.72
8.15
+0.04
-3
Եղանակը Երևանում
Հայ
Եվրամիությունը հետևում է Հայաստանի հետընտրական գործընթացներին
11:53
08 Մայիսի 2008

Եվրամությունը շարունակում է  ուշադրության կենտրոնում պահել Հայաստանի ընտրական ու հետընտրական գործընթացները, չորեքշաբթի ասել է Հարավային Կովկասում Եվրամիության հատուկ ներկայացուցիչ Պիտեր Սեմնեբին՝ ՀՀ ԱԺ նախագահ Տիգրան Թորոսյանի հետ հանդիպման ժամանակ։

Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ։ Բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով Գլխավոր դատախազության տվյալներով տուժել է 265 մարդ, տասը մարդ զոհվել է։ 100-ից ավելին կալանավորված են։

«Եվրամիությունը կարևորում է քաղաքական գործունեության պատճառով կալանավորված անձանց ազատ արձակումն ու հանրահավաքների սահմանափակման վերացումը, երկրում բևեռացման թուլացման նպատակով հասարակության տարբեր շահագրգիռ խմբերի միջև երկխոսությունը», - «Նովոստի-Արմենիա» գործակալությանը մեջբերեցին Սեմնեբիի խոսքերը ԱԺ հասարակայնության հետ կապերի վարչությունից։

ԵՄ հատուկ ներկայացուցչի խոսքերով, քաղաքական բանավեճի կայացման համար անհրաժեշտ է հիմքերի ստեղծումը` որպես այդպիսին նշելով մարտի 1-ի և դրան հաջորդած դեպքերի անկախ հետաքննության անցկացումը, որի շուրջ տարբեր առաջարկություններ են հնչել` թե Աժ ժամանակավոր հանձնաժողովի ստեղծման, թե ՀՀ մարդու իրավունքների պաշտպանի ներգրավման առնչությամբ:

ԵՄ հատուկ ներկայացուցչի կարծիքով, Ազգային ժողովը մեծ դերակատարություն կարող է ունենալ ոչ միայն այդ հարցում, այլև` երկխոսության կայացման, թեպետ քաղաքական որոշ ուժեր, որ երկխոսությանը պիտի մասնակցեն, խորհրդարանից դուրս են:

Սեմնեբին, որ մինչ այդ հանդիպել էր ՀՀ նախագահի նախկին թեկնածու Լևոն Տեր-Պետրոսյանի հետ, նշել է, որ իր տպավորությամբ, անցած հանդիպման համեմատ որոշակի փոփոխություններ են եղել` պատրաստակամություն կա ներգրավվել բուն քաղաքական գործընթացներում: Սեմնեբիի գնահատականով` շատ կարևոր է, որ երկխոսությունը կայանա քաղաքական մեծամասնության հետ:

ԵՄ հատուկ ներկայացուցչի խնդրանքով, Աժ նախագահը ներկայացրել է իր տեսակետները՝ նշելով, որ Լևոն Տեր-Պետրոսյանի մոտեցումների փոփոխությունը երևաց նաև կոնգրեսի ժամանակ, և դա բնական է, որովհետև որոշակի ժամանակ է անցել։

Միաժամանակ, Թորոսյանի խոսքերով, ընդդիմությունը շարունակում է մեղադրել բոլորին` սկսած Հայաստանի իշխանություններից, վերջացրած եվրոպական կառույցներով և շարունակում է նենգափոխել ակնհայտ փաստերը։

Աժ նախագահը նշել է, որ ՀՀ օրենսդրությամբ գոյություն չունի քաղաքական գործունեության համար ձերբակալություն, դա լավ գիտեն իրավապահ մարմինները, և եթե գործերի հետաքննության արդյունքում պարզվի, որ մարդիկ քաղաքական հայացքների համար են ձերբակալվել, կպատժվեն իրավապահները:

Անդրադառնալով երկխոսության կայացմանը` Աժ նախագահը կարևորել է, որ այն չլինի վերացական և հստակ սահմանվի` ովքեր ու ինչ խնդրի շուրջ պիտի բանակցեն։

Բացի այդ խորհրդարանի խոսնակը կարծում է, որ երկխոսությունը չի կարող նախապայմաններ ունենալ:

Խոսելով անկախ հետաքննության անցկացման մասին՝ խոսնակը նշել է, որ մարտի 1-ի դեպքերի հետաքննությամբ զբաղվող Ազգային ժողովի ժամանակավոր հանձնաժողով ստեղծելու տարբերակը դեռ քննարկվում է Աժ քաղաքական խմբակցությունների հետ։

Աժ նախագահը համաձայնել է, որ ոչ բոլոր քաղաքական ուժերն են ԱԺ-ում ներկայացված, բայց նաև հիշեցրել է, որ Սահմանադրության բարեփոխումների նպատակով Աժ-ում դարձյալ ստեղծվել էր ժամանակավոր հանձնաժողով, որի աշխատանքներին մասնակցում էին այլ քաղաքական ու հասարակական կազմակերպություններ։-0-

Loading...
Թեմատիկ նյութեր
Բաժնի այլ նյութեր
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ: