481.35
+0.03
565.97
-1.55
8.4
-0.01
+8
Եղանակը Երևանում
Հայ
Հայաստանի իշխանությունները շահագրգռված են մարտի 1-ի իրադարձությունների օբյեկտիվ և համակողմանի քննությամբ. վարչապետ
10:42
08 Մայիսի 2008

ԵՐԵՎԱՆ, 8 մայիսի. /Նովոստի-Արմենիա/. Հայաստանի իշխանությունները շահագրգռված են մարտի 1-ի իրադարձությունների օբյեկտիվ և համակողմանի քննությամբ, ասել է ՀՀ վարչապետ Տիգրան Սարգսյանը։

Ինչպես «Նովոստի-Արմենիա» գործակալությանը տեղեկացրեցին ՀՀ կառավարության տեղեկատվության և հասարակայնության հետ կապերի վարչությունից, այս մասին Սարգսյանը հայտարարել է չորեքշաբթի՝ Հարավային Կովկասում ԵՄ հատուկ  ներկայացուցիչ Պիտեր Սեմնեբիի հետ հանդիպման ընթացքում։

Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ։ Բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով Գլխավոր դատախազության տվյալներով տուժել է 265 մարդ, տասը մարդ զոհվել է։ 100-ից ավելին կալանավորված են։

Խոսելով իշխանություն-ընդդիմություն երկխոսության մասին` Տիգրան Սարգսյանը վերահաստատել է  նախկինում  ասված  իր տեսակետը, որ եթե ցանկանում ենք  պատասխանատու և կառուցողական  ընդդիմություն ունենալ, առաջին հերթին պետք  է ունենանք պատասխանատու կառավարություն։

«Մենք մեզանից  պետք է սկսենք և առաջընթացի ապահովման ակտիվ քայլեր իրականացնենք, որպեսզի  ժողովուրդը մեզ հավատա: Համոզված եմ, որ  առկա խնդիրների այն  լուծումները, որ մենք  առաջարկում  ենք, ավելի լավ  լուծումներ են, քան որևէ  մեկը Հայաստանում  կարող է  առաջարկել», - ասել է Սարգսյանը։

Նրա խոսքերով, եթե Լևոն Տեր-Պետրոսյանի շուրջ համախմբված մարդիկ պատրաստ են համագործակցել կառավարության հետ՝ դրանց իրականացման հարցում, ապա  կառավարությունը մեկնել է համագործակցության ձեռքը: 

«Սակայն երկար չենք կարող սպասել, որ այդ ձեռքը սեղմեն: Խնդիրները շատ են, իսկ ժամանակը` քիչ, և մենք արդեն սկսել ենք  քայլեր իրականացնել», - ասել է  Սարգսյանը։

Հանդիպման ընթացքում վարչապետը հյուրերին  ներկայացրել է  Հայաստանի առջև կանգնած  հիմնախնդիրներն և դրանց լուծման ուղղությամբ ձեռնարկվելիք քայլերը:

Առաջնահերթ լուծում պահանջող  խնդիրների թվում նա նշել է հատկապես սոցիալական լուրջ խնդիր դարձած գների աճի  հետևանքների մեղմման, հարկային և մաքսային վարչարարության  կատարելագործման ու այդ համակարգերի  բարեփոխման, կոռուպցիայի դեմ պայքարի արդյունավետության  բարձրացման, կառավարության ծրագրի իրականացման գործընթացում ընդդիմությանը  ևս մասնակից դարձնելու, ձեռնարկվող միջոցառումների հնարավորինս լայն հրապարակայնության  ապահովման հարցերը։

Կողմերը անդրադարձել են նաև հայ-թուրքական  հարաբերություններին և ԼՂՀ հակամարտության կարգավորման  խնդիրներին։ Կարևորվել է Եվրոպական հարևանության քաղաքականության (ԵՀՔ) շրջանակներում Եվրամիության   հետ  Հայաստանի համագործակցության զարգացումը և ԵՀՔ գործողությունների ծրագրի  իրականացման  ուղղությամբ ակտիվ  աշխատանքի շարունակումը:

Վարչապետը  նշել է, որ գնաճի խնդիրը կառավարությունը այս օրերին քննարկում է  նաև Համաշխարհային  բանկի, Արժույթի միջազգային հիմնադրամի հետ, որպեսզի հնարավորինս  արագ  որոշակի ծրագրեր իրականացվեն:-0-

Loading...
Թեմատիկ նյութեր
Բաժնի այլ նյութեր
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը:
12:15
12 Հոկտեմբերի 2017
Հայաստանը ՌԴ–ից 100 մլն դոլարի պետական արտահանման վարկ կստանա
Վարկը տրամադրվելում է տարեկան 3% տոկոսադրույքով, 15 տարի մարման ժամկետով։
16:27
09 Հոկտեմբերի 2017
Անկարան կարող է հրաժարվել С-400-ի գնումից, եթե Մոսկվան մերժի համատեղ արտադրությունը
Անկարան կարող է հրաժարվել Մոսկվայից զենիթահրթիռային С-400 կամակարգերի գնումից:
13:59
08 Հոկտեմբերի 2017
Համանախագահներ. Հայաստանը և Ադրբեջանը վերահաստատել են բանակցությունները վերսկսելու պատրաստակամությունը
ԵԱՀԿ Մինսկի խմբի համանախագահները հաղորդագրություն են տարածել:
17:20
06 Հոկտեմբերի 2017
ԵԽԽՎ նախագահ Պեդրո Ագրամունտը հրաժարական է տվել
Պեդրո Ագրամունտը հեռանում է ԵԽԽՎ նախագահի պաշտոնից: