486.78
-0.64
574.01
+0.22
8.17
+0.03
+9
Եղանակը Երևանում
Հայ
Հայաստանի քաղաքական կոալիցիան հաստատում է երկրում բարեփոխումներ կատարելու իր պատրաստակամությունը
18:51
05 Մայիսի 2008

ԵՐԵՎԱՆ, 5 մայիսի./Նովոստի-Արմենիա/. Հայաստանի քաղաքական կոալիցիան երկուշաբթի հայտարարություն է տարածել, որում հաստատում է երկրում բարեփոխումներ կատարելու իր պատրաստակամությունը։

Մարտի 21-ին Հայաստանում ձևավորվել է նոր քաղաքական կոալիցիա, որի մեջ մտնում են Հայաստանի հանրապետական կուսակցությունը, «Բարգավաճ Հայաստան», «Օրինաց երկիր» և ՀՅԴ կուսակցությունները։

«Նովոստի-Արմենիա» ստացված հայտարարությունում  վերահաստատվում է երկրում բարեփոխումների իրականացման վերաբերյալ նախընտրական շրջանում ընտրողների առջև ստանձնած հանձնառությունը և հաստատվում է, որ ԵԽԽՎ թիվ 1609 բանաձևում ձևակերպված առաջարկությունները համահունչ են այդ բարեփոխումներին և քաղաքական կոալիցիայի համաձայնագրով սահմանված նպատակներին։

Քաղաքական կոալիցիան իր հայտարարությունում վերահաստատել է երկրի բազմակողմ արտաքին հարաբերություններում եվրոպական ուղղության առաջնահերթությունը և Եվրոպայի խորհրդին անդամակցելիս ստանձնած պարտավորություններն ու հանձնառությունները։

«Քաղաքական կոալիցիան հետևողականորեն իրագործելու է նախընտրական ծրագրերում, կոալիցիոն համաձայնագրում, կառավարության գործունեության ծրագրում և ԵԽԽՎ թիվ 1609 բանաձևում ամրագրված խնդիրների լուծմանն ուղղված բարեփոխումները, որոնք, մասնավորապես, վերաբերում են քաղաքական համակարգում ընդդիմության գործունեության հնարավորությունների ընդլայնմանը, ընտրական գործընթացների նկատմամբ հանրության վստահության էական բարձրացմանը, խոսքի ազատության և զանգվածային լրատվամիջոցների գործունեության անկախության ամրապնդմանը, դատական համակարգի լիարժեք համապատասխանեցմանը եվրոպական չափանիշներին»,- նշվում է փաստաթղթում։

Հայտարարությունում նաև նշվում է, որ իրագործվելիք բարեփոխումները պետք է նպաստեն Հայաստանում կայուն ժողովրդավարական հաստատությունների զարգացմանը և օրենքի գերակայության ապահովմանը:

«Եվրոպական չափորոշիչներին համապատասխան՝ ընդդիմության իրավունքների ամրագրումը պետք է զուգակցվի քաղաքական դաշտի բոլոր դերակատարների քաղաքական պատասխանատվության հստակեցմամբ, մամուլի ազատությունը` մասնագիտական էթիկայի կանոնների սահմանմամբ և իրավական պարտավորություններով, ցույցեր և երթեր անցկացնելու իրավունքը` օրինապահության, այլ քաղաքացիների իրավունքների, ազատությունների ու երկրի անվտանգության ապահովմամբ»,- ընդգծվում է հայտարարությունում:

Կոալիցիան բոլոր քաղաքական ուժերին կառուցողական երկխոսության և արդյունավետ համագործակցության կոչ է անում` հանուն վերոհիշյալ խնդիրների հնարավորինս արագ և լիարժեք լուծման:

«Այդ առումով մենք կարևորում ենք Հայաստանի Հանրապետության նախագահի նախաձեռնությունն ու աշխատանքային խմբի ստեղծումը` ԵԽԽՎ թիվ 1609 բանաձևում արծարծված առաջարկությունները ուսումնասիրելու և դրանց իրագործումը համակարգելու նպատակով»,- նշվում է փաստաթղթում։

Միաժամանակ հայտարարությունում ափսոսանք է հայտնվում, որ ԵԽԽՎ պատվիրակության անդամ, խորհրդարանական «Ժառանգություն» խմբակցության ղեկավար Րաֆֆի Հովհաննիսյանը հրաժարվել է մասնակցել խմբի աշխատանքին:

Աշխատանքային խմբից քաղաքական կոալիցիան ակնկալում է հստակ քայլեր` բանաձևում տեղ գտած առաջարկությունների իրագործման և հատկապես` հետընտրական զարգացումների անկախ հետաքննության ուղղությամբ։

Փետրվարի 19-ի նախագահական ընտրություններից հետո ընդդիմությունը հանրապետությունում անդադար բողոքի ակցիաներ էր կազմակերպվում՝ ՀՀ առաջին նախագահ Լևոն Տեր-Պետրոսյանի գլխավորությամբ, որոնք մարտի 1-ին Երևանում վերածվեցին զանգվածային անկարգությունների։ Երկրում ստեղծված իրավիճակից ելնելով` ԵԽԽՎ-ն բանաձև ընդունեց, որի համաձայն հարկավոր է մարտի մեկի իրադարձությունների անկախ հետաքննություն իրականացնել, երկրում քաղաքական երկխոսություն հաստատել և ամրապնդել ժողովրդավարական ինստիտուտները։--0—

Loading...
Թեմատիկ նյութեր
Բաժնի այլ նյութեր
21:11
17 Նոյեմբերի 2017
Բրազիլիայի ԱԳ նախարարը վերահաստատել է ԼՂ հակամարտության կարգավորման հարցում ԵԱՀԿ ՄԽ–ի ջանքերին սատարելու իր երկրի դիրքորոշումը
ՀՀ նախագահ Սերժ Սարգսյաննընդունել է Բրազիլիայի Դաշնային Հանրապետության արտաքին գործերի նախարար Ալոիզիո Նունյես Ֆեռեյրային:
16:08
17 Նոյեմբերի 2017
Քաղաքագետ Սերգեյ Մինասյանը նշանակվել է Ռումինիայում Հայաստանի դեսպան
Հայաստանի նախագահի հրամանագրով հայտնի քաղաքագետ Սերգեյ Մինասյանը նշանակվել է Ռումինիայում Հայաստանի արտակարգ և լիազոր դեսպան։
20:58
16 Նոյեմբերի 2017
Հայտնի են Հայաստանի և Ադրբեջանի արտգործնախարարների հանդիպման ժամկետներն ու վայրը
Հայաստանի արտաքին գործերի նախարար Էդվարդ Նալբանդյանը կհանդիպի իր ադրբեջանցի գործընկեր Էլմար Մամեդյարովի հետ:
17:14
16 Նոյեմբերի 2017
ԵԽ-ն ընդունել է Արցախի ժողովրդի ինքնորոշման իրավունքը ճանաչող բանաձև. ադրբեջանական սադրանքը տապալվել է
Նախօրեին տեղի ունեցած Եվրոպական Խորհրդարանի լիագումար նիստում ձայների ճնշող մեծամասնությամբ ընդունվել է բանաձև:
20:39
15 Նոյեմբերի 2017
Խաչքարեր և ցուցահանդես. մեկնարկել է Սերժ Սարգսյանի այցը ՌԴ (ՖՈՏՈ)
Հայաստանի նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով այսօր ժամանել է Մոսկվա:
19:46
15 Նոյեմբերի 2017
Կարեն Կարապետյանը պահպանեց վարչապետի պաշտոնում իր վերընտրման վերաբերյալ ինտրիգը
Հայաստանի վարչապետը չորեքշաբթի պատասխանել է երկրի վարչապետի պաշտոնում իր թեկնածության առաջադրման մասին հարցին։
18:35
15 Նոյեմբերի 2017
Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները
С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։
17:26
14 Նոյեմբերի 2017
ՀՀ նախագահն աշխատանքային այցով կմեկնի ՌԴ
Սերժ Սարգսյանը կհանդիպի ՌԴ նախագահ Վլադիմիր Պուտինի հետ:
15:14
14 Նոյեմբերի 2017
Հայկական ԶԼՄ–ները` Լավրովի` Երևան և Բաքու սպասվելիք այցերի նպատակների մասին
Ռուսաստանի արտաքին գործերի նախարար Սերգեյ Լավրովը նոյմբերի 19–ին կայցելի Բաքու, իսկ նոյեմբերի 20–ին` Երևան։
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին: