482.25
+0.32
566.07
-3.09
8.39
+0.02
+9
Եղանակը Երևանում
Հայ
ԱՄՆ Ներկայացուցիչների պալատի խոսնակը կոչ է անում ճանաչել 1915 թ.-ի Հայոց ցեղասպանությունը
13:10
30 Ապրիլի 2008

ԱՄՆ Կոնգրեսի ներկայացուցիչների պալատի խոսնակ Նենսի Փելոսին կոչ է անում ճանաչել 1915 թ.-ին Օսմանյան կայսրության Հայոց ցեղասպանությունը, հաղորդում է Ամերիկայի hայկական hամագումարը։

«Նախագահն ու Կոնգրեսը բավականին ժամանակ ունեին՝ Հայոց ցեղասպանությունը պաշտոնապես ճանաչելու համար։ Եթե մենք անտեսենք պատմությունը, մենք բաց ենք թողնում անցյալի սխալների կրկնության հնարավորությունը», - ասել է Փելոսին՝ Հայոց ցեղասպանության 93-ամյա տարելիցին նվիրված Կապիտոլի Բլուրում անցկացվող ավանդական միջոցառման ժամանակ դիմելով հավաքվածներին։

«Այս տարելիցին մենք պետք է հիշենք Ցեղասպանության զոհերին և ողջ մնացածներին։ Մենք պետք է երաշխավորենք, որ այդ մարդկային ողբերգությունը չի կրկնվի», - ասաց նա։

Միջոցառման ժամանակ Փելոսին ներկայացրել է Ցեղասպանության ժամանակ ողջ մնացած ԱՄՆ Ազգային եկեղեցիների խորհրդի նախագահ, արքեպիսկոպոս և Հայ Առաքելական Եկեղեցու ԱՄՆ արևելյան թեմի առաջնորդ Վիգեն Հայկազյանին։

Բացի դրանից, ԱՄՆ ներկայացուցիչների պալատի խորհրդարանական մեծամասնության առաջնորդ Սթենի Հոյերը իր խոսքում կարևորել է անցյալի ողբերգության ճանաչումը՝ ապագա հանցագործությունը կանխելու նպատակով։

«Մերժումը՝ կրկնության սկիզբն է։ Եթե տեղի ունեցածն երբևէ չի հիշվում և չի ճանաչվում որպես ցեղասպանություն, ապա կրկնության հավանականությունը շատ մեծ է», - ասել է Հոյերը։

Սենատոր, Հայոց ցեղասպանության 106-րդ բանաձևի համահեղինակ Ռոբերտ Մենենդեզն իր հերթին ասել է, որ ԱՄՆ-ն մեծ սխալ է թույլ տալիս՝ չճանաչելով ցեղասպանության փաստը։

Մենենդեզը խոստացել է բանաձևին կողմ քվեարկել, երբ այն ներկայացվի Սենատի քննարկմանը՝ ասելով, որ «ոչինչ չի վախեցնի ինձ, երբ նման հնարավորություն ընձեռվի»։

Ամերիկայի Հայկական Համագումարը նաև մասնակցել է ողջ Ամերիկայով (Նյու-Յորքից և Կալիֆոռնիայից մինչև Բոսթով և Տեխաս) անցկացվող ապրիլի 24-ին նվիրված միջոցառումներին։

Հայերի ցեղասպանության մասին 106-րդ բանաձևը ԱՄՆ Ներկայացուցիչների պալատ էր ներկայացվել 2007թ. հունվարի 30-ին։ Այդ բանաձևը կոչվում է «Պալատի բանաձև» (House resolution) և նրա ընդունման համար պարտադիր չէ Սենատի հավանությունն ու նախագահի ստորագրությունը։

Բանաձևը ԱՄՆ նախագահին կոչ է անում ճիշտ կերպով արտացոլել և ներկայացնել մարդու իավունքներին, էթնիկ զտումներին, ցեղասպանությանը, և, մասնավորապես, Հայոց Ցեղասպանությանը (որը հավաստող փաստաթղթեր կան ԱՄՆ արխիվներում) վերաբերող հարցեր։

Ներկայացուցիչների պալատ փաստաթղթի ներկայացման պահին  կողմ էր 211 մարդ, այժմ այդ թիվը հասել է 218-ի։

Հայոց մեծ եղեռնը 20-րդ դարի առաջին ցեղասպանությունն է, որը կազմակերպվել և ծրագրավորված իրագործվել է երիտթուրքական կառավարության կողմից, ինչի հետևանքով Օսմանյան կայսրության կազմի մեջ մտնող Արևմտյան Հայաստանում, սրի է քաշվել ավելի քան 1,5 մլն. հայ։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, ԱՄՆ-ի մեծ թվով նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Շվեյցարիայի ազգային խորուրդը, Կանադայի խորհրդարանի համայնքների պալատը և Լեհաստանի սեյմը։ -0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: