486.78
+0.12
515.5
+2.27
8.41
+0.01
-2
Եղանակը Երևանում
Հայ
ՀՀ կառավարության ծրագիրը պետք է արժանանա ժողովրդի հավանությանը. վարչապետ
17:58
29 Ապրիլի 2008

Հայաստանի կառավարության   ծրագիրը պետք է արժանանա ոչ միայն կոալիցիայի, Ազգային ժողովի, կառավարության, այլև ժողովրդի հավանությանը, երեքշաբթի հայտարարեց ՀՀ վարչապետ Տիգրան Սարգսյանը:

«Դրա ճանապարհը յուրաքանչյուր քաղաքացուն ծրագրի իրականացմանը մասնակից դարձնելն է»,- ասաց նա՝ խորհրդարանում ներկայացնելով կառավարության գործունեության 2008-2012թթ. ծրագիրը:

Վարչապետի խոսքով, ներկայացնելով ծրագիրը, կառավարությունը բարձրացնում է վստահությունն իր նկատմամբ։ Սարգսյանը նշեց, որ կառավարության ծրագիրը մշակվել է` հաշվի առնելով Հայաստանի Հանրապետության ազգային անվտանգության ռազմավարության և Աղքատության հաղթահարման ռազմավարական ծրագրի դրույթները, և ներառում է Հայաստանի Հանրապետության նախագահի, Հայաստանի Հանրապետական կուսակցության, «Բարգավաճ Հայաստան» կուսակցության, «Օրինաց երկիր» կուսակցության և «Հայ Յեղափոխական Դաշնակցություն» կուսակցության նախընտրական ծրագրերի, ինչպես նաև Քաղաքական կոալիցիայի համաձայնագրի հիմնական դրույթները:

«Կոալիցիա կազմող կուսակցությունների ղեկավարներն իրենց նախընտրական ծրագրերում և հրապարակային ելույթներում բազմիցս հնչեցրել  են մեր երկրում կուտակված հիմնախնդիրները՝ հասարակության երկփեղկվածությունը, բարոյահոգեբանական անառողջ մթնոլորտը, ստվերային տնտեսության մեծ տեսակարար կշիռը, կոռուպցիան, պաշտոնյաների կամայականությունները, մրցակցության անհավասար պայմանները, աղքատությունը և այլն»,- հայտարարեց Սարգսյանը:

 

Կառավարության ղեկավարն ասաց, որ պետք է համահունչ լինել արագ փոփոխվող աշխարհի ժամանակակից միտումներին: «Մենք պետք է ոչ թե կրկնօրինակենք զարգացած երկրների փորձը, այլ ուսումնասիրենք այն և նայենք դեպի ապագան: Մենք ապրում ենք արագ փոփոխվող աշխարհում, ինչը նշանակում է, որ ժամանակակից աշխարհի ազդեցությունները մեր կյանքի վրա օրեցօր ուժգնանում են: Մենք պետք է կարողանանք պաշտպանվել բացասական ազդեցություններից և լայն դաշտ ստեղծել մեզ անհրաժեշտ և ցանկալի համագործակցությունների համար»,- ավելացրեց վարչապետը:

Սարգսյանը նշեց, որ հասարակության և տնտեսության հենքը պետք է լինի գիտելիքը: Զարգացման հիմնական ռեսուրսներն ինտելեկտը և տեղեկատվությունն են:

ՀՀ կառավարության ղեկավարը կարծում է, որ կառավարության ծրագրի հենքում աշխարհընկալման հինգ սյուներն են՝ արագ փոփոխվող աշխարհում արագություն, արագ փոքրացող աշխարհում` անվտանգություն,  գիտելիքի վրա հիմնված հասարակություն և տնտեսություն, հոգևոր և մշակութային արժեքների պահպանում, ժամանակակից մարդու ազատությունների ապահովում:

«Մեր ծրագրի սյուների հենքը փոխադարձ վստահության և հարգանքի մթնոլորտն է: Մենք չպետք է բաժանվենք, մենք չպետք է մեր ժողովրդի մի մասի ու մյուսի միջև անջրպետներ ստեղծենք, չպետք է անհաղորդ լինենք միմյանց մտահոգության ու ցավի նկատմամբ, չպետք է դուրս գանք փոխադարձ հասանելիության սահմանից: Եթե անգամ մեր միջև չհասկացվածության պատ կա, եկեք քանդենք այդ պատը»,- ասաց վարչապետը։

Նրա խոսքով, հասարակության պառակտման վերացման   միակ եղանակը համատեղ ազնիվ աշխատանքն է: Բամբասանքների, ստի, նենգության, կանխամտածված վիրավորանքների հաղթահարման ճանապարհը համատեղ քրտնաջան աշխատանքն է»,- ասաց վարչապետը: --0—

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։