483.99
+0.93
563.46
+1.42
8.32
+0.02
+4
Եղանակը Երևանում
Հայ
Հայաստանի պետական ճարտարագիտական համալսարանի 75-ամյակը նշեցին Synopsys Armenia ՏՏ-ընկերությունում
01:42
30 Ապրիլի 2008
ԵՐԵՎԱՆ, 29 ապրիլի. /Նովոստի-Արմենիա/. Հայաստանի պետական ճարտարագիտական համալսարանի (ՀՊՃՀ) 75-ամյակի կապակցությամբ երեքշաբթի տեղի ունեցավ տեղեկատվական տեխնոլոգիաների ոլորտում հայկական ամենամեծ կազմակերպություններից մեկի՝ Synopsys Armenia (պատկանում է էլեկտրոնային ավտոմատացված ուղեկցողների նախագծման ոլորտում համաշխարհային առաջատար Synopsys ամերիկյան կազմակերպությանը) ընկերությունում։

Ինչպես միջոցառմանը նշեց Synopsys Armenia-ի գործադիր տնօրեն Հովիկ Մուսայելյանը, ՀՊՃՀ-ն հաջողությամբ իրականացրել է իր հիմնական առաքելությունը՝ բուհարտադրության համագործակցության նախագծերի արդյունավետ ներդրումը։

«Synopsys-ը համագործակցում է Պոլիտեխնիկի հետ արդեն յոթ տարի, և բավական արդյունավետորեն։ Կազմակերպությունը գործընկերային կապեր ունի մոտավորապես աշխարհի 500 համալասարանների հետ, սակայն այն համագործակցությունը, որը ստեղծվել է Հայաստանի Պոլիտեխնիկի հետ, առանձնահատուկ է բովանդակության և նշանակության տեսանկյունից»,- ասաց Մուսայելյանը, ով այս բուհի շրջանավարտ է։

Նրա խոսքերով, միայն այն փաստը, որ Synopsys կազմակերպության բազայի վրա հիմնվել է  «Միկրոէլեկտրոնային սխեմաներ և համակարգեր» միջդեպարտամենտային ամբիոնը, վկայում է համալսարանի հետ լուրջ համագործակցության մասին։

Նա նշեց, որ այս ամբիոնում կրթություն է ստանում մոտ 300 ուսանող, որոնցից 30 տոկոսը հետագայում աշխատանքի կտեղավորվեն հենց կազմակերպությունում։

«Գաղտնիք չէ, որ երկրի համար դժվար տարիներին Պոլիտեխնիիկի ուսանողները լրացնում էին երկրի քաղաքական ու տնտեսական վերնախավը։ Կարծում եմ, որ այս առաքելությունը պետք է շարունակվի, քանի որ ինստիտուտը բարձր որակավորում ունեցող կադրեր ունի»,- ասաց Մուսայելյանը։

Հայաստաի կրթության և գիտության նախարար Լևոն Մկրտչյանն իր հերթին հայտարարեց, որ ՀՊՃՀ մեկն է այն համալսարաններից, որը սկսել է բուհական բարեփոխումների գործընթացը։

«Հայաստանի կրթական համակարգը պետք է ջանա իր աշխատանքը համապատասխանեցնել այն բարձր չափանիշներին, որոնք դրված են երկրի առաջ»,- ասաց Մկրտչյանը։

Ընդ որում նախարարը նշեց հստակ պետպատվեր ձևավորելու անհրաժեշտությունը, որը կձևավորվի  միայն երկարաժամկետ գործընկերների հետ, ընդ որում ընդգծելով, որ կառավարությունը կհիմնավորվի համագործակցության նման ձևաչափով։

 ՀՀ տեխնոլոգիական կրթության անվիճարկելի առաջատար, իր հիմնադրման 75-րդ տարին թևակոխած Հայաստանի պետական ճարտարագիտական համալսարանը (Պոլիտեխնիկ), որը հանդիսանում է Երևանի պոլտեխնիկական ինստիտուտի իրավաժառանգորդը, հիմնադրվել է 1933թ.` ունենալով ընդամենը 2 ֆակուլտետ և 107 ուսանող:

Ինստիտուտն աճել է Հայաստանի արդյունաբերության տեմպերին համընթաց` 1980-1985 թթ. դառնալով Հայաստանի խոշորագույն բարձրագույն ուսումնական հաստատությունը իր շուրջ 25000 ուսանողներով և Խորհրդային Միության առաջատար ինժեներական դպրոցներից մեկը` ընդգրկելով 66-ից ավելի մասնագիտություններ

1991թ. նոյեմբերի 29-ին Երևանի պոլիտեխնիկական ինստիտուտը վերակազմակերպվեց և վերանվանվեց Հայաստանի պետական ճարտարագիտա¬կան համալսարանի (ՀՊՃՀ):

Ներկայումս ՀՊՃՀ-ն ունի 10 000-ից ավելի ուսանող և շուրջ 1 000 դասախոս, 12 մասնագիտացնող դեպարտամենտներ, ասպիրանտական բաժանմունք,  օտարերկրյա քաղաքացիների ուսուցման բաժանմունք, միկրոէլեկտրոնային սխեմաների և համակարգերի ամբիոն` ՙՍԻՆՈՓՍԻՍ՚ ընկերության բազայի հիման վրա, հեռակա ուսուցման բաժանմունք և մի շարք այլ ստորաբաժանումներ:

Սինոփսիս ընկերությունը ինտեգրալ սխեմաների (ԻՍ) ավտոմատացված  նախագծման ոլորտի համաշխարհային առաջատարն է: Հայաստանում այն իր գործունեությունը սկսել է 2004թ.՝ տեղեկատվական տեխնոլոգիաները (ՏՏ) երկրի զարգացման գերակա ուղղություն հռչակելուց անմիջապես հետո:

Այժմ Սինոփսիս Արմենիա ՓԲԸ-ն Սինոփսիս ընկերության ԱՄՆ տարածքից դուրս գործող ամենամեծ ստորաբաժանումներից մեկն է, որը զբաղվում էլեկտրոնային նախագծման ավտոմատացման, արտադրության համար նախագծման և կիսահաղորդչային մտավոր սեփականության մշակման ոլորտներում գիտահետազոտական և ճարտարագիտական աշխատանքներով:

Ներկայումս ընկերությունում աշխատում են հարյուրավոր որակյալ ճարտարագետներ, և այն երկրում ՏՏ ոլորտի խոշորագույն գործատուներից մեկն է:--0-

Loading...
Թեմատիկ նյութեր
Բաժնի այլ նյութեր
22:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
02:05
01 Նոյեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
19:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
00:49
26 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
03:07
25 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
01:23
25 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
21:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
03:10
20 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
22:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
21:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
02:19
19 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
01:10
17 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները: